កណ្តាល ៖ ដោយ​អនុវត្ត​តាម​បទបញ្ជា​​របស់​លោកនាយ​ឧត្តមសេនីយ៍​ សៅ សុខា​ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស​ លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល នៅថ្ងៃទី១៦ និង១៧ ខែតុលា ឆ្នាំ ២០២០ បានបន្តដឹកនាំកម្លាំងចុះត្រួតពិនិត្យស្ថានភាពទឹកជំនន់ និងអន្តរាគមន៍ក្នុង ភូមិសាស្ត្រខេត្ត តាមបណ្តាក្រុងស្រុក និងសំណេះសំណាលសួរសុខទុក្ខដល់កងកម្លាំងអន្តរាគមន៍ជួយសង្គ្រោះ គ្រោះមហន្តរាយ និងត្រៀមអន្តរាគមន៍ជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀងអោយបានទាន់ពេលវេលា។  

តាកែវ៖ នៅវេលាម៉ោង១៤ និង ៥០ នាទី ថ្ងៃទី១៦ ខែតុលា ឆ្នាំ២០២០ ការិយាល័យប្រឆាំងបទល្មើសគ្រឿងញៀន ដឹកនាំដោយលោក អនុសេនីយ៍ត្រី ហួត វឿន នាយការិយាល័យស្ដីទី និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្ក្រាបករណីគ្រឿងញៀន នៅភូមិធ្នង់រលើង ឃុំលាយបូរ ស្រុកត្រាំកក់ ខេត្តតាកែវ ដោយបានឃាត់ខ្លួនជនសង្ស័យ ០១នាក់ និងដកហូតវត្ថុតាងពាក់ព័ន្ធមួយចំនួន។ បច្ចុប្បន្មជនសង្ស័យ និងវត្ថុតាង ការិយាជុំនាញប្រឆាំងគ្រឿងញៀន បានកសាងសំណុំរឿងបញ្ជូនទៅអយ្យការអមសាលាដំបូងខេត្ត។

ព្រៃវែង៖ ដោយមានបទបញ្ជាពី លោក ឧត្ដមសេនីយ៍ត្រី ឈួន គីមសាន មេបញ្ជាការ កងរាជអាវុធហត្ថ ខេត្តព្រៃវែង និងមានការ សម្របសម្រួលពីព្រះរាជអាជ្ញាអមសាលាដំបូងខេត្តព្រៃវែង នៅវេលាម៉ោង១១និង៣០នាទី ថ្ងៃ១៦ ខែតុលា ឆ្នាំ២០២០ កម្លាំងមន្ទីរយុត្តិធម៌សហការជាមួយ កម្លាំងមូលដ្ឋាន កងរាជអាវុធហត្ថស្រុកពាមរក៍ ដឹកនាំដោយ លោក វរសេនីយ៍ទោ ផាត់ សុជោត ប្រធានមន្ទីរយុត្តិធម៌ ចុះបង្ក្រាបករណីគ្រឿងញៀន នៅចំណុចភូមិ០៦ ឃុំព្រែកស្រុកពាមរក៍ ខេត្តព្រៃវែង ដោយបានឃាត់ខ្លួនជនសង្ស័យចំនួន ០៥នាក់…

ភ្នំពេញ៖ កាលពីព្រឹកថ្ងៃពុធ ទី១៤ ខែតុលា ឆ្នាំ២០២០ លោក ឧត្តមសេនីយ៍ទោ តាត ចន្ថា នាយក វិទ្យាស្ថានកងរាជអាវុធហត្ថ(កំបូល)នៃបញ្ជាការដ្ឋានកងរាជអាវុធហ្ថលើផ្ទៃប្រទេស បានអនុញ្ញាតឱ្យ លោក វរសេនីយ៍ត្រី វ៉ាងសង់ ម៉ារេស្គូ ប្រធានគំរោងទីប្រឹក្សាបារាំង អមបញ្ជាការដ្ឋាន កងរាជ អាវុធហត្ថលើផ្ទៃប្រទេស ចូលជួបពិភាក្សាការងារ ដោយមានការចូលរួមពីសំណាក់ លោក នាយករងទទួលបន្ទុកកិច្ចការហ្វឹកហ្វឺន ប្រធានមន្ទីរ នាយការិយាល័យហ្វឹកហ្វឺន ប្រធានក្រុមយោធាចារ្យ។  

កណ្តាល៖ នៅថ្ងៃទី១៣ ខែតុលា ឆ្នាំ២០២០ កម្លាំងមូលដ្ឋានកងរាជអាវុធហត្ថស្រុកខ្សាច់កណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណី គ្រឿងញៀននៅឃុំវិហារសួគ៌ ស្រុកខ្សាច់កណ្តាល ខេត្តកណ្តាល និងដោយមានការដឹកនាំចង្អុលបង្ហាញផ្ទាល់ពី លោក ឧត្តមសេនីយ៍ មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យបានចំនួន ០២នាក់ និងដកហូតវត្ថុតាង ថ្នាំញៀន(ម៉ាទឹកកក) ចំនួន ០៤កញ្ចប់, ទូរស័ព្ទដៃ ០២គ្រឿង, ម៉ូតូ ០១គ្រឿង។ បច្ចុប្បន្ន ជនសង្ស័យ និងវត្ថុតាងត្រូវមន្ត្រីជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តតាមនីតិវិធី។

កណ្តាល៖ នៅថ្ងៃទី១៣ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកកោះធំ បន្ទាប់ពីទទួលបានព័ត៌មានពីប្រជាពលរដ្ឋថាមានករណី គ្រឿងញៀននៅឃុំព្រែកថ្មី ស្រុកកោះធំ ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យបាន ចំនួន ០១នាក់ និងដកហូតវត្ថុតាងថ្នាំញៀន(ម៉ាទឹកកក) ចំនួន០២កញ្ចប់, ទូរស័ព្ទដៃ ០២គ្រឿង, ម៉ូតូ ០១គ្រឿង, សម្ភារៈវេចខ្ចប់មួយចំនួន។ បច្ចុប្បន្នជនសង្ស័យ និងវត្ថុតាង សមត្ថកិច្ចជំនាញបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។

  ប៉ៃលិន ៖ នៅព្រឹក ថ្ងៃទី១៦ ខែតុលា ឆ្នាំ២០២០ កម្លាំងកងរាជអាវុធហត្ថខេត្តប៉ៃលិន បានចុះពិនិត្យមើលស្ថានភាពទឹកជំនន់ និងត្រៀមជួយដល់ប្រជាពលរដ្ឋដែលលិចផ្ទះសំបែង ស្ថិតនៅភូមិដីស ដីស្អិត ផ្ទះស្បូវ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។