កំពង់ស្ពឺ៖ ព្រឹកថ្ងៃទី៣០ ខែកញ្ញា ឆ្នាំ២០២១ លោកវរសេនីយ៍ឯក ចាន់ ដា មេបញ្ជាការរង នាយសេនាធិការ តំណាងលោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំប្រតិភូអញ្ជើញគោរពវិញ្ញាណក្ខន្ធសពលោកអនុសេនីយ៍ឯក ទឹម ស៊ីនាង មេបញ្ជាការរង មូលដ្ឋានកងរាជអាវុធហត្ថស្រុកថ្ពង កងរាជអាវុធហត្ថខេត្តកំពង់ស្ពឺ បានទទួលមរណៈភាព នៅថ្ងៃពុធ៨រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៩ ខែកញ្ញា ឆ្នាំ២០២១…

កោះកុង៖ ព្រឹកថ្ងៃទី២៩ ខែកញ្ញា ឆ្នាំ២០២១ លោកវរសេនីយ៍ឯក មាស សាលាស់ មេបញ្ជាការរង តំណាងលោកឧត្តមសេនីយ៍ត្រី ថុង ណារុង មេបញ្ជាការកងរាជអាវុធហត្ថខេត្តកោះកុង បាននាំយកបច្ច័យចំនួន ១,៣៦០,០០០រៀល និងទេយ្យទានមួយចំនួន ដែលជាការចូលរួមចាប់មគ្គផលពីសំណាក់ នាយទាហាន នាយទាហានរងកងរាជអាវុធហត្ថខេត្តទាំងមូល ទៅប្រគេនដល់ព្រះសង្ឃ ដែលគង់នៅវត្តជោតញាណ ក្រុងខេមរៈភូមិន្ទ ដើម្បីធ្វើចង្ហាន់ និងតម្រូវការក្នុងវត្តនារដូវកាន់បិណ្ឌភ្ជុំបិណ្ឌនេះ ។

ប៉ៃលិន៖ ព្រឹកថ្ងៃពុធ ទី២៩ ខែកញ្ញា ឆ្នាំ២០២១ លោកវរសេនីយ៍ទោ នួន ធុល មេបញ្ជាការរង កងរាជអាវុធហត្ថខេត្ត និងនាយការិយាល័យទំនាក់ទំនងកិច្ចការសាធារណៈ បាននាំយកនូវអង្ករចំនួន៥ការ៉ុង ថវិកាចំនួន ១,៥០០,០០០រៀល ប្រគេនព្រះសង្ឃនៅវត្តរតនសោភ័ណ ( ហៅវត្តកោងកាង ) ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌ វេនទី៩ ត្រូវជាវេនរបស់កងរាជអាវុធហត្ថខេត្តខេត្តប៉ៃលិន។  

បាត់ដំបង៖ នៅព្រឹកថ្ងៃអង្គារ ទី២៨ ខែកញ្ញា ឆ្នាំ២០២១ លោកឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង បានដឹកនាំមន្ត្រីក្រោមឱវាទនាំយកទេយ្យទានទៅប្រគេនព្រះសង្ឃគង់ចាំព្រះវស្សានៅវត្តគរ ឋិតក្នុងភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។ បច្ច័យនិងទេយ្យទានមានអង្ករចំនួន ០២ការ៉ុងស្មើ ១០០គីឡូក្រាម, ទឹកបរិសុទ្ធចំនួន០២កេសធំ, ភេសជ្ជៈចំនួន ០៣កេសធំ និងថវិកាមួយចំនួន។

កោះកុង៖ ថ្ងៃទី២៨ ខែកញ្ញាឆ្នាំ ២០២១ លោកវរសេនីយ៍ទោ ថុង សំអន ប្រធានមន្ទីរភស្តុភារ តំណាងលោកឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង បាននាំយកបច្ច័យចំនួន ២,១០០,០០០រៀល និង៣៥០ ដុល្លារ និងទេយ្យទាន ដែលលោកឧត្តមសេនីយ៍ត្រី ថុង ណារុង និងលោកជំទាវ ព្រមទាំងបុត្រាបុត្រីចៅប្រុសចៅស្រី នាយទាហាន នាយទាហានរង នៃកងរាជអាវុធហត្ថខេត្ត ទាំងមូលបានចូលរួមចាប់មគ្គផល ដើម្បីប្រគេនដល់ព្រះសង្ឃ ដែលគង់ចាំព្រះវស្សាទៅវត្តព្រែកស្វាយ ក្រុងខេមរៈភូមិន្ទ…