សៀមរាប៖ រសៀលថ្ងៃទី១៨ ខែឧសភា ឆ្នាំ២០២៣ នៅសាលប្រជុំធំ ទីបញ្ជាការដ្ឋានកងរាជអាវុធហត្ថខេត្តសៀមរាប បានធ្វើពិធីប្រជុំផ្សព្វផ្សាយការងារអប់រំចិត្តសាស្ត្រ ប្រចាំឆមាសទី១ ឆ្នាំ២០២៣ ក្រោមអធិបតីភាព លោក វរសេនីយ៍ឯក ស៊ូ កណ្ឋារដ្ឋ មេបញ្ជាការរងទទួលការងារកសាងកម្លាំងកងរាជអាវុធហត្ថខេត្តសៀមរាប ដោយមានការអញ្ជើញចូលរួមពី លោកមេបញ្ជាការរង លោកនាយសេនាធិការ លោកនាយសេនាធិការរង ប្រធាន/អនុប្រធានមន្ទីរ លោក លោកស្រី នាយ នាយរងការិយាល័យ ជំនួយការ ទាំងអស់ និងបានចែកឯកសារជូន ប្រធានមន្ទីរ ដើម្បីយកផ្សព្វផ្សាយបន្តជូននាយ នាយរងអាវុធហត្ថផងដែរ។

កំពត៖ នៅបញ្ជាការដ្ឋាន កងរាជអាវុធហត្ថខេត្តកំពត ព្រឹកថ្ងៃទី១៨ ខែឧសភា ឆ្នាំ២០២៣ បើកកិច្ចប្រជុំការងារស្រាវជ្រាវព័ត៌មានសន្តិសុខ ក្រោមអធិបតីភាពលោក វរសេនីយ៍ឯក សេង វិច្ឆិកា មេបញ្ជាការរង កងរាជអាវុធហត្ថខេត្តកំពត ដោយមានការអញ្ជើញចូលរួមពីប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង/ស្រុក លោកមេបញ្ជាការរងទទួលការងារស្រាវជ្រាវព័ត៌មានសន្តិសុខក្រុង/ស្រុក លោកប្រធានស្នាក់ការសន្តិសុខ។

កណ្តាល៖ ព្រឹកថ្ងៃទី១៨ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកណ្តាល បានធ្វើពិធីប្រជុំផ្សព្វផ្សាយការងារអប់រំចិត្តសាស្ត្រប្រចាំឆមាសទី១ ឆ្នាំ២០២៣ ក្រោមអធិបតីភាព លោក វរសេនីយ៍ឯក ជា វុទ្ធី មេបញ្ជាការរង កងរាជអាវុធហត្ថខេត្តកណ្តាល ដោយមានការអញ្ជើញចូលរួមពីលោកនាយសេនាធិការរង ប្រធានមន្ទីរ-អនុប្រធានមន្ទីរ លោក លោកស្រី នាយការិយាល័យ មេបញ្ជាការកងវរអន្តរាគមន៍ មេបញ្ជាការ មេបញ្ជាការរង មូលដ្ឋានកងរាជអាវុធហត្ថក្រុង/ស្រុកទាំង១១។

បន្ទាយមានជ័យ៖ ព្រឹកថ្ងៃទី១៨ ខែឧសភា ឆ្នាំ២០២៣ នៅសាលប្រជុំអគារសេនាធិការដ្ឋានកងរាជអាវុធហត្ថខេត្តបន្ទាយមានជ័យ លោក ឧត្តមសេនីយ៍ត្រី វង្ស ធី មេបញ្ជាការរង កងរាជអាវុធហត្ថខេត្តបន្ទាយមានជ័យ បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា និងនីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ ដោយមានការអញ្ជើញចូលរួមពីលោកមេបញ្ជាការរង កងរាជអាវុធហត្ថខេត្ត លោកនាយសេនាធិការរង លោកប្រធាន-អនុប្រធានមន្ទីរ លោកនាយការិយាល័យជំនាញ លោកមេបញ្ជាការ-មេបញ្ជាការមូលដ្ឋានកងរាជអាវុធហត្ថក្រុងស្រុកទាំង៩ និងនាយ នាយរងកងរាជអាវុធហត្ថ ។ នាឱកាសនោះលោក ឧត្តមសេនីយ៍ត្រី វង្ស…

