ព្រះសីហនុ៖ បញ្ជាការដ្ឋាន កងរាជអាវុធហត្ថខេត្តព្រះសីហនុ អនុវត្តតាមបទបញ្ជា លោក នាយឧត្តមសេនីយ៍ មេបញ្ជាការ កងរាជអាវុធហត្ថលើផ្ទៃប្រទេស ស្តីពីការបង្ករបង្កើនផល ដាំដុះចិញ្ចិមសត្វសម្រាប់ផ្គត់ផ្គង់នៅតាមមូលដ្ឋាន ដើម្បីកាត់បន្ថយការហូបបន្លែ ត្រី សាច់ដែលមានសារធាតុគីមី និងដើម្បីលើកស្ទួយការហូបចុកប្រចាំថ្ងៃ ក្នុងដំណាក់កាលប្រយុទ្ធប្រឆាំងការរីករាលដាលជំងឺកូវិដ-១៩។  

ព្រះសីហនុ៖ ព្រឹកថ្ងៃសៅរ៍ ទី០២ ខែឧសភា ឆ្នាំ២០២០ នៅសាលប្រជុំបញ្ជាការដ្ឋាន កងរាជអាវុធហត្ថខេត្តព្រះសីហនុ បានរៀបចំពិធីផ្សព្វផ្សាយការរឹតបន្តឹងច្បាប់ចរាចរាចណ៍ផ្លូវគោក សេចក្តីណែនាំរបស់អគ្គមេបញ្ជាការនៃកងយោធពលខេមរភូមិន្ទ និងលោក នាយឧត្តមសេនីយ៍មេបញ្ជាការ កងរាជអាវុធហត្ថលើផ្ទៃប្រទេស។ ពិធីនេះក្រោមអធិបតីភាពលោក ឧត្តមសេនីយ៍ត្រី ខៀវ សំណាង មេបញ្ជាការរង តំណាងលោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ។

ព្រះសីហនុ៖ វេលាម៉ោង ០០ និង ១២នាទី ថ្ងៃទី០២ ខែឧសភា ឆ្នាំ២០២០ កម្លាំងការិយល័យបទល្មើសគ្រឿងញៀន កងរាជអាវុធហត្ថខេត្តព្រះសីហនុ ដឹកនាំដោយ លោកវរសេនីយ៍ត្រី ឡុង គឹមហួរ នាយការិយាល័យ បានចុះបង្រ្កាបករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យ០៦នាក់ នៅចំណុចក្រុម២៥ ភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ និងចាប់យកវត្ថុតាងម្សៅក្រាមសថ្លាចំនួន ០៣កញ្ចប់, ទូរស័ព្ទចំនួន ០៣គ្រឿង, ជញ្ជីងចំនួន ០១គ្រឿង,…

បាត់ដំបង៖ ថ្ងៃសុក្រ ទី០១ ខែឧសភា ឆ្នាំ២០២០ លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញជាអធិតបីភាពក្នុងពិធីប្រកាសមុខតំណែង និងបំពាក់ឋាននន្តរសក្តិជូននាយទាហាននៃកងរាជអាវុធហត្ថ និងផ្សព្វផ្សាយបន្ថែមបញ្ហាជំងឺកូវីដ-១៩ ការណែនាំរបស់អគ្គបញ្ជាការ មេបញ្ជាការ កងរាជអាវុធហត្ថលើផ្ទៃប្រទេស។

ព្រះវិហារ៖ នៅព្រឹក ថ្ងៃសុក្រ ទី០១ ខែឧសភា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តព្រះវិហារ បានប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថប្រចាំខែមេសា ទិសដៅការងារខែឧសភា ឆ្នាំ២០២០ និងផ្សព្វផ្សាយច្បាប់ចរាចរណ៍ផ្លូវគោកថ្មី ក្រោមអធិបតីភាពលោក វរសេនីយ៍ឯក អឿន វណ្ណៈ មេបញ្ជាការរង និងជា នាយសេនាធិការកងរាជអាវុធហត្ថខេត្តព្រះវិហារ ក្នុងពិធីនោះដែរមានការអញ្ជើញចូលរួមពីសំណាក់ លោក មេបញ្ជាការរង នាយរងសេនាធិការ ប្រធានមន្ទីរស្តីទី នាយការិយាល័យ មេបញ្ជាការមូលដ្ឋានក្រុង-ស្រុក ប្រធានស្នាក់ការសន្តិសុខ ព្រមទាំងនាយ នាយរងអាវុធហត្ថខេត្តជាច្រើនរូបទៀត។

