រតនគិរី៖ នៅព្រឹកថ្ងៃពុធ ទី២៣ ខែមេសា ឆ្នាំ ២០២០ យោងតាមបទបញ្ជាលោក ឧត្តមសេនីយ៍ត្រី ថា យ៉េន មេបញ្ជាការ កងរាជអាវុធហត្ថខេត្តរតនគិរី កម្លាំងមូលដ្ឋានកងរាជអាវុធហត្ថស្រុកអូយ៉ាដាវ ដឹកនាំដោយលោក វរសេនីយ៍ត្រី សុខ មីន មេបញ្ជាការ មូលដ្ឋានស្រុកបានចុះសាវជ្រាវ រុករកបទល្មើសព្រៃឈើស្ថិតក្នុងភូមិសាស្ត្រស្រុកអូយ៉ាដាវ ខេត្តរតនគិរីជាក់ស្ដែង កម្លាំងបានចុះដល់ចំណុចភូមិភិ ឃុំសេសាន ស្រុកអូរយ៉ាដាវ ខេត្តរតនគិរីបានប្រទះឃើញគំនរឈើដែលក្រុមឈ្មួញបានដឹកជញ្ជូនតាមម៉ូតូយកមកលាក់នៅចំការស្វាយចន្ទីរបស់ប្រជាពលរដ្ឋ ក្បែរប៉ុស្តិ៍នគរបាលភូមិភិ ដែលមានចម្ងាយប្រហែល ៣៥០ ម៉ែត្រ ដោយមានការសមម្របសម្រួលពីលោក…

តាកែវ៖ នៅរសៀលពុធ ទី២២ ខែមេសា ឆ្នាំ២០២០ នៅមូលដ្ឋាន កងរាជអាវុធហត្ថស្រុកត្រាំកក់ បានរៀបចំពិធីប្រកាសតែងតាំងផ្លាស់ប្តូរមុខងារ មេបញ្ជាការរង មូលដ្ឋានកងរាជអាវុធហត្ថស្រុក ក្រោមអធិបតីភាព លោក ឧត្តមសេនីយ៍ត្រី សេង មហា មេបញ្ជាការរង តំណាងអោយ លោក ឧត្តមសេនីយ៍ មេបញ្ជាការ កងរាជអាវុធហត្ថ ខេត្តតាកែវ និង លោក ហ៊ត ម៉ានូ អភិបាលរងស្រុកត្រាំកក់ និងលោក អ៊ុក ឡៃអ៊ីន…

នៅព្រឹកថ្ងៃទី២៣ ខែមេសា ឆ្នាំ២០២០ នៅវិទ្យាស្ថានកងរាជអាវុធហត្ថកំបូលនៃបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនិយ៍ទោ វ៉ា ស៊ិនភីរម្យ នាយរងសេនាធិការ និងជា នាយការិយាល័យហិរញ្ញវត្ថុ កងរាជអាវុធហត្ថលើផ្ទៃប្រទេស បានដឹកនាំការកិច្ចប្រជុំពង្រឹងការងារជំនាញហិរញ្ញវត្ថុ លើមុខចំណាយទូទៅឱ្យត្រូវតាមគោលរបបដែលបានផ្តល់ជូន។

បាត់ដំបង៖ ព្រឹកថ្ងៃអង្គារ ទី២១ខែមេសា ឆ្នាំ ២០២០ នៅបញ្ជាការដ្ឋាន កងរាជអាវុធហត្ថខេត្តបាត់ដំបង លោក វរសេនីយ៍ឯក អ៊ឹម ដារ៉ា មេបញ្ជាការរង និងជា នាយសេនាធិការ កងរាជអាវុធហត្ថខេត្តបាត់ដំបង បានដឹកនាំកិច្ចប្រជុំប្រកាសសេចក្ដីសម្រេច ស្ដីពីការបែងចែកភារកិច្ច ទទួលខុសត្រូវជួយមេបញ្ជាការ លើការងាជំនាញនីមួយៗ។

កំពង់ស្ពឺ៖ ព្រឹកថ្ងៃទី២២ ខែមេសា ឆ្នាំ២០២០ ក្រុមការងារអធិការកិច្ចក្រសួងការពារជាតិ អធិការដ្ឋានអគ្គបញ្ជាការដ្ឋាន និងអធិការកិច្ចកងរាជអាវុធហត្ថលើផ្ទៃប្រទេស ដឹកនាំដោយ លោក ឧត្តមសេនីយ៍ទោ ព្រំ ជឿន នាយករង នាយកដ្ឋានអធិការកិច្ចក្រសួងការពារជាតិ បានអញ្ជើញចុះធ្វើអធិការកិច្ច ប្រចាំឆ្នាំ២០១៩ នៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ។

កំពង់ឆ្នាំង៖ នៅថ្ងៃទី២២ ខែមេសា ឆ្នាំ២០២០ កម្លាំងអាវុធហត្ថខេត្តកំពង់ឆ្នាំង បានចុះបង្ក្រាបករណីជួញដូរ ចែកចាយ ឬប្រើប្រាស់ដោយខុសច្បាប់នូវសារធាតុញៀន ភូមិដង្ខៅម៉ៅ ឃុំចក ស្រុកបរិបូរណ៍ដោយបានធ្វើការឃាត់ខ្លួនជនសង្ស័យម្នាក់ និងដកហូតថ្នាំញៀន(ម្សៅក្រាមពណ៌សថ្លាសង្ស័យម៉ាទឹកកក)ចំនួន ០៤កញ្ចប់, ថ្នាំគ្រាប់ពណ៌ក្រហម(ប្រភេទយ៉ាម៉ា)ចំនួន៣.៥គ្រាប់។ បច្ចុប្បន្នការិយាល័យជំនាញកំពុងបន្តរនីតិវិធី។

ស្វាយរៀង៖ នៅវេលាម៉ោង ២២ និង ៣០ នាទីថ្ងៃទី២១ ខែមេសា ឆ្នំា២០២០ នៅចំណុចខាងមុខផ្ទះសំណាក់ ៣៨៨ ភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង កម្លាំងអាវុធហត្ថបានឃាត់ខ្លួនបានជនសង្ស័យបានចំនួន ០២ នាក់ ពាក់ព័ន្ធករណីជួញដូរ ចែកចាយ ឬប្រើប្រាស់ដោយខុសច្បាប់នូវសារធាតុញៀន និងដកហូតវត្ថុតាងម្សៅក្រាមពណ៌សថ្លា ចំនួន ០៨ កញ្ចប់, ទូរស័ព្ទចំនួន ០៣ គ្រឿង, ប្រាក់ដុល្លារចំនួន ៣០ ដុល្លារ,…

ព្រះសីហនុ៖ វេលាម៉ោង ០០:១០នាទីព្រឹកថ្ងៃទី២២ ខែមេសា ឆ្នាំ២០២០ កម្លាំងការិយាល័យគ្រឿងញៀន ដឹកនាំដោយលោកវសេនីយ៍ត្រី ឡុង គឹមហួរ នាយការិយាល័យ បានចុះបង្រ្កាបករណីជួញដូរចែកចាយ ឬប្រើប្រាស់ដោយខុសច្បាប់នូវសារធាតុញៀន ស្ថិតនៅចំណុចក្រុម១៦ ភូមិ៣ សង្កាត់៤ ក្រុងព្រះសីហនុ។ ឃាត់ខ្លួនជនសង្ស័យចំនួន ០៣នាក់ និងដកហូតវត្ថុតាងម្សៅក្រាមសថ្លាចំនួន០៦កញ្ចប់, ម្សៅពណ៌សប្រភេទខេ ចំនួន ០១កញ្ចប់, ថ្នាំគ្រាប់ពណ៌ក្រហម ចំនួន ០៦គ្រាប់, កញ្ឆា ចំនួន០២ថង់, ដបជក់ ចំនួន០១, ទូរស័ព្ទ…