កែប៖ ព្រឹកថ្ងៃអង្គារ ទី៣០ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកែប លោក​ វរសេនីយ៍ឯក សេស សុផល មេបញ្ជាការស្តីទី កងរាជអាវុធហត្ថខេត្តកែប បានអញ្ជើញដឹកនាំកិច្ចប្រជុំផ្សព្វផ្សាយផែនការការពារ សន្តិសុខ រក្សាសុវត្ថិភាព និងរៀបចំសណ្តាប់ធ្នាប់ ក្នុងការឃោសនា បោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ ដោយមានសមាសភាពចូលរួមមេបញ្ជាការរង នាយសេនាធិការ សេនាធិការរង ប្រធាន/អនុប្រធានមន្ទីរ នាយ/នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង/ស្រុក មបញ្ជាការកងអនុសេនាធំចល័ត និង នាយ/នាយរងអាវុធហត្ថខេត្តជាច្រើនរូបទៀត។

ប៉ៃលិន៖ ព្រឹកអង្គារ ថ្ងៃទី៣០ ខែឧសភា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីផ្សព្វផ្សាយច្បាប់ស្ដីពីការបោះឆ្នោត បទបញ្ជា និងនីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ក្រោមអធិបតីភាពលោកវរសេនីយ៍ទោ យឹម យ៉េន នាយសេនាធិការ កងរាជអាវុធហត្ថខេត្តប៉ៃលិន ក្នុងពិធីនោះដែរមានការចូលរួមពីលោកនាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង/ស្រុក និងនាយទាហាន នាយទាហានរងអាវុធហត្ថខេត្តជាច្រើនរូបទៀត។

កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ថ្ងៃទី២៩ ខែឧសភា ឆ្នាំ២០២៣ លោកវរសេនីយ៍ឯក ចាន់ ដា មេបញ្ជាការរង កងរាជអាវុធហត្ថខេត្តកំពង់ស្ពឺ បានអញ្ជើញធ្វើបទបង្ហាញផ្សព្វផ្សាយច្បាប់ ស្ដីពីការបោះឆ្នោត បទបញ្ជា និងនីតិវិធីក្រមសីលធម៌ សម្រាប់យោធិន នៃកងយោធពលខេមរភូមិន្ទ និងភ្នាក់ងារសន្តិសុខបោះឆ្នោត ជូនដល់នាយទាហាន នាយទាហានរងនៃកងរាជអាវុធហត្ថខេត្តសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។

កោះកុង៖ ព្រឹកថ្ងៃទី២៩ ខែឧសភា ឆ្នាំ២០២៣ នៅសាលប្រជុំលេខាធិការដ្ឋានកងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការ កងងរាជអាវុធហត្ថខេត្តកោះកុង បានអញ្ជើញជាធិបតីភាពក្នុងកិច្ចប្រជុំស្ដីពីការអនុវត្តតួនាទីភារកិច្ចកងរាជអាវុធហត្ថ ដោយមានការអញ្ជើញចូលរួមពីលោក មេបញ្ជាការរង នាយ នាយរងសេនាធិការ ប្រធានមន្ទីរ និងនាយការិយាល័យជំនាញពាក់ព័ន្ធ និងមានភ្ជាប់តាមរយៈប្រព័ន្ធបញ្ជូនរូបភាព zoom ដល់មេបញ្ជាការមូលដ្ឋានកងរាជអាវុធហត្ថក្រុង/ស្រុកផងដែរ។

ពោធិ៍សាត់៖ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ ព្រឹកថ្ងៃទី២៩ ខែឧសភា ឆ្នាំ២០២៣ លោក វរសេនីយ៍ឯក ឌុច សម្ផស្ស នាយសេនាធិការ តំណាងលោក ឧត្តមសេនីយ៍ត្រី ពុទ្ធ លី មេបញ្ជាការ កងរាជអាវុធហត្ថខេត្តពោធិ៍សាត់ បានឧទ្ទេសនាមផ្សព្វផ្សាយអំពីច្បាប់ស្ដីពីការបោះឆ្នោត បទបញ្ជា នីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ដល់នាយទាហាន នាយទាហានរង នៃកងរាជអាវុធហត្ថខេត្តពោធិ៍សាត់។

កណ្តាល៖ ព្រឹកថ្ងៃទី២៩ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកណ្តាល បានធ្វើពិធីប្រជុំផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា នីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ដែលឧទ្ទេសនាមដោយ លោកវរសេនីយ៍ឯក ពក សាង មេបញ្ជាការរង ទទួលការងារស្រាវជ្រាវព័ត៌មានសន្តិសុខ លោកវរសេនីយ៍ទោ ឌិន ឌីណា នាយសេនាធិការរង លោកវរសេនីយ៍ទោ ឃឹម ឡុច ប្រធានមន្ទីរស្រាវជ្រាវព័ត៌មានសន្តិសុខ និងដោយមានការអញ្ជើញចូលរួមពី លោកនាយសេនាធិការរង ប្រធាន អនុប្រធានមន្ទីរ នាយការិយាល័យ មេបញ្ជាការ វរអន្តរាគមន៍…

ភ្នំពេញ៖ ព្រឹកថ្ងៃទី២៩ ខែឧសភា ឆ្នាំ២០២៣ នៅវិទ្យាស្ថានកងរាជអាវុធហត្ថ (កំបូល) បានប្រជុំត្រួតពិនិត្យ បូកសរុបរបាយការណ៍ការងារកងរាជអាវុធហត្ថ ក្រោមអធិបតីភាពលោក ឧត្ដមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ (កំបូល) ដោយមានការអញ្ជើញចូលរួមពីនាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យបុគ្គលិក និងបុគ្គលិកដែលមានការពាក់ព័ន្ធ។

សៀមរាប៖ ថ្ងៃទី២៩ ខែឧសភា ឆ្នាំ២០២៣ នៅសាលប្រជុំសេនាធិការ ទីបញ្ជាការដ្ឋានកងរាជអាវុធហត្ថខេត្ត បានប្រជុំផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា នីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខ ដឹកនាំដោយលោក វរសេនីយ៍ឯក វូ សុភេន នាយសេនាធិការ កងរាជអាវុធហត្ថខេត្តសៀមរាប និងដោយមានការអញ្ជើញចូលរួមពី លោកនាយសេនាធិការរង លោកប្រធាន អនុប្រធានមន្ទីរ និងនាយការិយាល័យ ទាំងអស់ ប្រធានអង្គភាពនគរបាលយុត្តិធម៌ នាយលេខាធិការដ្ឋាន មេបញ្ជាការ និងនាយសេនាធិការ មូលដ្ឋានកងរាជអាវុធហត្ថក្រុង/ស្រុក ទាំងអស់។

ភ្នំពេញ៖ រសៀលថ្ងៃចន្ទទី២៩ ខែឧសភា ឆ្នាំ២០២៣ នៅសាលបដិសណ្ឋារកិច្ច បញ្ជាការដ្ឋាន កងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតអោយលោកវរសេនីយ៍ឯក Shalimar Rimperial អនុព័ន្ធយោធាហ្វីលីពីន ប្រចាំព្រះរាជាណាចក្រកម្ពុជា ដែលបានចប់អាណតិ្តបេសកកម្មនៅកម្ពុជា  ចូលជួបសម្តែងការគួរសមនិងជម្រាបលា ព្រមទាំងការបង្ហាញមុខរបស់លោកវរនាវីឯក Leo C Dimocpn ដែលជាអនុព័ន្ធយោធាហ្វីលីពីនថ្មី។

ភ្នំពេញ៖ ព្រឹកថ្ងៃអង្គារ ទី៣០ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាអនុប្រធានគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ អញ្ជើញជាអធិបតីក្នុងកិច្ជប្រជុំស្តីពីការបង្កើតក្រុមលេខាគណៈយុទ្ធមិត្តជំនាន់បម្រើកងទ័ពឆ្នាំ១៩៧៨។