ព្រះសីហនុ៖ អនុវត្តតាមបទបញ្ជារបស់ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស កម្លាំងកងរាជអាវុធហត្ថបានសហការណ៍យ៉ាងខ្ជាប់ខ្ជួនជាមួយអាជ្ញាធរមូលដ្ឋាន ដើម្បីជួយសង្គ្រោះដល់ប្រជាពលរដ្ឋដែលទទួលរងគ្រោះដោយ គ្រោះមហន្តរាយ។ ជាមួយនោះដើម្បីពង្រឹងសមត្ថភាពធនធានមនុស្ស ក្នុងកងរាជអាវុធហត្ថ ឱ្យមាន ជំនាញយ៉ាងពិតប្រាកដ និងប្រសិទ្ធភាពខ្ពស់ លោក នាយឧត្តមសេនីយ៍ ជារៀងរាល់ឆ្នាំតែងតែបានដាក់ចេញផែនការហ្វឹកហ្វឺនបំប៉នជំនាញសង្រ្គោះគ្រោះមហន្តរាយ ដល់កម្លាំងវរអន្តរាគមន៍ចល័ត ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេសទាំងអស់បានហ្វឹកហាត់រៀនសូត្រ និងត្រៀមជួយសង្គ្រោះដល់ប្រជាពលរដ្ឋគ្រប់ពេលវេលា។ បន្ទាប់ពីបានបើកវគ្គបំប៉នជំនាញបើកបរអូប័រនិងសង្គ្រោះគ្រោះមហន្តរាយជំនាន់ទី១៨ កាលពីថ្ងៃទី២៦ ខែសីហា ឆ្នាំ២០២០ និងបានបញ្ចប់នៅថ្ងៃទី០៤ ខែកញ្ញា ឆ្នាំ២០២០…

ភ្នំពេញ៖ ព្រឹកថ្ងៃចន្ទ ទី១២ ខែតុលា ឆ្នាំ២០២០ នៅមូលដ្ឋានកងរាជអាវុធហត្ថ ខណ្ឌដូនពេញ រាជធានីភ្នំពេញ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានអញ្ជើញជាគណៈអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាល មូលដ្ឋានកងរាជអាវុធហត្ថ ខណ្ឌដូនពេញ។ លោក ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ…

កោះកុង៖ នៅរសៀលថ្ងៃទី០៩ ខែតុលា ឆ្នាំ២០២០ នៅទីបញ្ជាការដ្ឋានកងរាជអាវុធហត្ថខេត្តកោះកុង បានធ្វើការប្រជុំបូកសរុបលទ្ធផលការអនុវត្តនតួនាទី ភារកិច្ច និងវឌ្ឍនភាពការងារកងរាជអាវុធហត្ថ និងត្រៀមទទួលគណៈកម្មការ ផ្សព្វផ្សាយការងារសោធននិវត្តន៍ និងការងារកំណែទម្រង់កងរាជអាវុធហត្ថ។ ពិធីនេះក្រោមអធិបតីភាពលោក វរសេនីយ៍ឯក តាំង ឈុនស្រេង មេបញ្ជាការង និងជា នាយសេនាធិការកងរាជអាវុធហត្ថខេត្តកោះកុង ព្រមទាំងមានការអញ្ជើញចូលរួមពីនាយ នាយរងអាវុធហត្ថខេត្តកោះកុងដែលមានការពាក់ព័ន្ធផងដែរ។

ក្រចេះ៖ ព្រឹកថ្ងៃសៅរ៍ ទី១០ ខែតុលា ឆ្នាំ២០២០ លោក ឧត្តមសេនីយ៍ឯក ស៊ិន សូផាន្នី មេបញ្ជាការរងកងរាជអាវុធហត្ថលើផ្ទៃប្រទេស តំណាំងលោក នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជា មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញផ្សព្វផ្សាយការងារសោធននិវត្តន៍ និងការងារកំណែទំរង់កងរាជអាវុធហត្ថ ដោយមានការអញ្ជើញចូលរួមពីប្រតិភូអមដំណើរ និងលោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ មេបញ្ជាការរង នាយរងសេនាធិការ ប្រធាន/អនុប្រធានមន្ទីរ…

បាត់ដំបង ៖ ព្រឹកថ្ងៃទី១០ ខែតុលា ឆ្នាំ២០២០ លោក វរសេនីយ៍ឯក អ៊ន ជ្រីសៅរ៍មណ្ឌល មេបញ្ជាការរង កងរាជអាវុធហត្ថខេត្តបាត់ដំបង ដឹកនាំកម្លាំងសហការជាមួយអង្គភាពស្ថាប័នចំណុះខេត្ត ចុះជួយទប់ជំនន់ទឹកភ្លៀងនៅតាមបណ្តោយដងស្ទឹងសង្កែ ត្រង់ចំណុចច្រាំងបាក់ភូមិចិន ស្ថិតក្នុងភូមិព្រែកតាតន់ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

ភ្នំពេញ៖ នៅព្រឹកថ្ងៃព្រហស្បតិ៍ ទី០៨ ខែតុលា ឆ្នាំ២០២០ លោក ឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល)នៃបញ្ជាការដ្ឋានកងរាជអាវុធហ្ថលើផ្ទៃប្រទេស បានដឺកនាំកិច្ចប្រជុំត្រួតពិនិត្យការអនុវត្តតួនាទី​ ភារកិច្ច និងវឌ្ឍនភាពការងារកងរាជអាវុធហត្ថ(កំបូល)រយៈពេល៩ខែ ទិសដៅត្រីមាសទី៤ ឆ្នាំ២០២០។ កិច្ចប្រជុំនេះមាន ការចូលរួមពីសំណាក់លោកនាយករង ប្រធាន មន្ទីរ នាយការិយាល័យ ព្រមទាំងនាយ​ នាយរងអាវុធហត្ថជាច្រើនរូបទៀត។

ពោធិ៍សាត់៖ ព្រឹកថ្ងៃទី៩ ខែតុលា ឆ្នាំ២០២០ កម្លាំងកងរាជអាវុធហត្ថខេត្តពោធិ៍សាត់ ដឹកនាំដោយលោក វរសេនីយ៍ឯក សូ សុវណ្ណឌី មេបញ្ជាការ កងរាជអាវុធហត្ថខេត្តពោធិ៍សាត់ បានចុះជួយទប់ទឹកជំនន់ហូរចូលភូមិប្រជាពលរដ្ឋតាមបណ្ដោយដងស្ទឹងពោធិ៍សាត់ ចំនួន១១កន្លែង មានប្រវែង ១,៣៥៥ម៉ែត្រ ស្ថិតក្នុងឃុំវាល ស្រុកកណ្តៀង ខេត្តពោធិ៍សាត់ ។