ក្រចេះ៖ ដោយទទួលបានព័ត៌មាន មានរថយន្ដសាំយ៉ុងដឹកឈើប្រភេទឈើ គ្មានច្បាប់អនុញ្ញាតចេញពីចំណុចព្រៃឡង់ ឃុំកំពុងចាម ស្រុកសំបូរ ខេត្តក្រចេះ ឆ្លងកាត់ភូមិសាស្រ្ដឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ នៅវេលាម៉ោង ៦ និង១៥នាទីព្រឹកថ្ងៃទី៣១ ខែឧសភា ឆ្នាំ២០២១ កម្លាំងស្នាក់ការសន្តិសុខ ៧០៦ ដឹកនាំដោយ លោក វរសេនីយ៍ត្រី ទេព ដារ៉ា ប្រធានស្នាក់ការបានធ្វើការបង្រ្កាបរថយន្ដនៅចំណុចអង្រ្កងសាបភូមិជ្រោយបន្ទាយ ឃុំជ្រោយបន្ទាយ ស្រុកព្រែប្រសព្វ ខេត្តក្រចេះ ដោយបានចបាប់យករថយន្ដ ០១គ្រឿង ម៉ាកសាំយ៉ុងកែច្នៃពណ៌ស្លែ គ្មានស្លាកលេខ…

រតនគិរី៖ នៅវេលាម៉ោង ១០:៣០ ថ្ងៃទី៣១ ខែឧសភា ឆ្នាំ២០២១ កម្លាំងអាវុធហត្ថក្រុងបានលុង ខេត្តរតនគិរី ដឹកនាំដោយលោកវរសេនីយ៍ត្រី ហៃ វណ្ណារ៉ា មេបញ្ជាការ មូលដ្ឋានកងរាជអាវុធហត្ថក្រុងបានលុង សហការជាមួយជំនាញរដ្ឋបាលព្រៃឈើបានលុង បានឃាត់រថយន្តសាំយ៉ុង ១គ្រឿង ពណ៌សរ ពាក់ស្លាកលេខ ២AM-២៦២៥ ដឹកជញ្ជូនបទល្មើសព្រៃឈើគ្មានលិខិតអនុញ្ញាត នៅចំណុចភូមិថ្មដា សង្កាត់បឹងកន្សែង ក្រុងបានលុង ដោយបានចាប់យកវត្ថុតាងរថយន្ត ១គ្រឿង ឈើប្រភេទលេខ១ (សុក្រម) ចំនួន ០២ សន្លឹក។…

ត្បូងឃ្មុំ៖ នៅព្រឹកថ្ងៃទី៣០ ខែឧសភា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ ក្រុមគ្រូពេទ្យបានធ្វើការយកសំណាករកមេរោគកូវីដ.១៩ លើកទី៣ ជូននាយអាវុធចំនួន ៣២នាក់ និងចុងភៅចំនួន ០២នាក់ ព្រមទាំងជាងសំណង់ចំនួន ០៣នាក់ លទ្ធផល អវិជ្ជមានទាំងអស់គ្នា ក្រុមគ្រូពេទ្យបានចេញលិខិតឲ្យចូលបំរើការងារឡើងវិញ។  

បាត់ដំបង៖ នៅវេលាម៉ោង ១៤ និង ៣០នាទីថ្ងៃទី២៩ ខែឧសភា ឆ្នាំ២០២១ នៅចំណុចបេនឡានថ្មីស្ថិតនៅភូមិដូង ឃុំបឹងរាំង ស្រុកកំរៀងខេត្ត បាត់ដំបង កម្លាំងអាវុធហត្ថខេត្តបាត់ដំបងបានឃាត់ខ្លួនជនសង្ស័យម្នាក់ឈ្មោះ កាន់ ឌីណា ភេទប្រុសអាយុ២៥ ឆ្នាំមុខរបររត់ឡាន រស់នៅភូមិភ្នំមួយរយ ឃុំត្រាង ស្រុកកំរៀង ខេត្តបាត់ដំបង ពាក់ព័ន្ធករណីនាំពលករឆ្លងដែនខុសច្បាប់ និងចាប់យកវត្ថុតាងរថយន្ត ០១ គ្រឿង និងទូរសព្ទ័ ០១គ្រឿង។ បច្ចុប្បន្នជនសង្ស័យនិងវត្ថុតាងមន្ត្រីជំនាញបានកសាងសំណុំរឿងតាមនីតិវិធី។

ព្រៃវែង៖ ព្រឹកថ្ងៃទី២៩ ខែឧសភា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តព្រៃវែង បានរៀបចំពិធីចាក់វ៉ាក់សាំងបង្ការជំងឺកូវីដ.១៩ លើកទី២ ជូនគ្រួសារយោធិននៃកងរាជអាវុធហត្ថខេត្តព្រៃវែង។

ព្រះវិហារ៖ នៅវេលាម៉ោង១៦:៣០នាទី ថ្ងៃទី២៨ ខែឧសភា ឆ្នាំ២០២១ កម្លាំងកម្លាំងមូលដ្ឋានកងរាជអាវុធហត្ថស្រុកឆែប សហការជាមួយផ្នែករដ្ឋបាលព្រៃឈើឆែប និងនគរបាលប៉ុស្តិ៍រដ្ឋបាលឃុំឆែបមួយ បានឃាត់ចាប់រថយន្តចំនួន ០១គ្រឿង ម៉ាកស៊ាំងយ៉ុងពណ៌សពាក់ផ្លាកលេខភ្នំពេញ2I-6647 ដឹកជញ្ជូនឈើអារប្រភេទលេខ១(សុក្រម)ចំនួន ១១សន្លឹក ស្មើនឹង ០,៤៨៤ម៉ែត្រត្រីគុណ ដោយគ្មានលិខិតអនុញ្ញាតពីរដ្ឋបាលព្រៃឈើ ស្ថិតនៅភូមិដងផ្លិត ឃុំឆែបពីរ ស្រុកឆែប ខេត្តព្រះវិហារ អ្នកបើកបរឈ្មោះ ង៉ន អី ភេទប្រុស អាយុ ១៧ឆ្នាំ ទីលំនៅបច្ចុប្បន្នភូមិគោក ឃុំស្អាង ស្រុកជ័យសែន ខេត្តព្រះវិហារ។…

តាកែវ៖​ នៅថ្ងៃទី២៧ ខែឧសភា ឆ្នាំ២០២១​ លោក​ឧត្តមសេនីយ៍ត្រី ឡា ឡៃ មេបញ្ជាការ​ កងរាជអាវុធហត្ថខេត្តតាកែវ បានអញ្ជើញចុះត្រួតពិនិត្យកម្លាំងមូលដ្ឋានកងរាជអាវុធហត្ថស្រុកបាទី ដែលយាមប្រចាំការ តាមបណ្តាគោលដៅបិទខ្ទប់ទីប្រជុំជនផ្សារសំរោងយ៉ោង​ និងភូមិស្មៅខ្ញី​ ឃុំត្រពាំងសាប​ ស្រុកបាទី​ ខេត្តតាកែវ​ ដែលជាតំបន់បិទខ្ទប់ការធ្វើចរាចរណ៍​និងធ្វើចត្តាឡីស័កនៅតាមផ្ទះ របស់ប្រជាពលរដ្ឋនិងអនុវត្តន៍តាមបទបញ្ជាសេចក្តីសំរេចលេខ០៤៩សសរ របស់សាលាខេត្តតាកែវ​ ស្តីពីការផ្អាកជាបណ្តោះអាសន្ននូវអាជីកម្មការលក់ដូរនៅក្នងផ្សារសំរោងយ៉ោងភូមិស្មៅខ្ញី​ ឃុំត្រពាំងសាប ស្រុកបាទី ដែលជាតំបន់មានអ្នកវិជ្ជមានកូវីដ.១៩ មានអ្នកប៉ះពាល់ដោយផ្ទាល់និងដោយប្រយោលជាច្រើនក្នុងព្រឹត្តិការសហគម២០កុម្ភៈ​ ។ ក្នុងនោះផងដែរលោកមេបញ្ជាការ បានឧបត្ថមសម្ភារ:និងថវិកាមួយចំនួនដល់កងកម្លាំងដែលឈរជើងនៅទីនោះរួមមានទឹកបរិសុទ្ធ ២០កេស,​ ម៉ាស់ ១០…

មុននេះបន្តិច ថ្ងៃទី២៩ ខែឧសភា ឆ្នាំ២០២១ កម្លាំងកងរាជអាវុធហត្ថ បានចាប់ខ្លួន មន្ត្រីកងរាជអាវុធហត្ថស្រុកសណ្ដាន់ ខេត្តកំពង់ធំ ដែលប្រព្រឹត្តអំពើហិង្សាលើអតីតប្រពន្ធរបស់ខ្លួនដោយចាក់នឹងកាំបិត ហើយបានរត់គេចខ្លួនអស់រយះពេល១សប្តាហ៍កន្លងទៅនេះ។ ឯកឧត្តមនាយឧត្តមសេនីយ៍ សៅ សុខា បានបញ្ជាក់នាពេលកន្លងមកថា បុគ្គលដែលប្រព្រឹត្តខុសច្បាប់ គឺមិនអាចអត់ឱនឱ្យបាននោះទេ ពោលត្រូវតែស្រាវជ្រាវចាប់ខ្លួន ដើម្បីយកមកផ្ដទ្ទាទោសតាមផ្លូវច្បាប់។ ពេលនេះបញ្ជាក់ការពិត អំពីតួនាទី ភារកិច្ចរបស់កងរាជអាវុធហត្ថ អនុវត្តតាមទិសស្លោក ប្រទេសជាតិត្រូវតែការពារ ប្រជាត្រូវតែបម្រើ ច្បាប់ត្រូវតែគោរព បទល្មើសត្រូវតែបង្ក្រាប។

រតនគិរី៖ នៅវេលាម៉ោង ១៤:០០នាទី ថ្ងៃទី២៦ ខែឧសភា ឆ្នាំ២០២១ កម្លាំងមូលដ្ឋាន កងរាជអាវុធហត្ថក្រុងបានលុង សហការជាមួយកម្លាំងកងរាជអាវុធហត្ថខេត្ត កម្លាំងអាវុធហត្ថលើផ្ទៃប្រទេស និងជំនាញផ្នែករដ្ឋបាលព្រៃឈើបានលុង ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តរតនគិរី។ កម្លាំងបានចុះបង្រ្កាបទីតាំងសន្និធិគ្មានលិខិតអនុញ្ញាត ស្ថិតនៅមុខសាលាបឋមសិក្សា ឡាបានសៀក ក្នុងភូមិអូរកន្តិល សង្កាត់ បឹងកន្សែង ក្រុងបានលុង ខេត្តរតនគិរី។ កម្លាំងបានចាប់យកឈើអារ (សុក្រម ) ចំនួនសរុប ២,៧៧១ម៉ែត្រត្រីគុណ។