បាត់ដំបង៖ នៅវេលាម៉ោង ២០:១០ នាទី ថ្ងៃទី២៨ ខែកញ្ញា ឆ្នាំ២០២១ នៅចំណុចក្រុមទី១០ ភូមិតាកុយ សង្កាត់ក្តុលដូនទាវ ក្រុង/ខេត្តបាត់ដំបង កម្លាំងកម្លាំងអាវុធហត្ថខេត្តបាត់ដំបង បានចុះធ្វើបង្ក្រាបករណីគ្រឿងញៀន ចំនួន ០១ លើក ឃាត់ខ្លួនជនសង្ស័យចំនួន ០២ នាក់ និងចាប់យកវត្ថុតាងម្សៅក្រាមពណ៌សរឹងថ្លា (ទឹកកក) ចំនួន ០១ កញ្ចប់​, ទូរស័ព្ទចំនួន ០២គ្រឿង និងម៉ូតូចំនួន ០១គ្រឿង។ បច្ចុប្បន្នជនសង្ស័យ រួមនិងវត្ថុតាងត្រូវបានកសាងសំណុំរឿងតាមនីតិវិធី។

ព្រះវិហារ៖ នៅថ្ងៃទី២៨ ខែកញា ឆ្នាំ២០២១ កម្លាំងអាវុធហត្ថស្រុកជ័យសែន ដឹកនាំដោយលោកវរសេនីយ៍ទោ គង់ ផល្លី នាយរងសេនាធិការកងរាជអាវុធហត្ថខេត្ត សហការជាមួយសង្កាត់រដ្ឋបាលព្រៃឈើស្រុកជ័យសែនចុះបង្ក្រាបបទល្មើសព្រៃឈើ១កន្លែង (សន្និធិ) ស្ថិតត្រង់ចំណុចភូមិចំរើន ឃុំច្រាច់ ស្រុកជ័យសែន ខេត្តព្រះវិហារ ដោយបានដកហូតប្រភេទឈើលេខ២ ស្រឡៅ ចំនួន ៤៥ ដើម ២.៩២៥ ម៉ែត្រត្រីគុណ។ ប្រភេទឈើលេខ២ ឈើទាលចំនួន ៤០ដើម ១.៨៧៥ ម៉ែត្រត្រីគុណ។ បច្ចុប្បន្ន វត្ថុតាងប្រគល់ឱ្យជំនាញរដ្ឋបាលព្រៃឈើជ័យសែនដើម្បីរក្សាទុក។

ក្រចេះ ៖ ថ្ងៃទី២៧ ខែកញ្ញា ឆ្នាំ២០២១ កម្លាំងមូលដ្ឋានកងរាជអាវុធហត្ថស្រុកសំបូរ សហការជាមួយ កម្លាំងមូលដ្ឋានកងរាជអាវុធហត្ថស្រុកព្រែកប្រសព្វ និងកម្លាំងនៅគោលដៅព្រៃឡង់ ដឹកនាំដោយលោក វរសេនីយ៍ទោ ធាម សេង បានចុះបង្ក្រាបបទល្មើសធនធានធម្មជាតិនៅចំណុចអូរយាវ ស្ថិតនៅឃុំកំពង់ចាម ស្រុកសំបូរ ខេត្តក្រចេះ។ វត្ថុតាងចាប់យក ប្រភេទឈើសន្និធិ (ឈ្លីក-ខ្លុម) ចំនួន៣៣ដុំ មិនទាន់វាស់វែង។ វត្ថុតាងខាងលើកំពុងដឹកជញ្ជូនយកមករក្សាទុកនៅស្នាក់ការបរិស្ថាន​ដែនជម្រក​​សត្វព្រៃ-ព្រៃឡង់ ដើម្បីធ្វើការវាស់វែង និងបន្តតាមនិតិវិធី។

សៀមរាប៖ សកម្មភាពកងរាជអាវុធហត្ថខេត្តសៀមរាបចុះល្បាតតាមគោលដៅ និងគោលដៅបិទខ្ទប់ (តំបន់ក្រហម) ក្នុងភូមិសាស្ត្រក្រុងសៀមរាប សង្កាត់ស្វាយដង្គំ សង្កាត់គោកចក សង្កាត់ស្លក្រាម និងសង្កាត់ជ្រាវ ដើម្បីទប់ស្កាត់ការឆ្លងរីករាលដាលជំងឺកូវីដ-១៩។

តាកែវ៖ ថ្ងៃទី២៦ ខែកញ្ញា ឆ្នាំ២០២១ កម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្តតាកែវ  ដឹកនាំដោយ លោកអនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀនបានចុះបង្ក្រាបករណីជួញដូរគ្រឿងញៀន នៅត្រង់ចំណុច( ផ្លូវលំខាងកើតវត្ដដុង ) ភូមិដុង ឃុំព្រៃផ្ដៅ ស្រុកព្រៃកប្បាសខេត្តតាកែវ ។ ឃាត់ខ្លួនជនសង្ស័យបាន១នាក់ ឈ្មោះ សៀង ចាន់ ( ហៅ ជ័យ) ភេទប្រុស អាយុ ២០ឆ្នាំ ជនជាតិខ្មែរ រស់នៅភូមិស្មន់មុន្នី ឃុំព្រៃផ្ដៅ…

