កំពង់ស្ពឺ៖ នៅថ្ងៃទី០៥ ខែឧសភា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ សហការ ជាមួយកម្លាំងកងរាជអាវុធហត្ថលើផ្ទៃប្រទេស និងដែនជម្រកសត្វព្រៃភ្នំឱរ៉ាល់ បានរុករកនឹងប្រទះឃើញឈើម្រេញចំនួន ០២ដុំ នៅចំណុចក្នុងព្រៃស្ថិតនៅភូមិសំរោង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ បច្ចុប្បន្ន បានដឹកជញ្ជូនយកទៅរក្សាទុកជាបណ្តោះអាសន្ននៅស្នាក់ការដែនជម្រកសត្វព្រៃភ្នំឱរ៉ាល់។

ព្រះសីហនុ៖ នៅរសៀលថ្ងៃអង្គារ ទី០៥ ខែឧសភា ឆ្នាំ២០២០ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានអញ្ជើញដឹកនាំកិច្ចប្រជុំផ្សព្វផ្សាយសេចក្ដីសម្រេច ស្ដីពីការបែងចែកភារកិច្ចទទួលខុសត្រូវ ជួយមេបញ្ជាការ លើការងារតាមជំនាញនីមួយៗ នៅបញ្ជាការដ្ឋានកងរាជអាវុធហត្ថខេត្តព្រះសីហនុ ដោយមានការអញ្ជើញចូលរួមសំណាក់ មេបញ្ជាការរង នាយសេនាធិការ នាយលេខាធិការដ្ឋាន នាយការិយាល័យបុគ្គលិក។

កែប៖ នៅព្រឹកថ្ងៃទី០៥ ខែឧសភា ឆ្នាំ២០២០ នៅបញ្ជាការដ្ឋានកងរាជអាវុធហត្ថខេត្តកែប បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថ ប្រចាំខែមេសា ទិសដៅខែឧសភា ឆ្នាំ២០២០ និងផ្សព្វផ្សាយផែនការសង្គ្រោះប្រជាពលរដ្ឋរងគ្រោះដោយគ្រោះមហន្តរាយធម្មជាតិក្នុងរដូវវស្សា។ ពិធីនេះក្រោមអធិបតីភាពលោក វរសេនីយ៍ឯក សេស សុផល មេបញ្ជាការរង និងជានាយសេនាធិការ កងរាជអាវុធហត្ថខេត្តកែប ដោយមានការអញ្ជើញចូលរួមពីសំណាក់លោកនាយរងសេនាធិការ ប្រធានមន្ទីរស្តីទី នាយការិយាល័យ មេបញ្ជាការ មូលដ្ឋានកងរាជអាវុធហត្ថក្រុង-ស្រុក។

ភ្នំពេញ៖ នៅរសៀលថ្ងៃទី៤ ខែឧសភា ឆ្នាំ២០២០ នៅទីបញ្ជាការដ្ឋាន កងរាជអាវុធហត្ថលើផ្ទៃប្រទេស លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានទទួលអំណាយ ម៉ាស់ចំនួន ៥ម៉ឺន ពីអគ្គនាយកក្រុមហ៊ុន RSX សម្រាប់ប្រើប្រាស់ក្នុងការប្រយុទ្ធប្រឆាំងជំងឺឆ្លងកូវិត-១៩។

កណ្តាល៖ ដោយបានការដឹកនាំចង្អុលបង្ហាញ ពីលោក ឧត្តមសេនីយ៍ សំ តុលា មេបញ្ជាការខេត្ត នៅថ្ងៃចន្ទ ទី៤ ខែឧសភា ឆ្នាំ២០២០ លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្តកណ្តាល បានដឹកនាំនាយ នាយរងអាវុធហត្ថខេត្ត មូលដ្ឋានស្រុក អញ្ជើញចុះសួរសុខទុក្ខសំណេះសំណាលនាំយកថវិកានិងសម្ភារៈមួយចំនួនរបស់មូលនិធិមហាគ្រួសារកងរាជអាវុធហត្ថ ជូនដល់គ្រួសារអាវុធហត្ថឆ្លងទន្លេចំនួន ២គ្រួសារគឺគ្រួសារ លោក អនុសេនីយ៍ត្រី គាត ម៉ារឌី នាយការិយាល័យការពារ សន្តិសុខផ្ទៃក្នុង កងរាជអាវុធហត្ថ…

រតនគិរី៖ នៅថ្ងៃចន្ទ ទី៤ ខែឧសភា ឆ្នាំ២០២០ យោងបទបញ្ជា លោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី កម្លាំងមូលដ្ឋាន កងរាជអាវុធហត្ថស្រុកកូនមុំ ដឹកនាំដោយលោក អនុសេនីយ៍ឯក កាន់ ចន្ថា មេបញ្ជាការរង មូលដ្ឋានកងរាជអាវុធហត្ថស្រុក បានដឹកនាំកម្លាំងសហការជាមួយកម្លាំងជំនាញរដ្ឋបាលព្រៃឈើបានការចុះត្រួតពិនិត្យឈើមួយកន្លែងដែលប្រទះឃើញឈើប្រភេទលេខ១ធ្នង់ដែលបានកាត់ជាកំណាត់ៗស្ថិតក្នុងភូមិតាហើយ ឃុំតឺន ស្រុកកូនមុំ ខេត្តរតនគិរី ដោយបានរឹមអូសឈើចំនួន ០៥កំណាត់។ បច្ចុប្បន្នកម្លាំងអាវុធហត្ថស្រុកបានប្រគល់ឱ្យជំនាញរដ្ឋបាលព្រៃឈើ ដើម្បីចាត់ការតាមនីតិវិធី។

កំពង់ចាម៖ ព្រឹកថ្ងៃចន្ទ ទី០៤ ខែឧសភា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ចាម បានរៀបចំប្រជុំផ្សព្វផ្សាយផែនការការពារសន្តិសុខ រក្សាសុវត្ថិភាព ក្រោមអធិបតីភាពលោក ឧត្តមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម និងមានការចូលរួមពីលោក មេបញ្ជាការរង ប្រធានមន្ទីរស្ដីទី អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថស្រុក-ក្រុង ស្នាក់ការសន្តិសុខ និងនាយ នាយរងអាវុធហត្ថខេត្តជាច្រើនរូបទៀត។