ព្រះសីហនុ៖ នៅវេលាម៉ោង ១០:៣០នាទីព្រឹក ថ្ងៃទី៣០ ខែមេសា ឆ្នាំ២០២០ មានករណីគ្រោះអគ្គីភ័យមួយកើតឡើងដោយបានឆាបឆេះបន្ទប់ស្នាក់នៅកម្មករ របស់ក្រុមហ៊ុនចិនលាយបេតុង "ហ៊ឹន តាលី " ស្ថិតភូមិ៦ សង្កាត់៤ ក្រុងព្រះសីហនុ បន្ទាប់ពីទទួលបានព័ត៌មាន លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានបញ្ជាដល់កម្លាំងការិយាល័យជំនួយមនុស្សធម៌ និងសង្រ្គោះគ្រោះមហន្តរាយ កម្លាំងវរអន្តរាគមន៍ និងកម្លាំងមូលដ្ឋាន កងរាជអាវុធហត្ថក្រុងព្រះសីហនុ ដឹកនាំដោយលោក វរសេនីយ៍ទោ ឆេង វុទ្ធី…

ភ្នំពេញ៖ ព្រឹកថ្ងៃសុក្រ ទី០១ ខែឧសភា ឆ្នាំ២០២០ នៅបញ្ជាដ្ឋាន កងរាជអាវុធហត្ថលើផ្ទៃប្រទេស លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតឱ្យលោក លុយ ហៃដុង នាយកក្រុមហ៊ុន ហ័នយ៉ាហ៊ីចុង ចូលជួបសម្តែងការគួរសម និងជូនអំណោយម៉ាស់ សម្រាប់ប្រើប្រាស់ក្នុងការប្រយុទ្ធប្រឆាំងនឹងកូវិត១៩ ដល់បញ្ជាការដ្ឋាន។

ស្វាយរៀង៖​ រសៀលថ្ងៃព្រហស្បតិ៍​ ទី៣០ ខែមេសា​​ ឆ្នាំ២០២០​ នៅសាលប្រជុំជួរមេបញ្ជាការ​ បញ្ជាការដ្ឋានកងរាជអាវុធហត្ថខេត្តស្វាយរៀង បានរៀបចំពិធីប្រជុំការងាររឹតបន្ដឹងច្បាប់ចរាចរណ៍ផ្លូវគោក​ ក្រោមអធិបតីភាពលោក​ឧត្តមសេនីយ៍ត្រី សែ វុទ្ធី មេបញ្ជាការ​ កងរាជអាវុធហត្ថខេត្តស្វាយរៀង​ដោយមានការអញ្ជើញចូលរួមពីសំណាក់​ លោក​ លោកស្រី​មេបញ្ជាការ​រង​ លោកនាយរងសេនាធិការដ្ឋាន លោកនាយការិយាល័យដែលមានការពាក់ព័ន្ធ លោកមេបញ្ជាការ​ មូលដ្ឋានកងរាជអាវុធហត្ថក្រុង-ស្រុកទាំង៨៕

រតនគិរី៖ ថ្ងៃព្រហស្បតិ៍ ទី៣០ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តរតនគិរី ប្រជុំផ្សព្វផ្សាយការងារអនុវត្តរឹតបន្តឹងច្បាប់ចរាចរណ៍ផ្លូវគោក ក្រោមអធិបតីលោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី ពិធីនេះដោយមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ នាយលេខាធិការដ្ឋាន នាយការិយាល័យ អនុប្រធានមន្ទីរមេបញ្ជាការ មេបញ្ជាការរង មូលដ្ឋានកងរាជអាវុធហត្ថក្រុង ស្រុក និងប្រធានស្នាក់ការសន្តិសុខជាច្រើនរូបទៀត។

ស្វាយរៀង៖ ព្រឹកថ្ងៃព្រហស្បតិ៍ ទី៣០ ខែមេសា ឆ្នាំ២០២០ នៅសាលប្រជុំបញ្ជាការដ្ឋាន កងរាជអាវុធហត្ថខេត្តស្វាយរៀង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថក្រោមអធិបតីភាពលោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាង លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ដោយមានការអញ្ជើញចូលរួមពីសំណាក់ លោកនាយរងសេនាធិការដ្ឋាន លោកអនុប្រធានមន្ទីរ លោក លោកស្រីនាយការិយាល័យ លោកមេបញ្ជាការរង មូលដ្ឋានកងរាជអាវុធហត្ថក្រុង-ស្រុកទាំង៨ និងនាយអាវុធហត្ថខេត្តជាច្រើនរូបទៀត។

ឧត្តរមានជ័យ៖ នៅថ្ងៃពុធ ទី២៩ ខែមេសា ឆ្នាំ២០២០ កម្លាំងមូលដ្ឋាន កងរាជអាវុតហត្ថស្រុកអន្លង់វែង ខេត្តឧត្តរមានជ័យ ដឹកនាំដោយលោក វរសេនីយួ៍ទោ ងួន ទ្ធិរិទ្ធ មេបញ្ជាការស្រុក សហការជាមួយកម្លាំងចំរុះ ស្រុកអន្លង់វែង ចុះរុះរើរនាំងឈើបោះកាត់អូរជីក និងឧបករណ៍ដាក់ស្បៃមុងខុសច្បាប់ នៅចំណុចគោគក្ដីស្ទឹងអូរជីក ស្ថិតនៅភូមិអូស្រម៉ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។ លទ្ធផលដកហូតស្បៃមុងប្រវែង ៨០ម៉ែត្រ លបដាក់ត្រី០១ ដកបង្គោល ១០៣ដើម ម្ចាស់រត់គេចខ្លួន ។ បច្ចុប្បន្នវត្ថុតាងយកមករក្សាទុកនៅមូលដ្ឋាន…

កណ្តាល៖ នៅព្រឹកថ្ងៃពុធ ទី២៩ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកណ្តាល លោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្តកណ្តាល បានប្រជុំជួរមេបញ្ជាការ អនុវត្តតួនាទីភារកិច្ចការងារកងរាជអាវុធហត្ថ ប្រចាំខែមេសា ទិសដៅការងារ ខែឧសភា ឆ្នាំ២០២០ ស្តីអំពីការបែងចែកភារកិច្ចទទួលខុសត្រូវ ជួយមេបញ្ជាការលើការងារជំនាញ និងត្រួតពិនិត្យវាយតំលៃ ការដំឡើងឋានន្តរស័ក្តិ មុខងារ ជូនដល់នាយទាហាន ដែលមានស្នាដៃក្នុងការបំពេញការងារកន្លងមក។

ពោធិ៍សាត់៖ នៅព្រឹកថ្ងៃពុធ ទី២៩ ខែមេសា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ លោក វរសេនីយ៍ឯក ស៊ុន សាត មេបញ្ជាការរង កងរាជអាវុធហត្ថខេត្ត បានដឹកនាំកិច្ចប្រជុំ ផ្សព្វផ្សាយបទបញ្ជា របស់លោក នាយឧត្តមសេនីយ៍ មេបញ្ជាការ កងរាជអាវុធហត្ថលើផ្ទៃប្រទេស និងច្បាប់ស្ដីពីចរាចរណ៍ផ្លូវគោកថ្មី ដល់នាយទាហាន នាយទាហានរង កងរាជអាវុធហត្ថខេត្តពោធិ៍សាត់។