បាត់ដំបង៖ នៅវេលាម៉ោង ០៨ : ០០នាទីថ្ងៃទី២៧ ខែកញ្ញា ឆ្នាំ២០២១ កម្លាំងកម្លាំងអាវុធហត្ថខេត្តបាត់ដំបងបានធ្វើការឃាត់ខ្លួនត្រូវចោទម្នាក់នៅភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង។ ជនសង្ស័យមានឈ្មោះ ភី ថងឌី ភេប្រុស អាយុ ២២ ឆ្នាំ រស់នៅភូមិអង់ជើង ឃុំតាម៉ឺនស្រុកថ្មគោល ខេត្តបាត់ដំបង តាមដីកាបង្គាប់ឲ្យចាប់ខ្លួនលេខ ៥១១ ត-ព្រ របស់លោក ឆែ វីរៈ ចៅក្រមស៊ើបសួរនៃអយ្យការអមសាលាដំបូងខេត្តបាត់ដំបង ។

បាត់ដំបង៖ នៅវេលាម៉ោង ១៧ និង ៣០នាទីថ្ងៃទី២៥ ខែកញ្ញា ឆ្នាំ២០២១ កម្លាំងអាវុធហត្ថខេត្តបាត់ដំបង បានឃាត់ខ្លួនជនសង្ស័យម្នាក់ឈ្មោះ អ៊ុន ផុន ភេទប្រុស អាយុ៦១ ឆ្នាំ មុខរបរធ្វើស្រែ រស់នៅភូមិអូរស្លាបប៉ាង ឃុំតាគ្រាម ស្រុកបាណន់ ខេត្តបាត់ដំបង ពីបទឆបោក តាមបណ្ដឹងរបស់ឈ្មោះ ឡាញ់ សៀង ភេទស្រី អាយុ៤៥ ឆ្នាំមុខរបរធ្វើស្រែ រស់នៅភូមិក្បាលថ្នល់ ឃុំព្រៃខ្ពស់ ស្រុកបវេល ខេត្តបាត់ដំបង។…

កម្លាំងការិយាល័យព្រហ្មទណ្ឌកងរាជអាវុធហត្ថខេត្តបន្ទាយមានជ័យ បញ្ជូនជនសង្ស័យ០២នាក់ពាក់ព័ន្ធករណីលួចម៉ូតូ ដែលកម្លាំងបង្ក្រាបបាន ទៅអយ្យការអមសាលាដំបូងខេត្តហើយនៅរសៀលថ្ងៃទី២៦ ខែកញ្ញា ឆ្នាំ២០២១។

ព្រៃវែង៖ ព្រឹកថ្ងៃទី២៦ ខែកញ្ញា ឆ្នាំ២០២១ កម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្តព្រៃវែង បានបញ្ចូនជនសង្ស័យ ០២នាក់ ទៅពន្ធនាគាពីបទជួញដូរ រក្សាទុក ដឹកជញ្ជូន និងប្រើប្រាស់នូវសារធាតុញៀនខុសច្បាប់ តាមដីការបស់ចៅក្រស៊ើបសួរនៃអយ្យការអមសាលាដំបូងខេត្តព្រៃវែង។

ព្រៃវែង៖ នៅវេលាម៉ោង ១៧និង ៥០នាទី ថ្ងៃទី២៥ ខែកញ្ញា ឆ្នាំ២០២១ ការិយាល័យ ព្រហ្មទណ្ឌ កងរាជអាវុធហត្ថខេត្តព្រៃវែង បានបញ្ជូនជនត្រូវចោទ ឈ្មោះ រ៉ូ ប៉ាប់ ភេទប្រុស អាយុ២៧ឆ្នាំ រស់នៅភូមិចំបក់ជ្រុំ ឃុំច្រេស ស្រុកមេសាង ខេត្តព្រៃវែង ចេញពីសាលាដំបូងខេត្ដព្រៃវែង ទៅពន្ធនាគារខេត្តតាមដីកាបង្គ្រាប់ឱ្យឃុំខ្លួនរបស់លោក ហ៊ួត ហ៊ាង ចៅក្រមស៊ើបសួរនៃអយ្យការអមសាលាដំបូងខេត្តព្រៃវែង ពីបទហិង្សាដោយចេតនាមានស្ថានទម្ងន់ទោសដោយប្រើអាវុធ និងប្រើប្រាស់ដោយខុសច្បាប់នូវសារធាតុញៀន។