ភ្នំពេញ៖ សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ នារសៀលថ្ងៃទី១២ ខែកញ្ញា ឆ្នាំ២០២០ បានបញ្ជូនជនសង្ស័យម្នាក់ទៅអយ្យការអមសាលាដំបូងរាជធានីភ្នំពេញ ដើម្បីចាត់ការតាមនីតិវិធី ពាក់ព័ន្ធករណី ឆបោក គំរាមសម្លាប់ និងលាក់ទុក ប្រើប្រាស់អាវុធដោយខុសច្បាប់ចំនួន ២ដើម។
បាត់ដំបង៖ នាថ្ងៃទី១២ ខែកញ្ញា ឆ្នាំ២០២០ លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង បានដឹកនាំក្រុមការងារចុះសួរសុខទុក្ខ លោក អនុសេនីយ៍ ទោ គល់ វាន្នី មុខងារជំនួយការ មូលដ្ឋានកងរាជអាវុធហត្ថស្រុកភ្នំព្រឹក ដែលរងគ្រោះថ្នាក់ចរាចរណ៍ក្នុងពេលបំពេញបេសកកម្មនឹងកំពុងសម្រាកព្យាបាលនៅមន្ទីរពេទ្យឯកជនស្ថិតនៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបងក្នុងឱកាសនោះ លោកមេបញ្ជាការ បាននាំយកថវិកាចំនួន ១,០០០,០០០រៀល(មួយលានរៀល) ទុកជាការចែករំលែកសម្រាលបន្ទុក ក្នុងការសម្រាកព្យាបាលផងដែរ។
បន្ទាយមានជ័យ៖ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ និងក្រុមគ្រួសារ ព្រមទាំងនាយ-នាយរង និងពលអាវុធហត្ថទាំងអស់បានអញ្ជើញកាន់បិណ្ឌវេនទី១០នេះ នៅវត្តកុឌ្ឌបព្វតា (ហៅវត្តភ្នំជញ្ជាំង) ដើម្បីថ្វាយទានចំពោះព្រះសម្មាសម្ពុទ្ធ និងព្រះសង្ឃ ដែលគង់ចាំព្រះវស្សា ព្រមទាំងឧទ្ទិសមហាកុសលជូនដល់បុព្វការីជនមាន មាតា បិតា ជីដូន ជីតា និងញាតិការទាំងប្រាំពីរសណ្តាន។ ក្នុងឱកាសនោះដែរ លោក ឧត្តមសេនីយ៍បានប្រគេនបច្ច័យ ចំនួន ៤២លានរៀល សម្រាប់កសាងវត្តបន្ថែមទៀត និងប្រគេនដល់ព្រះសង្ឃ៣១អង្គ ក្នុងមួយអង្គចំនួន១០ម៉ឺនរៀល ៕…
ក្រចេះ៖ លោក វរសេនីយ៍ឯក ស្រ៊ុន សោភ័ណ មេបញ្ចាការរង តំណាងលោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ បានដឹកនាំ នាយទាហាន នាយទាហានរងនៃកងរាជអាវុធហត្ថខេត្តក្រចេះ មកចូលរួមពីធីសូត្រមន្តចម្រើនព្រះបរឹត្ត និងស្តាប់ព្រះសង្ឃសម្តែងព្រះធម្មទេសនា កាន់បិណ្ឌវេនទី១០ នៅវត្តអូរឫស្សី ក្នុងសង្កាត់អូរឫស្សី ក្រុងក្រចេះ ខេត្តក្រចេះ។ ពិធីកាន់បិនណ្ឌនេះធ្វើឡើងនៅថ្ងៃសៅរ៍ ១០រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែកញ្ញា…
ជំរាយ៖ លោក ឧត្តមសេនីយ៍ត្រី ហែម វុទ្ធី នាយក មជ្ឈមណ្ឌលហ្វឹកហ្វឺនកងរាជឣាវុធហត្ថ (ភ្នំជំរាយ) បានដឹកនាំ លោកនាយករង យោធាចារ្យ ប្រធានមន្ទីរ អនុមន្ទីរ ការិយាល័យ កងអនុសេនាធំការពារ និងសិក្ខាកាមវគ្គបណ្តុះបណ្តាលនាយទាហានរងកងរាជឣាវុធហត្ថជំនាន់ទី៤៤ ទាំងឣស់ចូលរួមក្នុងពិធីកាន់បិណ្ឌវេនទី៩ នៅវត្តព្រះធាតុ ព្រមទាំងរៀបចំគ្រឿងបច្ច័យ និង ទេយ្យទានប្រគេនព្រះសង្ឃគង់ចាំព្រះវស្សានៅក្នុងវត្តព្រះធាតុផងដែរ ៕ ពិធីកាន់បិណ្ឌនេះធ្វើនៅថ្ងៃសុក្រ ៩រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១១ ខែកញ្ញា…
លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្ដាល បានអញ្ជើញដឹកនាំ លោកលោកស្រី មេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ នាយ នាយរង នាំយកនូវបច្ច័យ និងទេយ្យវត្ថុ ប្រគេនជូនព្រះសង្ឃនៅក្នុងវត្តចំនួនពីរក្នុង សង្កាត់រការខ្ពស់គឺវត្ត ឈូងលៀប និងវត្តទួលក្រសាំង ដើម្បីឧទ្ទិសកុសលផលបុណ្យ ជូនដល់បុព្វការីជន និងញាតិសន្តាន ដែលបានចែកឋាន ទៅកាន់លោកខាងមុខ នាថ្ងៃសៅរ៍ ១០រោច ខែភទ្របទ ឆ្នាំជូត ទោស័ក…
កំពង់ស្ពឺ៖ នៅថ្ងៃទី១១ ខែកញ្ញា ឆ្នាំ២០២០ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំមន្រីក្រោមឱវាទចូលរួមកាន់បិណ្ឌវេណទី៩ នៅវត្តសាមគ្គីរាជវរារាម(ហៅវត្តថ្មី) ស្ថិតនៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ និងនាំយកបច្ច័យ និងទេយ្យទានមួយចំនួន និងបច្ច័យសម្រាប់កសាងក្នុងវត្តនូវទឹកប្រាក់ចំនួន ៧,៩៦៨,០០០រៀល ប្រគេនដល់ព្រះចៅអធិការវត្ត សម្រាប់ចាត់ចែងតម្រូវចាំបាច់ចំពោះមុខ ។
ពោធិ៍សាត់៖ នៅថ្ងៃទី១១ ខែកញ្ញា ឆ្នាំ២០២០ លោក វរសេនីយ៍ឯក សូ សុវណ្ណឌី មេបញ្ជាការ កងរាជអាវុធហត្ថខេត្តពោធិ៍សាត់ បានដឹកនាំមន្រីក្រោមឱវាទចូលរួមកាន់បិណ្ឌវេណទី៩ នៅវត្តបន្ទាយដី ស្ថិតនៅភូមិបន្ទាយដី សង្កាត់បន្ទាយដី ក្រុងពោធិ៍សាត់ និងនាំយកបច្ច័យ និងទេយ្យទានមានអង្ករចំនួន១ការ៉ុង ទឹកក្រូចចំនួ៦កេះ ទឹកបរិសុទ្ធ ចំនួន៤កេះ ទឹកផ្លែឈើចំនួន១កេះ ផ្លែឈើចំនួន៣០គីឡូក្រាម និង ថវិកាចំនួន៣.១៦០.០០០រៀល។
រតនគិរី៖ នៅថ្ងៃសុក្រ ទី១១ ខែកញ្ញា ឆ្នាំ២០២០ លោក ឧត្តមសេនីយ៍ ថាវ យ៉េន មេបញ្ជាការ កងរាជអាវុធហត្ថខេត្តរតនគិរី អញ្ជើញបើកកិច្ចប្រជុំពិភាក្សា និង ធ្វើការវាយតំម្លៃការងារប្រលងបណាំងលើបុគ្គលដែលមានស្នាដៃល្អប្រចាំឆ្នាំ២០២០ នៅបញ្ជាការដ្ឋានកងរាជអាវុធហត្ថខេត្ត ក្នុងកិច្ចពិភាក្សានេះដែលដោយមានការអញ្ជើញចូលរួមពីលោកមេបញ្ជាការ មេបញ្ញាការរង នាយការិយាល័យជំនាញបុគ្គលិក មេបញ្ជាការមូលដ្ឋានកងរាជអាវុធហត្ថក្រុង ស្រុកផងដែរ។
កំពង់ស្ពឺ៖ នៅថ្ងៃទី១១ ខែកញ្ញា ឆ្នាំ២០២០ ឧត្តមសេនីយ៍ត្រី ជូ សារុន មេបញ្ជាការ បានដឹកនាំកិច្ចប្រជុំលើការងារផែនប្រឡងប្រណាំង សម្រាប់វាយតម្លៃលក្ខណៈសម្បត្តិស្នើសុំសរសើរ ប្រចាំឆ្នាំ២០២០ ជូនបុគ្គល និងអង្គភាព ដែលមានស្នាដៃល្អ ចំពោះការវាយតម្លៃតាមលក្ខណៈសម្បត្តិគ្រប់គ្រាន់ ទៅតាមជំនាញនីមួយៗ និងមានការឯកភាពក្នុងអង្គប្រជុំគ្រប់ជំនាញផងដែរ ។