ត្បូងឃ្មុំ៖ ព្រឹកថ្ងៃទី២៥ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តត្បូងឃ្មុំ ដោយមានការអនុញ្ញាតពីលោក ឧត្តសេនីយ៍ត្រី មេបញ្ជាការកងរាជអាវុធហត្ថខេត្តត្បូងឃ្មុំ លោកវរសេនីយ៍ទោ ឡេង គឹមឈាន នាយសេនាធិការ កងរាជអាវុធហត្ថខេត្ត បានដឹកនាំធ្វើបទបង្ហាញផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា នីតិវិធីសម្រាប់បោះឆ្នោត និងក្រមសីលធម៌ សម្រាប់ភ្នាក់ងារសន្តិសុខ ទៅកាន់នាយសេនាធិការរង ប្រធាន អនុប្រធានមន្ទីរទាំង៧ នាយ នាយរងការិយាល័យ មេបញ្ជាការក្រុងស្រុក និងត្រូវធ្វើការផ្សព្វផ្សាយបន្តរទៅកាន់ នាយ និងពលទាហានក្រោមឱវាទទាំងអស់ឱ្យបានយល់ជ្រួតជ្រាបផងដែរ។

បាត់ដំបង៖ ព្រឹកថ្ងៃទី២៤ ខែឧសភា ឆ្នាំ២០២៣ លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញជាអធិបតីក្នុងពិធីបំពាក់ឋានន្ដរសក្ដិ ជូនយោធិន នៃកងរាជអាវុធហត្ថខេត្តបាត់ដំបង ដោយមានការចូលរួមមេបញ្ជាការរង នាយសេនាធិការរង នាយលេខាធិការដ្ឋាន ប្រធានមន្ទីរទាំង៧ នាយការិយាល័យ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុកទាំង១៤។

កំពត៖ នៅបញ្ជាការដ្ឋាន កងរាជអាវុធហត្ថខេត្តកំពត ព្រឹកថ្ងៃទី២៤ ខែឧសភា ឆ្នាំ២០២៣ បានធ្វើវិធីផ្សព្វផ្សាយអំពីច្បាប់ស្ដីពីការបោះឆ្នោត បទបញ្ជា នីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ក្រោមអធិបតីភាព ឯកឧត្ដមបណ្ឌិត តែ ជិនណារិទ្ធិ ប្រធានគណៈកម្មាធិការរៀបចំការបោះឆ្នោតខេត្តកំពត និងលោក ឧត្ដមសេនីយ៍ត្រី ចាប សុទ្ធាវុឌ្ឍន៍ មេបញ្ជាការកងរាជអាវុធហត្ថខេត្ត ដោយមានការពីលោកបញ្ជាការរង នាយសេនាធិការរង ប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋានក្រុង ស្រុក ប្រធានស្នាក់ការសន្តិសុខ ព្រមទាំងនាយ នាយរងអាវុធហត្ថខេត្តជាច្រើនរូបទៀត។

  ក្រចេះ៖ ថ្ងៃពុធ ទី២៤ ខែឧសភា ឆ្នាំ២០២៣ នៅបញ្ជាការកងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ អញ្ជើញជាអធិបតីភាពក្នុងពិធីប្រកាសតែងតាំងផ្លាស់ប្តូរមុខតំណែង និង បំពាក់ឋានន្តរសក្តិជូនយោធិននៃកងរាជអាវុធហត្ថ ដោយមានការចូលរួមពីលោកមេបញ្ជាការរង នាយសេនាធិការរង ប្រធាន-អនុប្រធានមន្ទីរទាំង៧ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក នាយការិយាល័យផងដែរ។

ឧត្តរមានជ័យ៖ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ ព្រឹកថ្ងៃទី២៣ ខែឧសភា ឆ្នាំ២០២៣ លោក ឧត្តមសេនីយ៍ត្រី ចាន់ យូសាន់ មេបញ្ជាការរង កងរាជអាវុធហត្ថខេត្តឧត្តរមានជ័យ បានដឹកនាំប្រជុំផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា និងនីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ដល់យោធិន នៃកងរាជអាវុធហត្ថខេត្ត ដោយមានការអញ្ជើញចូលរួមពីសំណាក់ លោក នាយសេនាធិការ នាយសេនាធិការរង ប្រធាន អនុប្រធានមន្ទីរ នាយការិយាល័យ និងមេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក និងស្នាក់ការផងដែរ។

រតនគិរី៖ នៅវិទ្យាល័យហ៊ុនសែនលំផាត់ ស្ថិតនៅភូមិលំផាត់ ឃុំជ័យឧត្តម ស្រុកលំផាត់ ខេត្តរតនគិរី ថ្ងៃទី២២ ខែឧសភា ឆ្នាំ២០២៣ លោក វរសេនីយ៍ឯក កង សារ៉េត មេបញ្ជាការរងទទួលការងារស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តរតនគិរី បានដឹកនាំនាយនាយរងការិយាល័យប្រឆាំងគ្រឿងញៀន សហការជាមួយមូលដ្ឋានកងរាជអាវុធហត្ថស្រុកលំផាត់ ចុះផ្សព្វផ្សាយផែនការប្រយុទ្ធប្រឆាំងគ្រឿងញៀនខុសច្បាប់ និងច្បាប់ស្តីពីការត្រួតពិនិត្យគ្រឿងញៀន ដោយមានការអញ្ជើញចូលរួម ពីលោក មូល រដ្ឋធានី អភិបាលរងនៃគណៈអភិបាលស្រុកលំផាត់ កងកម្លាំងប្រដាប់អាវុធទាំងបីប្រភេទ លោកប្រធានការិយាល័យអប់រំស្រុកលំផាត់ លោក នាយកវិទ្យាល័យលំផាត់ និងលោកគ្រូ…

ភ្នំពេញ៖ នៅបញ្ជាការដ្ឋាន កងរាជអាវុធហត្ថលផ្ទៃប្រទេស ព្រឹកថ្ងៃទី២២ ខែឧសភា ឆ្នាំ២០២៣ លោក វរសេនីយ៍ឯក ឡាក់ គួន នាយការិយាល័យជំនួយមនុស្សធម៌ និងសង្រ្គោះគ្រោះមហន្តរាយ ស្នងការដ្ឋានផែនការប្រតិបត្តិការ និងហ្វឹកហ្វឺនកងរាជអាវុធហត្ថលើផ្ទៃប្រទេស បានដឹកនាំប្រជុំពង្រឹងការអនុវត្តតួនាទីភារកិច្ច ការងារជំនួយមនុស្សធម៌ និងសង្រ្គោះគ្រោះមហន្តរាយ ជាពិសេសត្រួតពិនិត្យថែរទាំឧបករណ៍សម្ភារគ្រឿងបំពាក់ក្នុងឃ្លាំងដើម្បីត្រៀមលក្ខណៈប្រើប្រាស់ក្នុងពេលហ្វឹកហាត់ និងក្នុងពេលមានយថាហេតុកើតឡើង។ កិច្ចប្រជុំនេះមានសមាសភាពចូលរួមនាយរងការិយាល័យ នាយផ្នែកចំណុះការិយាល័យជំនួយមនុស្សធម៌ និងសង្រ្គោះគ្រោះមហន្តរាយ។

ត្បូងឃ្មុំ៖ នៅឃុំទន្លូង ស្រុកមេមត់ ខេត្តត្បូងឃ្មុំ ព្រឹកថ្ងៃចន្ទ ទី២២ ខែឧសភា ឆ្នាំ២០២៣ លោក ឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្ដត្បូងឃ្មុំ និងមន្ត្រីក្រោមឱវាទបានអញ្ជើញចុះត្រួតពិនិត្យហេដ្ឋារចនាសម្ព័ន្ធនានាស្ថិតនៅតំបន់ប្រវត្តិសាស្ត្រយោធាតេជោកោះថ្មអ៊ិច១៦។

កោះកុង៖ ព្រឹកថ្ងៃទី២២ ខែឧសភា ឆ្នាំ២០២៣ នៅសាលប្រជុំនាយសេនាធិការដ្ឋាននៃបញ្ជាការដ្ឋានកងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការកងរាជអាវុធហត្ថខេត្ត បានដឹកនាំប្រជុំត្រួតពិនិត្យការអនុវត្តតួនាទីភារកិច្ចកងរាជអាវុធហត្ថ ដោយមានសមាសភាពចូលរួមនាយរងសេនាធិការ ប្រធានមន្ទីរទាំង៧ នាយការិយាយល័យជំនាញទាំង៣ និងប្រធានក្រុមអន្តរាគមន៍។

ក្រចេះ៖ រសៀលថ្ងៃអាទិត្យ ទី២១ ខែឧសភា ឆ្នាំ២០២៣ នៅទីបញ្ជាការដ្ឋានកងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំកម្លាំងប្រជុំជួរទ័ពដើម្បីត្រួតពិនិត្យកម្លាំងមធ្យោបាយសម្ភារត្រៀមអន្តរាគមន៍ ការពារសន្តិសុខ សណ្ដាប់ធ្នាប់ រក្សាសុវត្ថិភាពជូនប្រជាពលរដ្ឋក្នុងភូមិសាស្ត្រខេត្ត។