ប៉ៃលិន៖ ថ្ងៃអង្គារ ទី០៨ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីសំណេះសំណាលជាមួយយោធិន នៃកងរាជអាវុធហត្ថ សោធននិវត្តន៍ ក្រោមអធិបតីភាពលោក ឧត្ដមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន ក្នុងឱកាសនេះដែរលោក មេបញ្ជាការ ក៏បានចែកនៅរបស់អនុស្សាវរីយ៍ជូនដល់យោធិនដែលចូលនិវត្តន៍រួមមានអង្ករ ១ការ៉ុង, កាបូប២, ត្រីខ ១យួ, ថវិកាចំនួន ៥០,០០០៛ និងចែកកាបូបជូនដល់នាយ នាយរងក្នុងម្នាក់ៗទទួលបានកាបូបចំនួន ១ផងដែរ។

ពោធិ៍សាត់៖ ថ្ងៃទី៨ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ លោក វរសេនីយ៍ឯក សូ សុវណ្ណឌី មេបញ្ជាការ កងរាជអាវុធហត្ថខេត្តពោធិ៍សាត់ បានដឹកនាំប្រជុំជួរបញ្ជាការ ស្ដីពីការវាយតម្លៃយោធិននៃកងរាជអាវុធហត្ថ ទាំងពីរភេទដល់អាយុចូលសោធននិវត្តន៍ ឆ្នាំ២០២១។

ភ្នំពេញ៖ សិក្ខាកាមមកពីបញ្ជាការដ្ឋាន កងរាជអាវុធហត្ថរាជធានី-ខេត្តចំនួន ១០៣ នាក់ បានបញ្ចប់វគ្គវិក្រឹតការបញ្ជាការសេនាធិការ កងរាជអាវុធហត្ថជំនាន់ទី១ និង ហ្វឹកហ្វឺនពលទាហានទ័ពជំនាញ ត្រូវបានបញ្ចប់វគ្គជាស្ថាពរ នាព្រឹកថ្ងៃទី០៩ ខែកញ្ញា ឆ្នាំ២០២០នេះ។ ក្រោយពីបានសិក្សាអស់រយៈពេល១២ខែនៅវិទ្យាស្ថានកងរាជអាវុធហត្ថកំបូល ដែលក្នុងនោះសិក្ខាកាមទទួលបាននិទ្ទេស ឆ្នើមមានចំនួន១១នាក់ ល្អបង្គួរមានចំនួន ៦២នាក់ មធ្យមមានចំនួន៣០នាក់។ ទន្ទឹមនឹងនេះចំពោះវគ្គហ្វឹកហ្វឺនពលទាហានទ័ពជំនាញមានសិក្ខាកាមចំនួន ៦៥នាក់ រៀនរយៈពេល០៣ខែ។ ពិធីនេះប្រព្រឹត្តទៅក្រោមអធិបតីភាព លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជា មេបញ្ជាការ…

តាកែវ៖ នៅថ្ងៃអង្គារ ទី៨ ខែកញ្ញា ឆ្នាំ២០២០ លោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច វឌ្ឍនភាពការងារកងរាជអាវុធហត្ថ មានការចូលពី មេបញ្ជាការរង នាយរងសេនាធិការ ប្រធានមន្ទីរស្តីទី នាយការិយាល័យ ដែលពាក់ព័ន្ធ។

ភ្នំពេញ៖ រសៀលថ្ងៃពុធ ទី០៩ ខែកញ្ញា ឆ្នាំ២០២០ នៅអគារសេនាធិការដ្ឋាននៃបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំត្រួតពិនិត្យ ការអនុវត្តតួនាទីភារកិច្ច និងការងារកងរាជអាវុធហត្ថ ប្រចាំសប្តាហ៍ទី១ ខែកញ្ញា ឆ្នាំ២០២០។

ស្វាយរៀង៖ ថ្ងៃចន្ទ ទី០៧ ខែកញ្ញា ឆ្នាំ២០២០ នៅសាលប្រជុំជួរបញ្ជាការកងរាជអាវុធហត្ថខេត្តស្វាយរៀង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថប្រចាំខែកញ្ញា ទិសដៅបន្តប្រចាំខែតុលា ឆ្នាំ២០២០។ ពិធីនេះក្រោមអធិបតីភាពលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ដោយមានការអញ្ជើញចូលរួមពីសំណាក់ លោក លោកស្រីមេបញ្ជាការរង នាយរងសេនាធិការ លោក លោកស្រីនាយការិយាល័យដែលមានការពាក់ព័ន្ធផងដែរ។

ភ្នំពេញ៖ រសៀលថ្ងៃអង្គារ ទី០៨ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញសំណេះសំណាល និង សាកសួរសុខទុក្ខ ជាមួយនាយទាហាន នាយទាហានរងនៃកងរាជអាវុធហត្ថ ពិធីនេះមានការអញ្ជើញពីប្រតិភូអមដំណើរ មកពីក្រសួងសាធារណការ និងដឹកជញ្ជូន ព្រមទាំងនាយទាហានជាន់ខ្ពស់កងរាជអាវុធហត្ថផងដែរ។