រតនគិរី៖ កាលពីវេលាម៉ោង២១ និង ២១នាទី ថ្ងៃទី២១ ខែឧសភា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកបរកែវ ដឹកនាំដោយលោក វរសេនីយ៍ត្រី កាន់ ធីរ័ត្ន មេបញ្ជាការ មូលដ្ឋានកងរាជអាវុធហត្ថ បានធ្វើការចុះបង្រាបករណី គ្រឿងញៀន នៅក្នុងចំណុចចំការ ភូមិក្លិ ឃុំស៊ើង ស្រុកបរកែវ ខេត្តរតនគីរី ដោយបានឃាត់ខ្លួនមនុស្សចំនួន ៣នាក់ និងដកហូតវត្ថុតាងពាក់ព័ន្ធមួយចំនួន។ បច្ចុប្បន្ន មន្ត្រីជំនាញកងរាជអាវុធហត្ថបានកសាងសំណុំរឿងតាមនីតិវិធី ។

តាកែវ៖ វេលម៉ោង ១០ និង ៣០ នាទីថ្ងៃទី២១ ខែឧសភា ឆ្នាំ កំលាំងការិយាល័យបទល្មើសគ្រឿងញៀន សហការជាមួយកម្លាំងមូលដ្ឋាន កងរាជអាវុធហត្ថក្រុងដូនកែវ ដឹកនាំ ដោយលោកវរសេនីយ៍ត្រីឈុន សុមេធា នាយការិយាល័យ និងដោយមានសម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញាអមសាលាដំបូងខេត្ត បានចុះបង្ក្រាបមុខសញ្ញាជួញដូរនិងប្រើប្រាស់សាតធាតុញៀនដោយខុសច្បាប់នៅ ភូមិថ្នល់បត់សង្កាត់រកកាក្រៅ ក្រុងដូនកែវ ខេត្តតាកែវ ដោយបានឃាត់ខ្លួនជនសង្ស័យ ០៣នាក់ និងដកហូតវត្ថុតាងពាក់ព័ន្ធមួយចំនួនផងដែរ។ បច្ចុប្បន្នជនសង្ស័យ និងវត្ថុតាង ត្រូវបានសាងសំណុំរឿងបញ្ជូនទៅអយ្យការអមសាលាដំបូងខេត្តរួច។

ឧត្តរមានជ័យ៖ នៅវេលាម៉ោង ៣ និង ៤០នាទីព្រឹកថ្ងៃទី២២ ខែឧសភា ឆ្នាំ២០២០ កម្លាំងមូលដ្ឋាន កងរាអាវុអហត្ថស្រុកអន្លង់វែង ដឹកនាំដោយលោក អនុសេនីយ៍ឯក ហើន សំបោន មេការរងស្រុកអន្លង់វែងចុះឃាត់រថយន្តចំនួន០១គ្រឿងម៉ាក(ហ៊ីយ៉ាន់ដាយ) ពាក់ស្លាកលេខ ព្រៃវែង ៣A.០៧៧៥ ដឹកឈើប្រភេទលេខ២ មានខ្នាតដូចខាងក្រោម ១/០,០៥×០,១៥×៨×៩ដុំ=០,៥៤០ម៉ែត្រគូប ២០,០៥×០,១៥×៧×៥៣ដុំ=២,៧៨២ម៉ែត្រគូប ៣/០,០៥×០,១៥×៦×១៥១ដុំ=៦,៧៩៥ម៉ែត្រគីប សរុបចំនួន ១០,១១៧ម៉ែត្រគូបនៅចំណុច ភូមិអូរគគីកណ្តាល ឃុំលំទង ស្រុកអន្លង់វែង ខេត្តឧត្តរមានជ័យ (អ្នកបើកបរបានរត់គេចខ្លួនបាត់)។ និងនៅវេលាម៉ោង…