កណ្តាល៖ ថ្ងៃសុក្រ ទី០១ ខែឧសភា ឆ្នាំ២០២០ លោកឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តកណ្តាល បានដឹកនាំកិច្ចប្រជុំ ត្រួតពិនិត្យ ការអនុវត្ត តួនាទីភារកិច្ចការងារ កងរាជអាវុធហត្ថ ប្រចាំខែមេសា ទិសដៅ ការងារខែឧសភា ឆ្នាំ២០២០, ផ្សព្វផ្សាយបន្ថែមច្បាប់ចរាចរណ៌ផ្លូវគោកថ្មី និង ផ្សព្វផ្សាយសេចក្តីសម្រេចស្តីពីការបែងចែកតួនាទីភារកិច្ចទទួលខុសត្រូវ ជួយមេបញ្ជាការលើការងារជំនាញនីមួយៗ ព្រមទាំងផ្សព្វផ្សាយបន្ថែមបញ្ហាកូវីដ ១៩ និងការណែនាំរបស់អគ្គបញ្ជាការ និងមេបញ្ជាការ កងរាជអាវុធហត្ថលើផ្ទៃប្រទេស។

កំពង់ស្ពឺ៖ ថ្ងៃទី២៩ ខែមេសា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ ដឹកនាំដោយលោក អនុសេនីយ៍ឯក ហេង ណារិទ្ធ មេបញ្ជាការរង មូលដ្ឋានកងរាជអាវុធហត្ថស្រុក បានសហការជាមួយកម្លាំងដែនជម្រកសត្វព្រៃភ្នំឱរ៉ាល់ ដឹកនាំដោយលោក ហ៊ុល ម៉ារ៉ា អនុប្រធានការិយាល័យដែនជម្រកសត្វព្រៃភ្នំឱរ៉ាល់ នៅចំណុចអូរលាងដាវ ស្ថិតក្នុងភូមិជាំឃុំតាសាល ស្រុកឱរ៉ាល់ ខេត្តកំពង់ស្ពឺ កម្លាំងបានឃាត់រថយន្តដឹកឈើ០១គ្រឿងម៉ាកសាំយ៉ុងពណ៌ស ពាក់ស្លាកលេខភ្នំពេញ 2J 4714 និងឈើអារសុក្រំ(ម៉ៃតាប់) សរុបចំនួន ២១ដុំ ម្ចាស់រត់គេចខ្លួនបាត់។ បច្ចុប្បន្នវត្ថុតាងរក្សាទុកនៅស្នាក់ការដែនជម្រកសត្វព្រៃភ្នំឱរ៉ាល់។

កំពង់ធំ៖ នៅរសៀលថ្ងៃព្រហស្បតិ៍ ទី៣០ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ធំ បានធ្វើពិធីបិទវគ្គបំប៉នជំនាញ កងរាជអាវុធហត្ថ ប្រចាំឆមាសទី១ ឆ្នាំ២០២០ ដល់នាយទាហាន នាយទាហានរង នៃកងរាជអាវុធហត្ថខេត្តកំពង់ធំ។ ពិធីនេះក្រោមអធិបតីភាពលោក ឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្ត ដោយមានការ អញ្ជើញចូលរួមពីសំណាក់ អស់លោក លោកស្រី មេបញ្ជាការរង នាយ នាយរងសេនាធិការដ្ឋាន អនុប្រធានមន្ទីរ មេបញ្ជាការ មូលដ្ឋាន…