ព្រះសីហនុ៖ វេលាម៉ោង១៧:០០នាទីថ្ងៃទី២១ ខែមេសា ឆ្នាំ២០២០ កម្លាំងការិយាល័យគ្រឿងញៀន កងរាជអាវុធហត្ថខេត្តដឹកនាំដោយ លោក វរសេនីយ៍ត្រី ឡុង គឹមហួរ នាយការិយាល័យ បានចុះបង្រ្កាបករណីជួញដូរ ចែកចាយ ឬប្រើប្រាស់ដោយខុសច្បាប់នូវសារធាតុញៀន ស្ថិតនៅចំណុចវត្តលើ សង្កាត់១ ក្រុងព្រះសីហនុ ដោយឃាត់បានជនសង្ស័យចំនួន០១នាក់ ឈ្មោះ ខន សុភ័ក្រ្ត ភេទប្រុស អាយុ ៣៥ឆ្នាំ ជនជាតិខ្មែរ មុខរបរ រត់ម៉ូតូឌុប បច្ចុប្បន្នរស់នៅបន្ទប់ជួលភូមិ១ សង្កាត់១ ក្រុងព្រះសីហនុ…

ក្រចេះ៖ អនុវត្តតាមការណែនាំ និងចង្អុលបង្ហាញពីលោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ នៅវេលាម៉ោង ៣:០០នាទីថ្ងៃទី២១ ខែមេសា ឆ្នាំ២០២០ កម្លាំងមូលដ្ឋានកងរាជអាវុធហត្ថស្រុកសំបូរ ដឹកនាំដោយលោក វរសេនីយ៍ត្រី សូត្រ ស៊ីម មេបញ្ជាការស្រុកបានចុះចាប់បទល្មើសធនធានធម្មជាតិ ចំនុច U T. M (៦០២៦២៤- ១៤១៥៨៩២) ស្ថិតនៅក្នុងទន្លេរភូមិយាវ ឃុំកំពង់ចាម ស្រុកសំបូរ ខេត្តក្រចេះ ដោយបានចាប់ឃាត់ទូកចំនួន ០១គ្រឿងដឹកឈើពេញ…

ឧត្តរមានជ័យ៖ កម្លាំងមូលដ្ឋាន កងរាជអាវុធហត្ថស្រុកត្រពាំប្រាសាទ ដឹកនាំដោយលោក វរសេនីយ៍ត្រីម៉ៅ អូដេ មេការរង មូលដ្ឋានកងរាជអាវុធហត្ថស្រុកត្រពាំងប្រាសាទ សហការជាមួយកម្លាំង ចំរុះ ដឹកនាំរួមដោយលោក ប៉េង ម៉េងគ័ង ព្រះរាជអាជ្ញារងអមសាលាដំបូងខេត្តឧត្តរមានជ័យ បានចុះបង្ក្រាបទីតាំងសន្និធិផលអនុផលព្រៃឈើគ្មានច្បាប់អនុញ្ញាតិរបស់ម្ចាស់ឈ្មោះ យ៉ុត វ៉ាន់ស៊ុ ភេទប្រុសអាយុ ៣៩ឆ្នាំ នៅភូមិថ្នល់កែងឃុំ ស្រុកត្រពាំងប្រាសាទ ខេត្តឧត្តរមានជ័យ ដោយបានដកហូតឈើលេខ១(ស្រឡៅ)៣១៦សន្លឹក ស្មើនឹង ១៤,០៦ម៉ែត្រត្រីគុណ។ បច្ចុប្បន្នឈើរក្សានៅស្នាក់ការបរិស្ថានគូលេនព្រហ្មទេពចំណែកម្ចាស់បញ្ជូនមកមន្ទីរបរិស្ថានខេត្ត។  

តាកែវ ៖ នៅព្រឹកថ្ងៃអង្គារ ទី២១ ខែ មេសា ឆ្នាំ២០២០ លោក ឧត្ដមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ច និងការងារតាមជំនាញនីមួយៗ ការបែងចែកទីតាំងចូលរួមបង្ករបង្កើនផល ដាំដុះ ចិញ្ចឹមតាមផែនការ ក្នុងនោះការប្រជុំបានធ្វើការណែនាំពីវិធានការ អនាម័យ សំអាតលាងដៃ នឹងទឹកអាកុល រឺជែល អោយបានជាប្រចាំ។

ប៉ៃលិន៖ នៅរសៀលថ្ងៃចន្ទ ទី២០ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តប៉ៃលិន លោក ឧត្ដមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន បានបើកកិច្ចប្រជុំស្ដីពីការបែងចែកតួនាទីភារកិច្ចទទួលខុសត្រូវជួយមេបញ្ជាការលើការងារជំនាញនីមួយៗ។

ស្វាយរៀង៖ រសៀលថ្ងៃចន្ទ ទី២០ ខែមេសា ឆ្នាំ២០២០ នៅសាលប្រជុំបញ្ជាការដ្ឋាន កងរាជអាវុធហត្ថខេត្តស្វាយរៀង បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថក្រោមអធិបតីភាពលោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង និងដោយមានការអញ្ជើញចូលរួមពីសំណាក់ នាយរងសេនាធិការដ្ឋាន អនុប្រធានមន្ទីរ នាយការិយាល័យ មេបញ្ជាការរងមូលដ្ឋាន កងរាជអាវុធហត្ថក្រុង-ស្រុក ព្រមទាំងនាយ នាយរង និងពលអាវុធហត្ថខេត្តជាច្រើនរូបទៀត។

រតនគិរី៖ ព្រឹកថ្ងៃចន្ទ ទី២០ ខែមេសា ឆ្នាំ២០២០ នៅបញ្ជាការដ្ឋាន កងអាវុធហត្ថខេត្តរតនគីរី លោកឧត្តមសេនីយ៍ត្រី ថា យ៉េន មេបញ្ជាការ កងរាជអាវុធហត្ថខេត្តរតនគិរី បានបើកកិច្ចប្រជុំបែងចែកតួនាទីភារកិច្ចដល់មេបញ្ជាការរង ចំណុះបញ្ជាការដ្ឋានកងរាជអាវុធហត្ថខេត្តរតនគិរី ដោយមានការចូលរួមពីសំណាក់ មេបញ្ជាការរង ដើម្បីផ្សព្វផ្សាយសេចក្តីសម្រេច ស្តីពីការបែងចែកភារកិច្ចទទួលខុសត្រូវជួយមេបញ្ជាការលើការងារតាមជំនាញនីមួយៗ។

ឧត្តរមានជ័យ ៖ ព្រឹកថ្ងៃចន្ទ ទី២០ ខែមេសា ឆ្នាំ២០២០ នៅសាលប្រជុំបញ្ជាការដ្ឋានកងរាជអាវុធហត្ថ ខេត្តឧត្តរមានជ័យ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថខែមេសា និងទិសដៅការងារខែឧសភា ឆ្នាំ២០២០ ក្រោមអធិបតីភាព លោកឧត្តមសេនីយ៍ត្រី ពុទ្ធ សារ៉ាន មេបញ្ជាការកងរាជអាវុធហត្ថខេត្តឧត្តរមានជ័យ និងដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុក ព្រមទាំងនាយ នាយរងអាវុធហត្ថខេត្តជាច្រើនរូបទៀត។