ភ្នំជំរាយ៖ ថ្ងៃសៅរ៍ ទី១៩ ខែកញ្ញា ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស អញ្ជើញចុះពិនិត្យអគារដែលកំពុងសាងសង់ និង ការដ្ឋានទីលានបាញ់គ្រាប់នៅមជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជំរាយ)។

ភ្នំពេញ៖ ព្រឹកថ្ងៃទី២១ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃប្រទេស បានអនុញ្ញាតឱ្យលោកនាយនគរបាលជាន់ខ្ពស់ អែនធើនី មីកក្វាយ (Anthony MAGUIRE) នគរបាលសហព័ន្ធអូស្ត្រាលីចូលជួបសម្តែងការគួរសមនិងពិភាក្សាការងារដើម្បីផ្លាស់ប្តូរបទពិសោធន៍ និង ពង្រឹងសហប្រតិបត្តិការកាន់តែល្អប្រសើរ រវាងប្រទេសទាំងពីរកម្ពុជា អូស្ត្រាលី ៕

ព្រះសីហនុ៖ វេលាម៉ោង ១៣:២០នាទី ថ្ងៃទី១៩ ខែកញ្ញា ឆ្នាំ២០២០ មានករណីគ្រោះអគ្គីភ័យមួយឆាបឆេះឃ្លាំងស្តុកអំបោះ នៃរោងចក្រ " LIN'S TEXTILE " ម្ចាស់ឈ្មោះ ហ៊ា ហីម អាយុ៦៣ឆ្នាំ ជនជាតិចិនតៃវ៉ាន ស្ថិតក្រុមទី ៣៥ ភូមិ៣ សងា្កត់១ ក្រុងព្រះសីហនុ ភ្លាមៗនោះលោកវរសេនីយ៍ឯក ប៉ែន វិបុល មេបញ្ជាការង កងរាជអាវុធហត្ថខេត្តព្រះសីហនុ បានដឹកនាំកម្លាំងកងរាជអាវុធហត្ថក្រុង និងខេត្ត ចំនួន៤៥នាក់…

បន្ទាយមានជ័យ៖ ដោយទទួលបានព័ត៌មានពីប្រជាពលរដ្ឋកាលពីវេលាម៉ោង ១៧ និង ៣០នាទី ថ្ងៃទី១៦ ខែកញ្ញា ឆ្នាំ២០២០ ថាមានករណីប្រើប្រាស់គ្រឿងញៀននៅចំណុចមណ្ឌល២ ស្ថិតក្នុងភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ភ្លាមៗលោក វរសនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុងប៉ោយប៉ែត បានដឹកនាំងកម្លាំងចុះទៅដល់កន្លែងកើតហេតុ ហើយធ្វើការឃាត់ខ្លួនជនសង្ស័យបានចំនួន០២នាក់ ដែលកំពុងប្រើប្រាស់គ្រឿងញៀន និងដកហូតវត្ថុតាងពាក់ព័ន្ធមួយចំនួន បច្ចុប្បន្ន ជនសង្ស័យទាំ ត្រូវបានកម្លាំងជំនាញ បញ្ជូនទៅអយ្យការអមសាលាដំបូងខេត្តចាត់ការតាមនីតិវិធី៕

រតនគិរី៖ ថ្ងៃអាទិត្យទី២០ ខែកញ្ញា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកកូនមុំដឹកនាំដោយ លោក វរសេនីយ៍ត្រី រស់ វណ្ណា មេបញ្ជាការមូលដ្ឋាន កងរាជអាវុធហត្ថស្រុកកូនមុំបានចុះជួយសង្គ្រោះស្ត្រីខ្សល់គចំនួន០១នាក់ ពីចំណុចសាលាឃុំ ត្រពាំងក្រហមត្រូវបានកម្លាំងកងរាជអាវុធហត្ថបញ្ជូនមកកាន់មណ្ឌលសុខភាពស្រុកកូនមុំ ស្ត្រីរូបនេះមានឈ្មោះ ប៉ែនមធី ភេទស្រី អាយុ ៥៤ឆ្នាំ ជនជាតិខ្មែរ មានទីលំនៅភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី ។

តាកែវ៖ នៅវេលាម៉ោង ១៦ និង ៣០ នាទីថ្ងៃទី១៩ ខែកញ្ញា ឆ្នាំ២០២០ ការិយាល័យបទល្មើសគ្រឿងញៀន កងរាជអាវុធហត្ថខេត្តតាកែវ និងកម្លាំងមូលដ្ឋាន កងរាជអាវុធហត្ថស្រុកគីរីវង់ ដឹកនាំដោយ លោក អនុសេនីយ៍ត្រី ហួត វឿន នាយការិយាល័យស្ដីទី និង ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្ក្រាបករណីជួញដូរ និង ប្រើប្រាស់សារធាតុញៀនដោយខុសច្បាប់ នៅចំណុចភូមិពោធិ៍ ឃុំព្រះបាទជាន់ជុំ ស្រុកគីរីវង់ ខេត្តតាកែវ ដោយបានឃាត់ខ្លួនជនសង្ស័យ០១នាក់ឈ្មោះ សោម ទូច…