កែប៖ ព្រឹកទី១៨ ខែឧសភា ឆ្នាំ២០២៣ លោកវរសេនីយ៍ត្រី មៀច ប៊ុនថា នាយសេនាធិការកងរាជអាវុធហត្ថខេត្តកែប បានប្រជុំជួរធ្វើការផ្សព្វផ្សាយ និងណែនាំដល់ គ្រប់ជំនាញ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុក ត្រូវត្រៀមកម្លាំង មធ្យោបាយ គ្រឿងបំពាក់ និងចុះល្បាតតាមដានស្រាវជ្រាវ សហការជាមួយនគរបាល អាជ្ញាធរមូលដ្ឋានភូមិ ឃុំ និងរង់ចាំបទបញ្ជាថ្នាក់ដឹកនាំ។

រតនគិរី៖ យប់ថ្ងៃទី១៧ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី និងមូលដ្ឋានកងរាជអាវុធហត្ថក្រុង/ស្រុក បានធ្វើការប្រជុំជួរដើម្បីត្រួតពិនិត្យកម្លាំងត្រៀមអន្តរាគមន៍ ការពារសន្តិសុខសណ្ដាប់ធ្នាប់សាធារណៈ ជួយសង្គ្រោះរាល់ហេតុការណ៍ដែលកើតមានឡើងជាយថាហេតុ និងធ្វើការចេញល្បាតដើម្បីរក្សាសុខសុវត្ថិភាពជូនប្រជាពលរដ្ឋ នៅក្នុងភូមិសាស្ត្រ ទីរួមខេត្ត និងតាមបណ្ដាក្រុង/ស្រុក។

សៀមរាប៖ យប់ថ្ងៃទី១៧ ខែឧសភា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តសៀមរាប លោក វរសេនីយ៍ឯក ស៊ិន លី មេបញ្ជាការរង កងរាជអាវុធហត្ថខេត្តសៀមរាប បានដឹកនាំកម្លាំងប្រជុំជួរទ័ពដើម្បីត្រួតពិនិត្យកម្លាំងមធ្យោបាយសម្ភារត្រៀមអន្តរាគមន៍ ការពារសន្តិសុខ សណ្ដាប់ធ្នាប់ រក្សាសុវត្ថិភាពជូនប្រជាពលរដ្ឋក្នុងភូមិសាស្ត្រខេត្ត។

កំពង់ធំ៖ អនុវត្តតាមបទបញ្ជា លោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ នៅបញ្ជាការដ្ឋានកងរាជអាវុធហត្ថខេត្ត លោក វរសេនីយ៍ឯក តុង ហុងលី មេបញ្ជាការរង នៅយប់ថ្ងៃទី១៧ ខែឧសភា ឆ្នាំ២០២៣ និងមូលដ្ឋានកងរាជអាវុធហត្ថក្រុង/ស្រុក ស្នាក់ការសន្តិសុខ បានធ្វើការប្រជុំជួរដើម្បីត្រួតពិនិត្យកម្លាំងត្រៀមអន្តរាគមន៍ការពារសន្តិសុខសណ្ដាប់ធ្នាប់សាធារណៈជួយសង្គ្រោះ រាល់ហេតុការណ៍ដែលកើតមានឡើងជាយថាហេតុ និងធ្វើការចេញល្បាតដើម្បីរក្សាសុខសុវត្ថិភាពជូនប្រជាពលរដ្ឋនៅក្នុងភូមិសាស្ត្រ និងតាមបណ្ដាក្រុង/ស្រុកផងដែរ។