មណ្ឌលគិរី៖ ថ្ងៃទី២៦ ខែមេសា ឆ្នាំ២០២០ លោក ឧត្តមសេនីយ៍ត្រី ហែម បូណារ៉ែល បានដឹកនាំមន្ត្រីអាវុធហត្ថក្រោមឱវាទ ចុះសាកសួរសុខទុក្ខ និងនាំយកអំណោយមួយចំនួន រួមទាំងថវិកាសរុបចំនួន៤.០០០.០០០រៀល ប្រគល់ជូនលោក អនុសេនីយ៍ទោ ហូវ សុគង់ និងលោក ឧត្តមសេនីយ៍ត្រី សេង សុវណ្ណ (អតិតអាវុធហត្ថចូលសោធននិវត្តន៍) កំពុងសម្រាកព្យាបាល ជំងឺនៅមន្ទីរពេទ្យព្រះកេតុមាលា រាជធានីភ្នំពេញ។
ព្រឹកថ្ងៃទី២៦ ខែមេសា ឆ្នាំ២០២០ កម្លាំងកងរាជអាវុធហត្ថខេត្តក្រចេះ បានដុតបំផ្លាញចោល រថយន្តប៉ាកុងចំនួន០២គ្រឿង ស្ថិតនៅចំណុចភូមិអាជេន ឃុំកំពង់ចាម ស្រុកសំបូរ ដែលបានចាប់យកកាលពីពេលកន្លងទៅ។
កណ្តាល៖ ថ្ងៃទី២៥ ខែមេសា ឆ្នាំ២០២០ កម្លាំងកងរាជអាវុធហត្ថស្រុកល្វាឯម ខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋមានករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀននៅចំណុចភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តកណ្តាល និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០១នាក់ៈ ឈ្មោះ សន និមល ភេទប្រុស អាយុ៣៤ឆ្នាំ ជនជាតិខ្មែរ មុខរបរកសិករ ទីលំនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។ វត្ថុតាងចាប់យករួមមាន៖…
ព្រះសីហនុ ៖ នៅវេលាម៉ោង ០០:៣០នាទីទៀបភ្លឺ ថ្ងៃទី២៦ ខែមេសា ឆ្នាំ២០២០កម្លាំងការិយាល័យគ្រឿងញៀន ដឹកនាំដោយលោក វរសេនីយ៍ត្រី ឡុង គឹមហួរ នាយការិយាល័យ បានចុះបង្រ្កាបករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀនស្ថិតនៅចំណុច ភូមិ២ សង្កាត់១ ក្រុងព្រះសីហនុ ខេត្តព្រះសីហនុ ដោយឃាត់ខ្លួនជនសង្ស័យចំនួន ០២នាក់ និងដកហូតវត្ថុតាងរួមមានម្សៅក្រាមសថ្លាចំនួន ០៣កញ្ចប់, ជញ្ជីង០១, ខ្សៀជក់០១, ដបជក់០១, ទូរស័ព្ទ០២គ្រឿង និងម៉ូតូ០១គ្រឿង។ បច្ចុប្បន្ន កម្លាំងជំនាញកងរាជអាវុធហត្ថខេត្តព្រះសីហនុ កំពុងបន្តនីតិវិធី។
ព្រះវិហារ៖ នៅវេលាម៉ោង ០០ និង ១៥នាទី ថ្ងៃទី២៥ ខែមេសា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុករវៀង ខេត្តព្រះវិហារ សហការបង្ក្រាបករណីដឹកជញ្ចូនផល អនុផលព្រៃឈើដោយគ្មានលិខិតអនុញ្ញាតនៅចំណុចភូមិរំចេក ឃុំរម្មណីយ ស្រុករវៀង ឃាត់រថយន្ត ០១គ្រឿង។ បច្ចុប្បន្នវត្ថុតាងប្រគល់ឱ្យផ្នែករដ្ឋបាលព្រៃឈើរវៀងបន្តនីតិវិធី។
ព្រះវិហារ៖ នៅវេលាម៉ោង ២៣ និង ៣០នាទី ថ្ងៃទី២៤ ខែមេសា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុករវៀង សហការបង្ក្រាបករណីប្រមូល និងដឹកជញ្ចូនផល អនុផលព្រៃឈើដោយគ្មានលិខិតអនុញ្ញាតនៅចំណុចភូមិរំចេក ឃុំរម្មណីយ៍ ស្រុករវៀង ខេត្តព្រះវិហារ ដោយបានឃាត់រថយន្ត ០១គ្រឿង និងអ្នកបើកបរ០១នាក់។ បច្ចុប្បន្នអ្នកបើកបរនិងវត្ថុតាងបញ្ជូនមកផ្នែករដ្ឋបាលព្រៃឈើរវៀងបន្តនីតិវិធី។
សៀមរាប៖ នៅថ្ងៃសៅរ៍ ទី២៥ ខែមេសា ឆ្នាំ២០២០ យោងតាមអនុសាសន៍របស់លោក នាយឧត្តមសេនីយ៍ អគ្គមេបញ្ជាការរងកងយោធពលខេមរភូមិន្ទ មេបញ្ជាកងរាជអាវុធហត្ថលើផ្ទៃប្រទេស លោកមេបញ្ជាការខេត្ត សៀមរាប បានផ្សព្វផ្សាយឱ្យមេបញ្ជាការមូលដ្ឋាន កងរាជអាវុធហត្ថក្រុង-ស្រុក ស្នាក់សន្តិសុខ នាំគ្នាចូលរួមដាំបន្លែ ចិញ្ចឹមសត្វ មានដូចជាមាន់ ទាជាដើម សម្រាប់ផ្គត់ផ្គង់នៅតាមមូលដ្ឋានរៀងៗខ្លួន ដើម្បីកាត់បន្ថយការហូបន្លែ និងសាច់ដែលមានជាតិគីមី។
រតនគិរី៖ លោក អនុសេនីយ៍ឯក សុខ សុខឿន មេបញ្ជាការរង មូលដ្ឋានកងរាជអាវុធហត្ថស្រុកតាវែង បញ្ជាការដ្ឋានកងរាជអាវុធហត្ថខេត្តរតនគិរី នៅថ្ងៃទី២៤ ខែមេសា ឆ្នាំ២០២០ បានប្រកាសបរិច្ចាគប្រាក់បៀវត្សរបស់ខ្លួនចំនួន ៥០.០០០រៀលសម្រាប់រយៈពេល ០៥ ខែគិតចាប់ពីខែឧសភាដល់ខែកញ្ញាឆ្នាំ២០២០ ជូនដល់គណៈកម្មាធិការជាតិប្រយុទ្ធប្រឆាំងជំងឺកូវិដ-១៩។
រតនគិរី៖ លោក អនុសេនីយ៍ឯក មាស ណារ៉ា មេបញ្ជាការរង មូលដ្ឋានកងរាជអាវុធហត្ថស្រុកតាវែង បញ្ជាការដ្ឋាន កងរាជអាវុធហត្ថខេត្តរតនគិរី នៅថ្ងៃទី២៤ ខែមេសា ឆ្នាំ២០២០ បានប្រកាសបរិច្ចាគប្រាក់បៀវត្សរបស់ខ្លួនចំនួន១០០.០០រៀលសម្រាប់រយៈពេល ០៥ ខែ គឺចាប់ពីខែឧសភា ដល់ខែកញ្ញាឆ្នាំ២០២០ ជូនដល់គណៈកម្មាធិការជាតិប្រយុទ្ធប្រឆាំងជំងឺកូវិដ-១៩។
រតនគិរី៖ លោក វរសេនីយ៍ត្រី កែ វិចិត្រ មេបញ្ជាការ មូលដ្ឋានកងរាជអាវុធហត្ថស្រុកតាវែង បញ្ជាការដ្ឋាន កងរាជអាវុធហត្ថខេត្តរតនគិរី ថ្ងៃទី២៤ ខែមេសា ឆ្នាំ២០២០ បានប្រកាសបរិច្ចាគប្រាក់បៀវត្សរបស់ខ្លួនចំនួន ១២០.០០រៀលសម្រាប់រយៈពេល ០៥ ខែគឺចាប់ពីខែឧសភា ដល់ខែកញ្ញា ឆ្នាំ២០២០ ជូនដល់គណៈកម្មាធិការជាតិប្រយុទ្ធប្រឆាំងជំងឺកូវិដ-១៩។