បាត់ដំបង៖ នៅវេលាម៉ោង ១៦ និង ០០នាទី ថ្ងៃទី០៨ ខែមករា ឆ្នាំ២០២១ នៅចំណុច ភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង កម្លាំងការិយាល័យជំនាញបានឃាត់ខ្លួនជនសង្ស័យ ០១ នាក់ ឈ្មោះ ហឿន តាំងគា ភេទប្រុស អាយុ ២៨ឆ្នាំ មុខរបរ គ្មាន ទីលំនៅភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង និងបានដកហូតវត្ថុតាងគ្រឿងញៀនប្រភេទម្សៅក្រាមពណ៌សថ្លា (ម៉ាទឹកកក)…

តាកែវ៖ នៅវេលាម៉ោង ១៦ និង ៤០នាទី ថ្ងៃ០៧ ខែមករា ឆ្នាំ២០២១ ការិយាល័យប្រឆាំងគ្រឿងញៀន កងរាជអាវុធហត្ថខេត្តតាកែវ សហការជាមួយកម្លាំងមូលដ្ឋាន កងរាជអាវុធហត្ថស្រុកសំរោង ដឹកនាំដោយលោក អនុសេនីយ៍ត្រី ហួត វឿន នាយការិយាល័យស្ដីទី និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ។ កម្លាំងបានចុះបង្ក្រាបករណីគ្រឿងញៀននៅចំណុចភូមិត្រពាំងវែង ឃុំបឹងត្រាញ់ខាងត្បូង ស្រុកសំរោង ខេត្តតាកែវ ដោយបានឃាត់ខ្លួនជនសង្ស័យចំនួន ០៥នាក់ និងដកហូតវត្ថុតាងរួមមានម្សៅក្រាមសថ្លា(ទឹកកក)ចំនួន១៤កញ្ចប់, ទូរស័ព្ទ ០៤គ្រឿង ណិងសម្ភារៈសេពថ្នាំញៀនមួយចំនួន។ បច្ចុប្បន្នជនសង្ស័យ និងវត្ថុតាងការិយាល័យជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តដើម្បីចាត់ការតាមនីតិវិធី…

កំពត៖ នៅវេលាម៉ោង ១៥ និង ២០នាទី ថ្ងៃទី០៧ ខែមករា ឆ្នាំ២០២១ កម្លាំងជំនាញ ការិយាល័យគ្រឿងញៀនកងរាជអាវុធហត្ថខេត្តកំពត សហការជាមួយកម្លាំងមូលដ្ឋានកងរាជអាវុធហត្ថស្រុកទឹកឈូ ដឹកនាំដោយលោក វរសេនីយ៍ទោ ភួង វ៉ាន់ថា ប្រធានមន្ទីរស្រាវជ្រាវ និងបង្ក្រាបបទល្មើស និងដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត។ កម្លាំងបានចុះបង្ក្រាបករណីគ្រឿងញៀននៅចំណុចភូមិគោចិនលែង ឃុំថ្មី ស្រុកទឹកឈូ ខេត្តកំពត ដោយបានឃាត់ខ្លួនជនសង្ស័យបានចំនួន០៣នាក់ និងបានដកហូតវត្ថុតាងរួមមានម្សៅក្រាមពណ៌សថ្លា(ទឹកកក)ចំនួន០១កញ្ចប់, ទូរស័ព្ទដៃចំនួន ០១គ្រឿង, សម្ភារៈសម្រាប់សេបគ្រឿងញៀនមួយចំនួន និងម៉ូតូចំនួនមួយគ្រឿង។ បច្ចុប្បន្នកម្លាំងជំនាញបានកសាងសំណុំរឿងតាមនីតិវិធី។

តាកែវ៖ នៅវេលាម៉ោង ០៩:០០នាទីនាទី ថ្ងៃទី០៦ ខែមករា ឆ្នាំ២០២១ ការិយាល័យប្រឆាំងការជួញដូរមនុស្ស ដឹកនាំដោយលោក វរសេនីយ៍ត្រី ចាន់ ជៀប អនុប្រធានមន្ទីរស្រាវជ្រាវ និងបង្រាបបទល្មើសដោយមានចំណារ បើកអង្កេតបឋមពីព្រះរាជអាជ្ញា សាលាដំបូងខេត្តតាកែវបានចុះបង្ក្រាបករណីរំលោភសេពសន្ថវៈលើអនីតិជនអាយុក្រោម១៥នៅចំណុចសាលាបឋមសិក្សាឈើទាលទងត្រាក្រុងដូនកែវខេត្តតាកែវ។ ដោយឃាត់ខ្លួនជនសង្ស័យម្នាក់ឈ្មោះ ស្វាយ សំអាត ភេទប្រុសអាយុ ៤៣ឆ្នាំនៅភូមិឈើទាលថ្គោល ឃុំគូស ស្រុកត្រាំកក់ ខេត្តតាកែវ។ បច្ចុប្បន្ន ការិយាល័យជំនាញប្រឆាំងការជួញដូរមនុស្សបានកសាងសំណុំតាមនីតិវិធី ។

សៀមរាប៖ នៅថ្ងៃទី០៦ ខែមករា ឆ្នាំ២០២១ នៅចំណុចភូមិប្រយុទ្ធ ឃុំពួក ស្រុកពួក និងនៅចំណុចភូមិថ្មី ឃុំគោកធ្លកក្រោម ស្រុកជីក្រែង កម្លាំងអាវុធហត្ថខេត្តសៀមរាប សហការជាមួយកម្លាំងមូលដ្ឋានកងរាជអាវុធហត្ថស្រុកពួក និងកម្លាំងមូលដ្ឋានកងរាជអាវុធហត្ថស្រុកជីក្រែង បានឃាត់ខ្លួនជនសង្ស័យចំនួន០៦នាក់ ជាប់ពាក់ព័ន្ធករណីរក្សារទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន។ ចាប់យកវត្ថុតាងម្សៅក្រាមព៌ណសថ្លា(មេតំហ្វេតាមីន)ចំនួន១០កញ្ចប់, ជញ្ជីងថ្លឹងថ្នាំញៀន០១គ្រឿង, ដាវចំនួន០២ដើម, ទូរស័ព្ទ ០៨គ្រឿង និងឧបករណ៍ប្រើប្រាស់មួយចំនួន។ បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកសាងសំណុំរឿងតាមនីតិវិធី។

កំពង់ស្ពឺ៖ ថ្ងៃទី០៧ ខែមករា ឆ្នាំ២០២១ ដោយមានបញ្ជាដោយផ្ទាល់ពី លោក ឧត្តមសេនីយ៍ត្រី ជូ សារុន មេបញ្ជាការខេត្ត កម្លាំងជំនាញកងរាជអាវុធហត្ថខេត្តកំពង់ស្ពឺ បានសហការជាមួយកម្លាំងមូលដ្ឋាន កងរាជអាវុធហត្ថស្រុកភ្នំស្រួច និងមានការចូលរួមពីអាជ្ញាធរភូមិ-ឃុំ បានធ្វើកំណត់ហេតុដកហូតរថយន្ដមួយគ្រឿងម៉ាកព្រូសពណ៌សរ គ្មានស្លាកលេខ ស្ថិតនៅភូមិសម្បទានសែនជ័យ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ពីម្ចាស់ផ្ទះឈ្មោះ ប៊ុន នី ភេទស្រី អាយុអាយុ៧០ឆ្នាំ រស់នៅភូមិឃុំខាងលើ ដែលជនសង្ស័យឈ្មោះ គីមី ស្រាយ ភេទប្រុស…

ព្រះសីហនុ៖ វេលាម៉ោង ១១:០០នាទី ថ្ងៃទី០៥ ខែមករា ឆ្នាំ២០២១ កម្លាំងការិយាល័យប្រឆាំងបទល្មើសគ្រឿងញៀន មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យ ចំនួន០២នាក់ រួមនឹងវត្ថុតាង ទៅអយ្យការអមសាលាដំបូងខេត្ត ពាក់ព័ន្ធករណី ជួញដូរ ឬប្រើប្រាស់ដោយខុសច្បាប់នូវសារធាតុញៀន។

កោះកុង៖ នៅថ្ងៃពុធ ទី០៦ ខែមករា ឆ្នាំ២០២១ ក្រុមការងារបានចេញល្បាតដោយអូប័រ មានកម្លាំងអាវុធហត្ថ, មន្រ្តីបរិស្ថាន និងតំណាងអង្គការ (WA) សហការជាមួយមន្ត្រីឧទ្យាននុរក្សស្រុកបុទុមសាគរ បានធ្វើការរុះរើរោងសាងសង់ក្នុងព្រៃការពារចំនួន ០៣រោងស្ថិតនៅព្រែកកន្ទួត ឃុំអណ្ដូងទឹក ស្រុកបុទុមសាគរ ខេត្តកោះកុង។

កោះកុង៖ ព្រឹកថ្ងៃពុធ ទី០៦ ខែមករា ឆ្នាំ២០២១ កម្លាំងអាវុធហត្ថបានសហការ ល្បាតដល់និយាមការ(០២៨៨៨៥០,១២៩៦៧៨២) និងដោះអន្ទាក់សត្វព្រៃបានចំនួន ៩៧ខ្សែ ស្ថិតក្នុងភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង។