សៀមរាប៖ នៅថ្ងៃទី០៤ ខែតុលា ឆ្នាំ២០២១ លោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានដឹកនាំមន្ត្រីក្រោមឱវាទនាំយកទេយ្យទានប្រគេនព្រះសង្ឃចំនួន ៣វត្ត (វត្តស្វាយធំ,វត្តល្អក់ និងវត្តព្រិន្ទ ដោយក្នុងមួយវត្តអង្ករ ២៥០គីឡូក្រាម, ទឹកបរិសុទ្ធ ២០កេស, ទឹកក្រូច ១០កេស, មី ១៦កេសតូច, ត្រីខ ២៤យួរ, ទឹកត្រី ៥យួរ, ទឹកស៊ីអ៊ីវ ៥យួរ, ទឹកដោះគោខាប់ ៤៨កំប៉ុង, ស្ករស ១០គីឡូក្រាម,…

ព្រៃវែង៖​ នៅព្រឹក ថ្ងៃទី០៤ ខែតុលា ឆ្នាំ២០២១ លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង និងមន្រ្តីក្រោមឱវាទបានអញ្ជើញដាក់បិណ្ឌទី១៣ នៅវត្តសន្លូងព្រៃវល្លិ៍ ស្ថិតនៅភូមិសន្លូង ឃុំអង្គរទ្រេត ស្រុកស្វាយអន្ទរ ខេត្តព្រៃវែង ក្នុងនោះដែរលោកឧត្តមសេនីយ៍ នាំយកទ័យទាន និងបច្ច័យសម្រាប់កសាងវត្ត មួយចំនួន ។

កំពង់ស្ពឺ៖ រសៀលថ្ងៃទី៤ ខែតុលា ឆ្នាំ២០២១ ប្រតិភូបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ដឹកនាំដោយលោកវរសេនីយ៍ឯក ភូ ឌីសាឌីន មេបញ្ជាការរង តំណាងលោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្ត បាននាំយកថវិកាមូលនិធិគ្រួសារកងរាជអាវុធហត្ថខេត្តកំពង់ស្ពឺ ចំនួន ៩,៣១៥,០០០រៀល ប្រគល់ជូនគ្រួសារសព លោកអនុសេនីយ៍ឯក ទឹម ស៊ីនាង ដល់លំនៅដ្ឋាន ក្នុងកម្មវិធីបុណ្យ៧ថ្ងៃ។

សៀមរាប៖ ព្រឹកចន្ទ ទី០៤ ខែតុលា ឆ្នាំ២០២១ អង្គភាពកងរាជអាវុធហត្ថខេត្តសៀមរាប សូមចូលរួមរំលេកទុក្ខជាមួយគ្រួសារសព លោកអនុសេនីយ៍ត្រី សំ សារ៉េត ជំនួយការ មូលដ្ឋានកងរាជអាវុធហត្ថក្រុងសៀមរាប ដែលបានទទួលមរណៈភាពដោយរោគគាពាធ នៅថ្ងៃទី០២ ខែតុលា ឆ្នាំ២០២១។ លោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប លោកមេបញ្ជាការរង លោកនាយរងសេនាធិការដ្ឋាន មន្ទីរទាំង៧ មូលដ្ឋានកងរាជអាវុធហត្ថក្រុង/ស្រុកទាំង១២ បានប្រមូលថវិការមួយចំនួនដើម្បីប្រគល់ជូនគ្រួសារនៃសព សម្រាប់ចាត់ចែងកម្មពិធីបុណ្យសព ថវិកាដែលប្រមូលបាន ១៣,២៥៥,០០០រៀល។

ប៉ៃលិន៖ ព្រឹកថ្ងៃទី០៣ ខែតុលា ឆ្នាំ២០២១ លោកឧត្ដមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន បានដឹកនាំមន្រ្តីក្រោមឱវាទនាំយកនៅទេយ្យទានរួមមានអង្ករ ៦ការ៉ុង, មី៨កេស, ទឹកបរិសុទ្ធ៣០ យួរ និងបច្ច័យចំនួន ៧៩០,០០០រៀល ទៅប្រគេនព្រះសង្ឃនៅវត្តគីរីអូរដូនតា ក្នុងវេនកាន់បិណ្ឌ និងបុណ្យភ្ជុំបិណ្ឌ ស្ថិតនៅភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។

ត្បូងឃ្មុំ៖ នៅរសៀល ថ្ងៃទី០២ ខែតុលា ឆ្នាំ ២០២១ លោកវរសេនីយ៍ត្រី ព្រហ្ម វុទ្ធី មេបញ្ជាការ មូលដ្ឋានកងរាជអាវុធហត្ថស្រុកមេមត់ និងស្នាក់ការសន្តិសុខ៧០២ តំណាងលោក ឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថខេត្តត្បូងឃ្មុំ បាននាំយកទេយ្យទាន និងគ្រឿងឧបភោគ បរិភោគសរុបទឹកប្រាក់ ១,៨៣០,០០០រៀល ប្រគេនព្រះសង្ឃចំនួន ០៣វត្តនៅក្នុងឃុំទន្លូង ស្រុកមេមត់ ខេត្តត្បូងឃ្មុំ ។

កោះកុង៖ ព្រឹកថ្ងៃទី០២ ខែតុលា ឆ្នាំ២០២១ លោកវរសេនីយ៍ឯក មាស សាលាស់ មេបញ្ជាការរង តំណាងលោកឧត្តមសេនីយ៍ត្រី ថុង ណារុង មេបញ្ជាការកងរាជអាវុធហត្ថខេត្តកោះកុង បាននាំយកបច្ច័យចំនួន ១,៣៥០,០០០រៀល និងទេយ្យទានមួយចំនួន ដែលជាការចូលរួមចាប់មគ្គផលពីសំណាក់ នាយទាហាន នាយទាហានរងកងរាជអាវុធហត្ថខេត្តទាំងមូល ទៅប្រគេនដល់ព្រះសង្ឃដែលគង់នៅវត្តពាមក្រសោប ក្រុងខេមរៈភូមិន្ទ ដើម្បីធ្វើចង្ហាន់ និងតម្រូវការក្នុងវត្តនារដូវកាន់បិណ្ឌភ្ជុំបិណ្ឌនេះ ។