(ព្រះសីហនុ)៖ រសៀលថ្ងៃទី១៦ ខែតុលា ឆ្នាំ២០២០ លោកវរសេនីយ៍ទោ ឆេង វុទ្ធី នាយសេនាធិការ កងរាជអាវុធហត្ថខេត្តព្រះសីហនុ បានដឹកនាំកងកម្លាំងប្រតិបត្តិការរុករក និងសង្រ្គោះគ្រោះមហន្តរាយ កងរាជអាវុធហត្ថលើផ្ទៃប្រទេស ប្រចាំការខេត្តព្រះសីហនុ ចុះជួយសង្រ្គោះ ដឹកជញ្ជូនសម្ភារ:ប្រើប្រាស់ និងជម្លៀសប្រជាពលរដ្ឋមកកាន់ទីទួលមានសុវត្ថិភាព ចំនួន៨៨ខ្នងផ្ទះ ស្មើនឹង ៨៨គ្រួសារ ដែលទទួលរងផលប៉ះពាល់ដោយសារជំនន់ទឹកភ្លៀង ស្ថិតនៅក្រុមទី១០,១១,២៣ ភូមិ១ សង្កាត់លេខ១ ក្រុងព្រះសីហនុ។  

ស្វាយរៀង ​៖​ ព្រឹកថ្ងៃសុក្រ​ ទី១៦​ ខែតុលា​ ឆ្នាំ​២០២០​ លោកឧត្តមសេនីយ៍ត្រី​ នុត​ នន្ទ​ មេបញ្ជាការ​រង​ និងជានាយសេនាធិការ​ តំណាង​លោកឧត្តមសេនីយ៍ត្រី​ សែ​ វុទ្ធី​ មេបញ្ជាការ​ កងរាជអាវុធហត្ថខេត្តស្វាយរៀង​ បានដឹកនាំកម្លាំងសហការជាមួយកម្លាំងនគរបាល​ កម្លាំងយោធា​ មន្ត្រីរាជការសាលាខេត្ត មន្ទីរ-អង្គភាពនានាជុំវិញខេត្ត អាជ្ញាធរក្រុង-សង្កាត់ ក្នុងក្រុងស្វាយរៀង និងមានការចូលរួមពីព្រះសង្ឃផងដែរ ធ្វើការរៀបចំបាវដីលើកជាទំនប់សម្រាប់ទប់ទឹក ចាប់ពីចំណុចទ្វារទឹកតាហោទៅខាងលិចដល់គល់ស្ពានពោធិ៍តាហោ ស្ថិតនៅភូមិក្បាលស្ពាន សង្កាត់ពោធិ៍តាហោ ក្រុងស្វាយរៀង។   ស

កណ្តាល ៖ បន្ទាប់ពីទទួលបានព័ត៌មានពីមហាជន និងតាមរយៈបណ្តាញសង្គមហ្វេសប៊ុក ដែលមានអ្នកតាមដានជាច្រើន ចំពោះទីតាំងសុវត្ថិភាពចិញ្ចឹមក្រពើ នៅក្នុងក្រុងតាខ្មៅ។ នៅថ្ងៃទី១៤ ខែតុលា ឆ្នាំ២០២០ លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្តខេត្តកណ្តាល បានដឹកនាំកម្លាំងកងរាជអាវុធហត្ថខេត្តសហការជាមួយរដ្ឋបាលជលផលខេត្ត ចុះត្រួតពិនិត្យដោយផ្ទាល់ ទីតាំងចិញ្ចឹមក្រពើចំនួនពីរកន្លែង ស្ថិតក្នុងក្រុងតាខ្មៅ។ ជាលទ្ធផល ៖ ទីតាំងចិញ្ចឹមក្រពើទាំងពីរនោះ មានកំពស់ខ្ពស់តាមស្តង់ដាបច្ចេកទេស និងមានអ្នកមើលថែរយ៉ាងដិតដល់ជាប្រចាំ ធានាបាននូវសុវត្ថិភាពល្អ តាមលក្ខណៈបច្ចេកទេសត្រឹមត្រូវ និងពុំមានករណីដូចព័ត៌មានបង្ហោះថាទឹកជន់លិចនោះទេ៕  

ពោធិ៍សាត់ ៖ ថ្ងៃទី១៦ ខែតុលា ឆ្នាំ២០២០ កម្លាំងស្នាក់ការសន្តិសុខB០៥ សហការជាមួយកម្លាំងចម្រុះ ដឹកនាំដោយលោក ភុំ វិមល នាយខណ្ឌរដ្ឋបាលជលផលពោធិ៍សាត់ ចុះបង្ក្រាបបទល្មើសនេសាទនៅបឹងទន្លេសាបចំណុចភូមិកំត្រពាំងរំដេញ ឃុំក្បាលត្រាប ស្រុកក្រគរ។ កម្លាំងបានចាប់យករបាំងស្បៃមុងប្រវែង៦៥០ម៉ែត្រ, របាំងសាច់អួនប្រវែង៧០០ម៉ែត្រ, បង្គោលចំរ៉ឹង៥៥០ដើម និងលែងកូនត្រីចម្រុះ២៥គីឡូក្រាម(ម្ចាស់គេចខ្លួន)។ វត្ថុតាងខាងលើត្រូវបានបំផ្លាញចោលនៅហ្នឹងកន្លែង៕  

ភ្នំពេញ ៖ ព្រឹកថ្ងៃសុក្រ ទី១៦ ខែតុលា ឆ្នាំ២០២០ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស បានអញ្ជើញបើកកិច្ចប្រជុំត្រួតពិនិត្យកិច្ចសហប្រតិបត្តិការតាមបន្ទាត់ព្រំដែនកម្ពុជា វៀតណាម។ អញ្ជើញចូលរួមក្នុងកិច្ចប្រជុំនេះមានឧត្តមសេនីយ៍ នាយរងសេនាធិការ ស្នងការ ស្នងការដ្ឋានស្រាវជ្រាវព័ត៌មានសន្តិសុខ, ស្នងការ ស្នងការដ្ឋានភស្តុភារ, ស្នងការ ស្នងការដ្ឋានទំនាក់ទំនងកិច្ចការសាធារណៈ, នាយរងខុទ្ទកាល័យ មេបញ្ជាការកងរាជអាវុធហត្ថខេត្តជាប់ព្រំដែនវៀតណាម ទាំង១០ និងនាយការិយាល័យពាក់ព័ន្ធ៕  

កណ្តាល ៖ នៅយប់ថ្ងៃទី១៤  ខែតុលា ឆ្នាំ ២០២០ លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្ដាល បានដឹកនាំកម្លាំងចុះត្រួតពិនិត្យស្ថានភាពទឹកជំនន់និងអន្តរាគមន៍ ក្នុងភូមិសាស្ត្រខេត្ត តាមបណ្តាក្រុង ស្រុក និងសំណេះសំណាលសួរសុខទុក្ខដល់កងកម្លាំងត្រៀមអន្តរាគមន៍ជួយសង្គ្រោះប្រជាពលរដ្ឋ ដែលរងគ្រោះដោយជំនន់ទឹកភ្លៀង។    

បាត់ដំបង ៖ ថ្ងៃទី ១៤ ខែ តុលា ឆ្នាំ ២០២០ នៅចំណុចផ្ទះសំណាក់ អាយហៅ ស្ថិតក្នុងភូមិ កម្មករ សង្កាត់ ស្វាយប៉ោ ក្រុង បាត់ដំបង កម្លាំងការិយាល័យជំនាញបានធ្វើការឃាត់ខ្លួនជនសង្ស័យ៥នាក់ឈ្មោះ ១-ឈ្មោះ សូវៀត រតនា ភេទ ប្រុស អាយុ ២៩ ឆ្នាំ មុខរបរ គ្មាន ទីលំនៅភូមិ ឱម៉ាល់ សង្កាត់…

ប៉ៃលិន ៖ ថ្ងៃព្រហស្បតិ៍ទី១៥ ខែតុលា ឆ្នាំ២០២០ នៅបញ្ជាការដ្ឋានកងរាជអាវុធហត្ថខេត្តប៉ៃលិន បានរៀបចំពិធីប្រជុំបែងចែករចនាសម្ពន្ធ របស់កងរាជអាវុធហត្ថខេត្តប៉ៃលិន ក្រោមអធិបតីភាពលោកឧត្ដមសេនីយ៍ត្រី វ៉ាន់ ណាឡុង មេបញ្ជាការកងរាជអាវុធហត្ថខេត្តប៉ៃលិន និងមានការអញ្ជើញចូលរួមពីសំណាក់លោកមេបញ្ជាការរង នាយការិយាល័យបុគ្គលិក នាយលេខាធិការដ្ឋាន ផងដែរ៕   ប