ព្រះសីហនុ៖ នៅវេលាម៉ោង១៤:០០នាទីរសៀល ថ្ងៃទី២៥ ខែឧសភា ឆ្នាំ២០២០ កម្លាំងការិយាល័យបទល្មើសគ្រឿងញៀននៃមន្ទីរយុត្តិធម៌ កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យ ប្រុស ស្រី សរុបចំនួន ០៩នាក់ រួមនឹងវត្ថុតាងមួយចំនួន ទៅអយ្យការអមសាលាដំបូងខេត្ត ពាក់ព័ន្ធករណី ជួញដូរ រក្សាទុក ផ្ដល់ទីតាំង ចាត់ចែង សម្រួលឲ្យប្រើប្រាស់ និងប្រើប្រាស់ដោយខុសច្បាប់នូវសារធាតុញៀន។  

បន្ទាយមានជ័យ៖ នៅព្រឹកថ្ងៃអាទិត្យ ទី២៤ ខែឧសភា ឆ្នាំ២០២០ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត ដឹកនាំដោយលោក អនុសេនីយ៍ឯក សរ សុភ័ក្ត្រា មេញ្ជាការស្ដីទីមូលដ្ឋាន កងរាជអាវុធហត្ថក្រុង បានសហការជាមួយការិយាល័យសេដ្ឋកិច្ច និងអភិវឌ្ឍន៍សហគមន៍ ការិយាល័យផលិតកម្ម និងបសុព្យាបាល(ពេទ្យសត្វ) ក្រុងប៉ោយប៉ែត ចុះបង្រ្កាបករណីដឹកជញ្ជូនទំនិញខុសច្បាប់រួមមានត្រចៀកជ្រូក,ថ្លើមជ្រូក,ពោះវៀន,ក្រពះ និង ខួរ នៅចំណុចភូមិ/សង្កាត់ ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ សរុបចំនួន ១៦កេសស្នោរ ស្មើនឹងទម្ងន់ ៨៤០ គីឡូក្រាម។…

ស្វាយរៀង៖ នៅបញ្ជាការដ្ឋាន កងរាជអាវុធហត្ថខេត្តស្វាយរៀងព្រឹកថ្ងៃទី២៥ ខែឧសភា ឆ្នាំ២០២០ លោកជំទាវ ដួង វណ្ណា និងលោកជំទាវ ពៅ សុភាព តំណាងរាស្ត្រមណ្ឌលស្វាយរៀង និងប្រតិភូអមដំណើរ បានអញ្ជើញជួបសំណេះសំណាល ថ្លែងអំណរគុណដល់កម្លាំងប្រចាំបញ្ជា កម្លាំងអន្តរាគមន៍ និងកម្លាំងបង្ការពន្លត់អគ្គីភ័យ ដែលបានចេញអន្តរាគមន៍ ពន្លត់អគ្គិភ័យឆេះផ្ទះមន្ត្រីសាលាដំបូងខេត្ត កាលពីវេលាម៉ោង ១៨:០០ ថ្ងៃទី២៤ ខែឧសភា ឆ្នាំ២០២០ ក្នុងភូមិស្រះវង់ សង្កាត់ស្វាយរៀង ក្រុងស្វាយរៀង។ ក្នុងឱកាសនោះលោកជំទាវ បានឧបត្ថម្ភថវិកាដល់កម្លាំងប្រតិបត្តិការក្នុងម្នាក់ៗ ចំនួន…

កំពង់ឆ្នាំង៖ នៅព្រឹកថ្ងៃអង្គារ ទី២៦ ខែឧសភា ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីក្រុងពាលី ឈូសឆាយពង្រាយដីសម្រាប់សាងសង់ទីលានបាញ់កាំភ្លើងទ័ពជើងគោកអាស៊ាន និង សាងសង់ស្ថានីយ៍ផលិតទឹកស្អាតបន្ថែមសម្រាប់ប្រើប្រាស់នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយ។