ក្រចេះ៖ វេលាម៉ោង ០៥:០០នាទីព្រឹក ថ្ងៃទី២៤ ខែមេសា ឆ្នាំ២០២០ កម្លាំងអាវុធហត្ថខេត្តក្រចេះ បានបង្ក្រាបបទល្មើសព្រៃឈើ នៅចំណុចភូមិទី១ សង្កាត់រកាកណ្ដាល ក្រុងក្រចេះ ដោយបានដកហូតម៉ូតូសណ្ដោងរ៉ឺម៉កចំនួន ២គ្រឿង និងឈើកូនក្រឡឹង ឈើក្ដាចំរុះ នឹងបានបញ្ជូនឱ្យរដ្ឋបាលព្រៃឈើអនុវត្តតាមនីតិធី។ វេលាម៉ោង ១៨:៣០នាទី ថ្ងៃទី២៣ ខែមេសា ឆ្នាំ២០២០ កម្លាំងអាវុធហត្ថ សហការជាមួយកម្លាំងចំរុះ ចុះបង្ក្រាបបទល្មើសព្រៃឈើនៅចំណុចភូមិសំបួរ ឃុំស្វាយជ្រះ ស្រុកស្នួល ដោយបានដកហូតឈើក្ដារ(ត្រាច-ស្រឡៅ) ចំនួន២១សន្លឹក បច្ចុប្បន្នបញ្ជូនឱ្យរដ្ឋបាលព្រៃឈើអនុវត្តតាមនីតិធី។

តាកែវ៖ នៅវេលាម៉ោង ២ និង ២៥នាទី ថ្ងៃទី២៣ ខែមេសាឆ្នាំ២០២០ កម្លាំងការិយាល័យបទល្មើសគ្រឿងញៀន កងរាជអាវុធហត្ថខេត្តតាកែវ សហការជាមួយកម្លាំងមូលដ្ឋាន កងរាជអាវុធហត្ថស្រុកបាទី ដឹកនាំដោយលោក ទេព មានិន ព្រះរាជអាជ្ញារងអមសាលាដំបូងខេត្ត និងលោកវរសេនីយ៍ឯក ង៉ែត ចាន់ធី មេបញ្ជាការរង កងរាជអាវុធហត្ថខេត្ត បានចុះបង្ក្រាបមុខសញ្ញាជួញដូរ និងរក្សាទុកសារធាតុញៀនដោយខុសច្បាប់ ស្ថិតនៅភូមិរុន ឃុំចំបក់ ស្រុកបាទី ខេត្តតាកែវ ដោយបានឃាត់ខ្លួនជនសង្ស័យជនសង្ស័យបាន ០២នាក់ឈ្មោះ ឈួន ឆៃ…

កណ្តាល៖ ព្រឹកថ្ងៃព្រហស្បតិ៍ ទី២៣ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកណ្តាល លោក វរសេនីយ៍ឯក សៅ សុគន្ធា មេបញ្ជាការរង និងជានាយសេនាធិការ កងរាជអាវុធហត្ថ ខេត្តកណ្ដាល បានអញ្ជើញជាអធិបតីភាពក្នុងពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថ ការគោរពបទបញ្ជា ពង្រឹងការងារជំនាញក្នុងអង្គភាព ការងាររបាយការណ៍ប្រចាំថ្ងៃ ការងារដាំដុះ ចិញ្ចឹមសត្វតាមអង្គភាព ផ្សព្វផ្សាយពីការបង្ការទប់ស្កាត់ពីជំងឺកូវីដ-១៩ និងផ្សព្វផ្សាយពីច្បាប់ចររាចរណ៍ផ្លូវគោកថ្មីផងដែរ៕

ស្វាយរៀង ៖ រសៀលថ្ងៃព្រហស្បតិ៍ ទី២៣ ខែមេសា ឆ្នាំ២០២០ សមកិច្ចជំនាញនៃការិយាល័យបទល្មើសគ្រឿងញៀន កងរាជអាវុធហត្ថខេត្តស្វាយរៀង បានបញ្ជូនជនសង្ស័យ ០២នាក់ទៅតុលាការដើម្បីផ្ដន្ទាទោសពាក់ព័ន្ធករណីរក្សាទុក ឬជួញដូរ និងប្រើប្រាស់ដោយខុសច្បាប់នូវសារធាតុញៀនដែលកម្លាំងបង្ក្រាបបានកាលពីនៅវេលាម៉ោង ២២:០០ នាទីថ្ងៃទី២១ ខែមេសា ឆ្នាំ២០២០ នៅបន្ទប់ជួល ភូមិថ្នាញ សង្កាត់បាទី ក្រុងបាវិត ខេត្តស្វាយរៀង រួមនឹងវត្ថុតាងថ្នាំញៀនចំនួន ០៦ កញ្ចប់ (ធំ ០៥កញ្ចប់ ០១ កញ្ចប់ ), ទូរសព្ទដៃចំនួន…

រតនគិរី៖ ព្រឹកថ្ងៃទី២៣ ខែមេសា ឆ្នាំ ២០២០ នៅបញ្ជាការដ្ឋាន កងរាជអាវុធហត្ថខេត្តរតនគិរី លោក ឧត្តមសេនីយត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី បានបើកកិច្ចប្រជុំត្រួតពិនិត្យការអនុវត្តតួនាទីភារកិច្ច និងបានធ្វើការដាស់តឿនចំពោះមេបញ្ជាការ ក្រុង-ស្រុក ត្រូវយកចិត្តទុកដាក់ក្តាប់នូវរាល់ព័ត៌មាន និងសភាពការណ៍បទល្មើសផ្សេងៗពិសេសបទល្មើសធនធានធម្មជាតិ និងត្រូវចូលរួមចំណែកលើការងារគ្រប់គ្រងមើលថែទាំនិងការចិញ្ចឹមទព័តាមបណ្តាអង្គភាព គោរពវិន័យ ការអនុវត្តតួនាទីភារកិច្ចរបស់កងរាជអាវុធហត្ថ ចូលរួមចំណែកការងារបង្កបង្កើនផលប្រលង ប្រឡងប្រណាំង ការដាំដំណាំបន្លែចិញ្ចឹមត្រី ចិញ្ចឹមមាន់ ទា គោ តាមបណ្ដាលមូលដ្ឋានអង្គភាពកងរាជអាវុធហត្ថរៀងៗខ្លួនដើម្បីធានាការហូបចុកក្នុងអង្គភាព។

ក្រចេះ៖ អនុវត្តតាមបទបញ្ជា លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ នៅវេលាម៉ោង១៣:២០នាទី ថ្ងៃទី២២ ខែមេសា ឆ្នាំ២០២០ កម្លាំងស្នាក់ការសន្តិសុខ៧០៦ ដឹកនាំដោយលោក វរសេនីយ៍ត្រី ទេព ដារ៉ា ប្រធានស្នាក់ការសន្តិសុខ៧០៦ បានចុះបង្ក្រាបករណីដឹកជញ្ជូនឈើដោយគ្មានលិខិតអនុញ្ញាតនៅចំណុវនិយាមការ (៦០៦៥១២.១៣៨៥២២៤) ភូមិកែង ឃុំជ្រោយបន្ទាយ ស្រុកព្រែប្រសព្វខេត្តក្រចេះ ដោយបានរឹបអូសរថយន្តសាំយ៉ុងមួយគ្រឿងដឹកឈើអារលេខ០១(ក្តារ) ដូនចែម សរុបចំនួន ១២៦សន្លឹកស្មើនិង ៣,៥២៨ (បីម៉ែត្រត្រីគុណប្រាំរយម្ភៃប្រាំបី)។ បច្ចុប្បន្នវត្ថុតាងបានប្រគល់ជូនរដ្ឋបាលព្រៃឈើជ្រោយបន្ទាយដើម្បីចាត់ការតាមនីតិវិធី។

កំពង់ស្ពឺ៖ នៅថ្ងៃទី២៣ ខែមេសា ឆ្នាំ២០២០ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំប្រជុំបែងចែកភារកិច្ចទទួលខុសត្រូវជួយមេបញ្ជាការ លើការងារតាមជំនាញនីមួយៗ និងប្រជុំវាយតម្លៃ ស្នើសុំដំឡើងឋានន្តរសក្តិ ជូននាយទាហាន នាយទាហានរង នៃកងរាជអាវុធហត្ថខេត្តកំពង់ស្ពឺ ដោយមានវត្តមាន លោកមេបញ្ជាការរង នាយលេខាធិការ៕

កំពង់ស្ពឺ៖ ថ្ងៃទី២៣ ខែមេសា ឆ្នាំ២០២០ នៅចំណុចលើផ្លូវលេខ៤៤ ចន្លោះគីឡូម៉ែត្រលេខ(៤៩-៥០)ស្ថិតក្នុងភូមិគោក ឃុំសង្កែសាទប ស្រុកឱរ៉ាល់ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ សហការជាមួយកម្លាំងកងរាជអាវុធហត្ថលើផ្ទៃប្រទេស ដឹកនាំដោយលោក វរសេនីយ៍ទោ សោម ពុទ្ធតារា មេបញ្ជាការ បានសហការបង្ក្រាបបទល្មើសធនធានធម្មជាតិដោយបានចាប់រថយន្តសាំយ៉ុងពណ៌សំបកឪឡឹក ដឹកឈើជ្រុងម៉ៃតាប់ ប្រភេទសុក្រំ គ្មានច្បាប់អនុញ្ញាតិ(ម្ចាស់រត់គេចខ្លួនបាត់) ។ បច្ចុប្បន្នវត្ថុតាង រក្សាទុកជាបណ្តោះអាសន្ននៅមូលដ្ឋានកងរាជអាវុធហត្ថស្រុកឱរ៉ាល់។

ក្រៅពីការងារស្នូលដែលជាតួនាទី ភារកិច្ចរបស់ខ្លួន កងរាជអាវុធហត្ថខេត្តស្វាយរៀង បានប្រែក្លាយជីវភាពមួយក្នុងដំណាក់កាលប្រយុទ្ធប្រឆាំងនឹងជំងឺកូវីដ១៩ គឺបាននាំគ្នាបង្កបង្កើនផល ចិញ្ចឹមសត្វ ដាំដុះ តាមលទ្ធភាពជាលក្ខណៈគ្រួសារ និងអង្គភាព។ តាមបទបញ្ជារបស់លោកនាយឧត្តមសេនីយ៍ មេបញ្ជាការកងរាជអាវុធហត្ថលើផ្ទៃប្រទេស បណ្តាស្ថាប័ន និងអង្គភាពចំណុះ បាននឹងកំពុងខិតខំប្រឹងប្រែងដាំដុះ ចិញ្ចឹមសត្វ ដើម្បីបន្ថែមលើការហូបចុកប្រចាំថ្ងៃ៕