ភ្នំពេញ៖ ព្រឹកថ្ងៃអង្គារ ទី០៩ ខែឧសភា ២០២៣ ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា បានអញ្ជើញសំណេះសំណាលក្រុមកីឡាករ កីឡាការិនី ជម្រើសជាតិកម្ពុជា អាយុក្រោម២២ឆ្នាំ នៅសណ្ឋាគារ អូឡាំព្យ៉ា និងនៅក្រសួងអប់រំយុវជន និងកីឡា។
កោះកុង៖ នៅថ្ងៃចន្ទ ទី០៨ ខែឧសភា ឆ្នាំ២០២៣ នៅបន្ទប់ប្រជុំនាយសេនាធិការ បញ្ជាការដ្ឋាន កងរាជអាវុធហត្ថខេត្តកោះកុង បានបើកកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ក្រោមអធិបតីលោក វរសេនីយ៍ទោ ម៉ាន់ ដាវីត នាយសេនាធិការ កងរាជអាវុធហត្ថខេត្តកោះកុង ដោយមានការចូលរួមពីលោកនាយសេនាធិការរង ប្រធានមន្ទីរទាំង៧ នាយលេខាធិការ នាយការិយាល័យ មេបញ្ជាការ មូលដ្ឋានក្រុង ស្រុក ស្នាក់ការសន្តិសុខ និងក្រុមជំនួយការ។
ភ្នំពេញ៖ ដោយមានការអនុញ្ញាតពីឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស លោក ឧត្តមសេនីយ៍ត្រីញឹម សិលា ស្នងការ ស្នងការដ្ឋានផែនការប្រតិបត្តិការនិងហ្វឹកហ្វឺន កងរាជអាវុធលើផ្ទៃប្រទេស បានអញ្ជើញបិទវគ្គបំប៉នជំនាញបញ្ជូនសារ។វត្តមានក្នុងពិធីបិទវគ្គនេះមានលោក ស្នងការរង នាយ នាយរងការិយាល័យ នាយផ្នែក កងអន្តរាគមន៍កងរាជអាវុធហត្ថលើផ្ទៃប្រទេស។ ពិធីបិទវគ្គនេះធ្វើឡើងនារសៀលថ្ងៃចន្ទ ទី០៨ ខែឧសភា ឆ្នាំ២០២៣ នៅសាលប្រជុំ បញ្ជាការដ្ឋានកងរាជអាវុធហត្ថលើផ្ទៃប្រទេស។
ដោយបានការអនុញ្ញាត ពីលោក ឧត្តមសេនីយ៍ទោ តាវ គារី ស្នងការ ស្នងការដ្ឋាន សម្ភារបច្ចេកទេសកងរាជអាវុធហត្ថលផ្ទៃប្រទេស នៅព្រឹកថ្ងៃទី០៧ ខែឧសភា ឆ្នាំ២០២៣ លោកបានចាត់តាំង លោកឧត្តមសេនីយ៍ត្រី អំ បូរ៉េន ស្នងការរង ដឹកនាំក្រុមការងារ ចុះសួរសុខទុក្ខ សំណេះសំណាលនិងនាំយកថវិកាចំនួន ៤,១៩០,០០០រៀល ផ្តល់ជូនលោកព្រិន្ធបាលទោ ណែត សេដ្ឋធន សមាជិកការិយាល័យផែនការ ស្នងការដ្ឋានសម្ភារបច្ចេកទេស ដែលជួបគ្រោះថ្នាក់ចរាចរណ៍។
យុវជនស្ម័គ្រចិត្ត ចូលរួមរៀបចំសណ្តាប់ធ្នាប់ក្នុងព្រឹត្តិការណ៍ sea games លើកទី៣២ ដែលកម្ពុជាធ្វើម្ចាស់ផ្ទះរងរបួសក្នុងពេលបំពេញភារកិច្ចដោយសារទស្សនិកជនដណ្តើមគ្នាជ្រៀតចូលទស្សនាដោយផ្ទាល់ការប្រកួតកីឡាបាល់ទាត់រវាងក្រុមកម្ពុជា និងក្រុមមីយ៉ាម៉ា ដែលមានម្នាក់មកពីខេត្តសៀមរាប ម្នាក់មកពីខេត្តបាត់ដំបង ម្នាក់មកពីខេត្តពោធិ៍សាត់ និងស្រីម្នាក់ជាអ្នកជម្ងឺ កំពុងសម្រាកព្យាបាលនៅមន្ទីរពេទ្យសម្ភពក្រុង ។ ឯកឧត្តម នាយឧត្តមសេនីយ៍ សៅ សុខា និងកូនប្រុសរបស់ឯកឧត្តម នាយឧត្តមសេនីយ៍ បានអញ្ជើញចុះសាកសួរសុខទុក្ខ និងផ្តល់ថវិកាបន្តិចបន្ទួចសម្រួលសម្រាប់ប្រើប្រាស់ទិញចំណីអាហារ ឬប្រើប្រាស់តាមតម្រូវការផ្សេងៗទៀតរបស់អ្នកជំងឺ នៅវេលាម៉ោង ១៣ និង០០នាទី រសៀលថ្ងៃចន្ទ ទី០៨ ខែឧសភា ឆ្នាំ២០២៣ ។
ព្រៃវែង៖ អនុវត្តន៍បទបញ្ជាយ៉ាងម៉ឺងម៉ាត់ ពីលោក ឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង នៅវេលាម៉ោង១៤ និង៣០នាទី ថ្ងៃទី០៣ ខែឧសភា ឆ្នាំ២០២៣ កម្លាំងជំនាញកងរាជអាវុធហត្ថខេត្ត និងកម្លាំងមូលដ្ឋានកងរាជអាវុធហត្ថស្រុកព្រះស្ដេច ដឹកនាំដោយលោក វរសេនីយ៍ទោ ផាត់ សុជោត ប្រធានមន្ទីរស្រាវជ្រាវ និងបង្ក្រាបបទល្មើសបានចុះបង្ក្រាបបទល្មើសគ្រឿងញៀននៅចំណុចភូមិក្រសាំងទង ឃុំអង្ករាជ្យ ស្រុកព្រះស្ដេច ខេត្តព្រៃវែង ដោយបានឃាត់ខ្លួនជួនសង្ស័យបានចំនួន០២ នាក់ និងបានចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យរួមទាំងវត្ថុតាង ត្រូវបានមន្ត្រីជុំនាញកងរាជអាវុធហត្ថខេត្តចាត់ការតាមនីតិវិធី។
ឧត្ដរមានជ័យ៖ នៅថ្ងៃទី០៣ ខែឧសភា ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុកចុងកាល់ បានចុះជួយសង្គ្រោះ ប្រជាពលរដ្ឋដែលគ្រោះថ្នាក់ចរាចរណ៍ នៅភូមិបន្ទាយចាស់ ឃុំចុងកាល់ ស្រុក ចុងកាល់ ខេត្តឧត្តរមានជ័យ។ កម្លាំងកងរាជអាវុធហត្ថ បានដឹកជនរងគ្រោះ យកទៅព្យាបាលនៅមណ្ឌលសុខភាព ស្រុកចុងកាល់។
កែប៖ រសៀលថ្ងៃទី០៤ ខែឧសភា ឆ្នាំ២០២៣ នៅសាលប្រជុំ បញ្ជាការដ្ឋានកងរាជអាវុធហត្ថខេត្ត លោក វរសេនីយ៍ឯក សេស សុផល មេបញ្ជាការស្តីទី កងរាជអាវុធហត្ថខេត្តកែប បានដឹកនាំ លោកមេបញ្ជាការរង នាយសេនាធិការ សេនាធិការរង ប្រធានគោលដៅទាំងអស់ និងមេបញ្ជាការមូលដ្ឋានកងរាជអាវុធហត្ថក្រុង ស្រុក ប្រជុំត្រួតពិនិត្យការអនុវត្តន៍ ផែនការការពារសន្តិសុខ រក្សាសុវត្ថិភាព ជូនប្រតិភូ កីឡាករ និងប្រជាពលរដ្ឋ ក្នុងព្រឹត្តិការប្រកួតកីឡាអាស៊ី អាគ្នេយ៍ លើកទី៣២ ឆ្នាំ២០២៣ នៅខេត្តកែប។
ព្រឹកថ្ងៃទី០៥ ខែឧសភា ឆ្នាំ២០២៣ សម្តេចកិត្តិសង្គហបណ្ឌិត ម៉ែន សំអន ប្រធានគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ បានដឹកនាំគណៈប្រតិភូ គណៈយុទ្ធមិត្តជំនាន់បម្រើកងទ័ពឆ្នាំ១៩៧៨ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រធានកិត្តិយស គណៈយុទ្ធមិត្តជំនាន់បម្រើកងទ័ពឆ្នាំ១៩៧៨ អញ្ជើញចូលរួមគោរពវិញ្ញាណក្ខន្ធសព ឯកឧត្តម ឧត្តមសេនីយ៍ឯក សរ ម៉ឺន សាកលវិទ្យាធិការរង សាកលវិទ្យាល័យការពារជាតិ និងជាសមាជិកនៃ “យ.ជ.ប.ទ.” ដែលបានទទួលមរណភាពកាលពីថ្ងៃទី០៣ ខែឧសភា ឆ្នាំ២០២៣ ដោយជរាពាធ ក្នុងជន្មាយុ៧៥ឆ្នាំ។ នាពេលនោះដែរ សម្តេចកិត្តិសង្គហបណ្ឌិត…
ការប្រកួតបាល់ទាត់បុរសអាយុក្រោម ២២ ឆ្នាំ រវាងកម្ពុជា និងហ្វីលីពីន នៅក្នុងព្រឹត្តិការណ៍ស៊ីហ្គេម នាយប់ថ្ងៃទី០២ ខែឧសភា ឆ្នាំ២០២៣ នៅឯពហុកីឡដ្ឋានជាតិអូឡាំពិក ត្រូវបានបញ្ចប់ដោយរលូន ក្រោមបរិយាកាសសប្បាយរីករាយ និងសុវត្ថិភាព ក្នុងលទ្ធផលស្មើគ្នា ១-១។ ក្រលេកមកមើល កងកម្លាំងប្រដាប់អាវុធចម្រុះ បានរួមគ្នាប្រឹងប្រែង ការពារ សន្តិសុខ រក្សាសណ្តាប់ធ្នាប់ យ៉ាងយកចិត្តទុកដាក់គ្រប់ៗគ្នា ក្នុងនោះកម្លាំងអាវុធហត្ថរាជធានីភ្នំពេញ ត្រូវបានលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ…