រតនគិរី៖ ដោយមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្តរតនគិរី នៅវេលាម៉ោង ១២:៣០នាទី ថ្ងៃទី0៦ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកកូនមុំ ដឹកនាំដោយលោក វរសេនីយ៍ត្រី រស់ វណ្ណា បានបង្ក្រាបករណីគ្រឿងញៀននៅចំណុចភូមិស្រែពកធំ ឃុំសិរីមង្គល ស្រុកកូនមុំខេត្តរតនគិរី ដោយបានឃាត់ខ្លួនជនសង្ស័យបានចំនួន ០៤នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នកម្លាំងជំនាញបានកសាងសំណុំរឿងតាមនីតិវិធី។

កំពង់ស្ពឺ៖ ថ្ងៃទី០៥ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ បានសហការចុះចាប់គ្រឿងចក្រ ០១គ្រឿង (គ្មានម្ចាស់ ) ឈូសឆាយដីព្រៃរដ្ឋនៅចំណុចអូររអិលជាប់ក្រុមហ៊ុន HLH ស្ថិតក្នុងភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ បច្ចុប្បន្នយកទៅរក្សាទុកនៅស្នាក់ការរងបរិស្ថានអូរត្រាវ ដើម្បីចាត់ការតាមនីតិវិធី។

បន្ទាយមាជ័យ៖ នៅវេលាម៉ោង១០និង៣០នាទី ថ្ងៃទី០៤ ខែមីនា ឆ្នាំ២០២១ នៅចំណុចភូមិពន្លិច ឃុំសំរោង ស្រុកអូរជ្រៅ ខេត្តបន្ទាយមានជ័យ កម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្ត សហការជាមួយកម្លាំងមូលដ្ឋាន កងរាជអាវុធហត្ថស្រុកអូរជ្រៅ ដឹកនាំដោយលោក វរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្រ្កាបបទល្មើស បានបង្ក្រាបលើករណីគ្រឿងញៀនដោយបានឃាត់ខ្លួនជនសង្ស័យម្នាក់ឈ្មោះ អឿន កវី ភេទប្រុស អាយុ២៩ឆ្នាំ ព្រមទាំងដកហូតបានគ្រឿងញៀនមេតំហ្វេតាមីនទឹកកកចំនួន០៥កូនថង់កិប ទម្ងន់១១,០៤ក្រាម កាំភ្លើងខ្យល់កែច្នៃចំនួន០១ដើម កាំភ្លើង CKC គ្មានស្នាប់(ដែកសុទ្ធ)ចំនួន០១ដើម…

បាត់ដំបង៖ នៅម៉ោង១២ និង០០នាទី ថ្ងៃទី០៥ ខែមីនា ឆ្នាំ២០២១ នៅបន្ទប់ជួលស្ថិតនៅភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង កម្លាំងជំនាញកងរាជអាវុធហត្ថខេត្ត បានឃាត់ខ្លួនជនសង្ស័យ០១ នាក់ ឈ្មោះ សេង មុនីឧត្តម ភេទប្រុស អាយុ ២៧ឆ្នាំ ស្នាក់នៅបន្ទប់ជួលស្ថិតភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្ត បាត់ដំបង ក្រោយធ្វើតេស្តទឹកនោមរកសារធាតុញៀនលទ្ធផលបញ្ជាក់ថាវិជ្ជមាន។ បច្ចុប្បន្នជនសង្ស័យ ត្រូវបានមន្ត្រីជំនាញកសាងសំណុំរឿងតាមនីតិវិធី។

រតនគិរី៖ ថ្ងៃសុក្រទី០៥ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកអណ្ដូងមាស ដឹកនាំដោយលោក វរសេនីយ៍ត្រី ហាក់ ប៊ុន្នី មេបញ្ជាការ មូលដ្ឋានកងរាជអាវុធហត្ថស្រុក និងកម្លាំងអាវុធហត្ថខេត្ត សហការជាមួយកម្លាំងអាវុធហត្ថលើផ្ទៃប្រទេស កម្លាំងជំនាញរដ្ឋបាលព្រៃឈើ ក្រោមការដឹកនាំបញ្ជាផ្ទាល់ដោយព្រះរាជអាជ្ញារងសាលាដំបូងខេត្តរតនគិរី កម្លាំងបានចុះបង្រ្កាបបទល្មើសធនធានធម្មជាតិ (ឈើសក្រុម) ១៣ដុំ នៅភូមិកាក់ ឃុំតាឡាវ ស្រុកអណ្ដូងមាស ខេត្តរតនគិរី។ បច្ចុប្បន្ន មន្ត្រីជំនាញបានដឹកយកមករក្សាទុកនៅមូលដ្ឋានកងរាជអាវុធហត្ថស្រុកអណ្ដូងមាស។

មណ្ឌលគិរី៖ នៅថ្ងៃទី០៤ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុក កែវសីមា ខេត្តមណ្ឌលគិរី និងកម្លាំងអាវុធហត្ថលើផ្ទៃប្រទេស បានបង្ក្រាបម៉ូតូកែច្នៃដឹកជញ្ជូនផលអនុផលព្រៃឈើចំនួន ០៣គ្រឿង នៅចំណុចភូមិអូរអាម ឃុំស្រែខ្ទុម ស្រុកកែវសីមា ដឹកឈើសុក្រមចំនួន០៣ដុំ(ម្ចាស់គេចខ្លួន)។ បច្ចុប្បន្នវត្ថុតាងប្រគល់ឲ្យជំនាញរដ្ឋបាលព្រៃឈើកែវសីមាចាត់ការបន្ត។

ក្រចេះ៖ នៅវេលាម៉ោង ៤:២០នាទី ថ្ងៃទី០៤ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកចិត្របុរី ចុះចាប់ឃាត់រថយន្តដឹកជញ្ជូនផលអនុផលព្រៃឈើដោយគ្មានលិខិតអនុញ្ញាតនៅចំណុចភូមិបន្ទាយ ឃុំគោលាប់ ស្រុកចិត្របុរីខេត្តក្រចេះ ដោយបានឃាត់បានរថយន្តចំនួន ០២គ្រឿង ដឹកឈើប្រណិត (ធ្នង់- តាត្រាវ) និងសុក្រំ។ បច្ចុប្បន្នវត្ថុតាងខាងលើត្រូវបានយកមករក្សារទុកនៅស្ថានីយ៍បណ្តុះកូនឈើខ្សារដើម្បីរង់ចាំការវាស់វែងនិងចាត់ការបន្តតាមនីតិវីធី៕

រតនគិរី៖ នៅថ្ងៃទី០៣ ខែមីនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកអណ្តូងមាសចំនួន ដឹកនាំដោយលោក វរសេនីយ៍ត្រី ហាក់ ប៊ុន្នី មេបញ្ជាការ មូលដ្ឋានកងរាជអាវុធហត្ថស្រុក បានចុះបង្រ្កាបគំនរឈើដែលជនមិនស្គាល់មុខយកមកលាក់ទុកបម្រុងដឹកយកទៅលក់នៅប្រទេសវៀតណាម ស្ថិតនៅភូមិតាំងសេ ឃុំញ៉ាង ស្រុកអណ្ដូងមាស ចំនួន ៤៧ដុំ នៅមិនទាន់ធ្វើការវាស់វែង។ ដោយមានការសម្របសម្រួលពីព្រះរាជអាជ្ញារងអមសាលាដំបូងខេត្តរតនគិរី វត្ថុតាងដឹកយកមករក្សាទុកនៅស្នាក់ការ ៧៨៧ រង់ចាំប្រគល់ជូនជំនាញរដ្ឋបាលព្រៃឈើ។

កំពង់ស្ពឺ៖ ដោយទទួលបានបញ្ជាផ្ទាល់ពី លោក ឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ នៅវេលាម៉ោង ៩ និង៣០នាទី ថ្ងៃទី០៣ ខែមីនា ឆ្នាំ២០២១ នៅចំណុចភូមិក្រាំងពន្លៃ ឃុំគីរីវន្ត ស្រុកភ្នំស្រួច ខេត្តកំពង់ស្ពឺ កម្លាំងមន្ទីរស្រាវជ្រាវនិង បង្រ្កាបបទល្មើសកងរាជអាវុធហត្ថខេត្តកំពង់ស្ពឺ និងកម្លាំងមូលដ្ឋាន កងរាជអាវុធហត្ថស្រុកភ្នំស្រួច បានដឹកនាំដោយ លោក វរសេនីយ៍ឯក ទិត្យ វណ្ណះ មេបញ្ជាការរង ទទួលការងារស្រាវជ្រាវ និងបង្ក្រាបបទល្មើសដោយមានការ សម្របសម្រួល…

បាត់ដំបង៖ នៅវេលាម៉ោង ១៥ និង ០០នាទី ថ្ងៃទី០២ ខែមីនា ឆ្នាំ២០២១ លោក ផាន់ រតនា ព្រះរាជអាជ្ញារង អមសាលាដំបូងខេត្តបាត់ដំបង បានដឹកនាំកម្លាំងការិយាល័យជំនាញកងរាជអាវុធហត្ថខេត្តបាត់ដំបង ចុះលំនៅដ្ឋានឈ្មោះ ទូច សារិទ្ធ ភេទប្រុស អាយុ ៤២ ឆ្នាំ មុខរបរគ្មាន ស្ថិតក្នុងភូមិព្រះស្តេច ក្រុងបាត់ដំបង ធ្វើការឆែកឆេរលំនៅដ្ឋានពាក់ព័ន្ឋករណី បញ្ជាំម៉ូតូមិនមានឯកសារ រកឃើញម៉ូតូ ០៤គ្រឿងបញ្ជាំមិនមានឯកសារគ្រប់គ្រាន់ និងគ្រឿងញៀន ០១កញ្ចប់ប្រភេទកេតាម៉ីន។…