កំពត៖ នៅវេលាម៉ោង ១២ នឹង ៣៥នាទី ថ្ងៃទី២១ ខែកញ្ញា ឆ្នាំ២០២០ នៅចំណុចភូមិលំទំពូង ឃុំបន្ទាយមាសខាងលិច ស្រុកបន្ទាយមាស ខេត្តកំពត កម្លាំងការិយាល័យបទល្មើសគ្រឿងញៀន សហការជាមួយកម្លាំងមូលដ្ឋាន កងរាជអាវុធហត្ថស្រុកបន្ទាយមាស ដឹកនាំដោយ លោកវរសេនីយ៍ទោ សេង វិច្ឆិកា មេបញ្ជាការរង កងរាជអាវុធហត្ថខេត្តកំពត និងដោយមានការសម្របសម្រួលនីតិវិធីព្រះរាជអាជ្ញាអមសាលាដំបូងខេត្តកំពត កម្លាំងជំនាញបានឃាត់ខ្លួនជនសង្ស័យបានចំនួន ០១នាក់ ពាក់ព័ន្ធករណីគ្រឿងញៀន និងបានដកហូតវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និង វត្ថុតាង ជំនាញកងរាជអាវុធហត្ថខេត្តបានកសាងសំណុំរឿងតាមនីតិវិធី។

រតនគិរី៖ នៅថ្ងៃចន្ទ ទី២១ ខែកញ្ញា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ដឹកនាំដោយលោក វរសេនីយ៍ទោ សុខ មិន មេបញ្ជាការ មូលដ្ឋានកងរាជអាវុធហត្ថស្រុកអូរយ៉ាដាវ បានចុះជួយសង្គ្រោះស្ត្រីមានផ្ទៃពោះចំនួន០១នាក់មានឈ្មោះ រចំ ថើម ភេទស្រី អាយុ ២២ឆ្នាំ ជនជាតិភាគតិច (ចារ៉ាយ) មានទីលំនៅស្ថិតនៅក្នុងភូមិតេន ឃុំយ៉ាទុង ស្រុកអូរយ៉ាដា ខេត្តរតនគិរី។ ស្ត្រីរូបនេះត្រូវបានកម្លាំងកងរាជអាវុធហត្ថបញ្ជូនទៅកាន់មណ្ឌលសុខភាពស្រុកអូរយ៉ាដាវ ខេត្តរតនគិរី ។

ព្រៃវែង៖ នៅព្រឹកថ្ងៃចន្ទ ទី២១ ខែកញ្ញា ឆ្មាំ២០២០ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកប្រជុំក្រុមប្រឹក្សាប្រឡងប្រណាំង ដើម្បីត្រួតពិនិត្យវាយតម្លៃស្នើសុំសសើរ និង ជូនគ្រឿងឥស្សរិយយសដល់អង្គភាព និងបុគ្គលដែលមានស្នាដៃ ប្រចាំឆ្នាំ ២០២០។

ក្រចេះ៖ ថ្ងៃទី២២ ខែកញ្ញា ឆ្នាំ២០២០ វេលាម៉ោង ១៦ និង១០ នាទី កម្លាំងមូលដ្ឋាន កងរាជអាវុធហត្ថស្រុកឆ្លូង សហការជាមួយកម្លាំង កម្លាំងមូលដ្ឋាន កងរាជអាវុធហត្ថស្រុកស្នួល និងស្នាក់ការសន្តិសុខ៧០៩ ដឹកនាំដោយលោក វរសេនីយ៍ត្រី ផាត សុភ័ក្រ្តវាសនា មេបញ្ជាការ មូលដ្ឋានកងរាជអាវុធហត្ថស្រុកឆ្លូង និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តក្រចេះ កម្លាំងបានចុះបង្ក្រាបករណីគ្រឿងញៀន នៅចំណុចភូមិ ក្រញូងសែនជ័យ ឃុំក្រញូង ស្រុកស្នួល ខេត្តក្រចេះ បានឃាត់ខ្លួនជនសង្ស័យចំនួន ៤នាក់ និង…