ក្រចេះ៖ ព្រឹកថ្ងៃពុធ ទី០៧ ខែមិថុនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ អញ្ជើញជាអធិបតីភាពក្នុងកិច្ចប្រជុំផ្សព្វផ្សាយការងារស្រាវជ្រាវ បង្រ្កាបបទរល្មើសជាក់ស្តែង បទរល្មើសព្រៃឈើ និងការកាប់ទន្រ្ទានយកដីរបស់រដ្ឋ។ ក្នងកិច្ចប្រជុំនេះមានការចូលរួមពីលោក មេបញ្ជាការរង នាយសេនាធិការរង ប្រធានមន្ទីរទាំង៧ មេបញ្ជាការមូលដ្ឋាន កងរាជអាវុធហត្ថក្រុង/ស្រុក និងនាយការិយាល័យចំណុះឲ្យបញ្ជាការដ្ឋានកងរាជអាវុធហត្ថខេត្ត ដែលមានការពាក់ព័ន្ធ។

ព្រះវិហារ៖ ព្រឹកថ្ងៃ០៧ ខែមិថុនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តព្រះវិហារ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឈនភាពការងារកងរាជអាវុធហត្ថខែឧសភា និងទិសដៅការងារខែមិថុនា ឆ្នាំ ២០២៣ ក្រោមអធិបតីភាពលោក ឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុក។

កោះកុង៖ រសៀលថ្ងៃទី០៦ ខែមិថុនា ឆ្នាំ២០២៣ នៅសាលប្រជុំសេនាធិការដ្ឋានបញ្ជាការដ្ឋាន កងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការកងរាជអាវុធហត្ថខេត្តកោះកុង បានដឹកនាំប្រជុំត្រួតពិនិត្យឆ្លងរបាយការណ៍ខែមិថុនា ទិសដៅការងារខែកក្កដា ត្រួតពិនិត្យឆ្លងរបាយការណ៍ឆមាសទី១ ទិសដៅការងារឆមាសទី២/២០២៣ និងការងារចាំបាច់មួយចំនួនទៀត។ កិច្ចប្រជុំនេះមានសមាសភាពចូលរួម នាយសេនាធិការរង ប្រធានមន្ទីរទាំង៧ និងនាយការិយាល័យពាក់ព័ន្ធ។

កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ រសៀលថ្ងៃទី០៦ ខែមិថុនា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំកិច្ចប្រជុំឆ្លងរបាយការណ៍ត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ឆមាសទី១ ទិសដៅការងារឆមាសទី២ ឆ្នាំ២០២៣ ។

តាកែវ៖ នៅទី០៦ ខែមិថុនា ឆ្នាំ២០២៣ លោក វរសេនីយ៍ឯក កែន វណ្ណៈ មេបញ្ជាការរង តំណាងលោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ ដឹកនាំមន្ត្រីក្រោមឱវាទ ជួបសំណេះសំណាលជាមួយប្រតិភូការពារព្រំដែនខេត្តអាងយ៉ាង ក្នុងឱកាសនោះដែរ លោកវរសេនីយ៍ឯក ជិន គួក ខាញ់ មេបញ្ជាការកងទ័ពការពារព្រំដែន ខេត្តអាងយ៉ាងបានប្រគល់ជំនួយឥតសំណង(ជាសាច់ប្រាក់) និងគ្រឿង ឧបភោគបរិភោគមួយចំនួនសម្រាប់បំរើការងារធានាសន្តិសុខ សណ្តាប់ធ្នាប់ សម្រាប់អង្គភាពរបស់ កងរាជអាវុធហត្ថខេត្តតាកែវ។ គណៈប្រតិភូវៀតណាមដឹកនាំដោយ វរសេនីយ៍ឯក…

កំពង់ឆ្នាំង៖ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថៃ្ងអង្គារ ទី០៦ ខែមិថុនា ឆ្នាំ២០២៣ បានបិទវគ្គហ្វឹកហ្វឺនបំប៉នការប្រើប្រាស់គ្រឿងចក្រ និងយុទោ្ធបករណ៍ ក្រោមអធិបតីភាព លោក ឧត្តមសេនីយ៍ត្រី មាស សុវណ្ណ នាយកមជ្ឈមណ្ឌល និងលោកវរសេនីយ៍ឯក ផាន វី អនុសេនានុព័ន្ធយោធាចិនប្រចាំព្រះរាជាណាចក្រកម្ពុជា និងលោកវរសេនីយ៍ឯក ឡូ  ស៊ីងយ៊ន ប្រធានសាស្រ្តាចារ្យយោធាចារ្យចិនកងទ័ពរំដោះចិន។ ក្នុងឱកាសនោះដែរ លោកឧត្តមសេនីយ៍ត្រី មាស សុវណ្ណ បានប្រគល់លិខិតថ្លែងអំណរគុណ និងវត្ថុអនុស្សាវរីយ៍ដល់យោធាចារ្យចិនបានចូលរួមជាអធិបតីព្រមទាំងយោធាចារ្យចិនផងដែរ។

ភ្នំពេញ៖ នៅវិទ្យាស្ថានកងរាជអាវុធហត្ថ(កំបូល) ព្រឹកថ្ងៃចន្ទ ទី០៥ ខែមិថុនា ឆ្នាំ២០២៣ នៅសាលប្រជុំវិទ្យាស្ថានកងរាជអាវុធហត្ថ(កំបូល) បានប្រជុំត្រួតពិនិត្យ បូកសរុបរបាយការណ៍ការងាកងរាជអាវុធហត្ថ ក្រោមអធិបតីភាព លោក ឧត្តមសេនីយ៍ត្រី លីវ ណារ៉ា នាយកស្ដីទី វិទ្យាស្ថានកងរាជអាវុធហត្ថ(កំបូល) ដោយមានសមាសភាពចូលរួម នាយលេខាធិការដ្ឋាន ប្រធានមន្ទីរ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យបុគ្គលិក និងបុគ្គលិកដែលមានការពាក់ព័ន្ធ។

កំពង់ធំ៖ ព្រឹកថ្ងៃទី០៥ ខែមិថុនា ឆ្នាំ ២០២៣ នៅបញ្ជាការដ្ឋានកងរាជអាវុធហត្ថខេត្តកំពង់ធំ លោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ បានអញ្ជើញជាអធិបតីក្នុងពិធីបើកវគ្គបំប៉នជំនាញ កងរាជអាវុធហត្ថ ប្រចាំឆមាសទី១ ឆ្នាំ២០២៣ ដល់នាយហាន នាយទាហានរង នៃកងរាជអាវុធហត្ថខេត្តកំពង់ធំ ដោយមានការអញ្ជើញចូលរួមពីលោក លោកស្រី មេបញ្ជាការរង នាយ នាយសេនាធិការរង ប្រធានមន្ទីរ នាយការិយាល័យ មេបញ្ជាការមូលដ្ឋានក្រុង/ស្រុក និង សិក្ខាកាមជាច្រើនរូបផងដែរ។

ស្ទឹងត្រែង៖ ព្រឹកថ្ងៃទី០៥ ខែមិថុនា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង លោក វរសេនីយ៍ឯក ឈាត វាសនា មេបញ្ជាការរង និងជានាយសេនាធិការ កងរាជអាវុធហត្ថខេត្តស្ទឹងត្រែង អញ្ជើញពិធីបើកវគ្គបំប៉ននាយទាហាន នាយទាហានរង កងរាជអាវុធហត្ថក្នុងឆមាសទី១ ឆ្នាំ ២០២៣ ដោយមានការអញ្ជើញចូលរួមពីមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយការិយាល័យ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក និងនាយ នាយរងអាវុធហត្ថដែលមានការពាក់ព័ន្ធ។

ព្រៃវែង៖ រសៀលថ្ងៃទី០៥ ខែមិថុនា ឆ្នំា២០២៣ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង អញ្ជើញដឹកនំាប្រតិភូ កងរាជអាវុធហត្ថខេត្តព្រៃវែង ជួបសំណេះសំណាល និងទទួលថវិកាមួយចំនួនសម្រាប់ការជួសជុល និងកសាងអង្គភាពពីបញ្ជាការដ្ឋាន កងទ័ពការពារព្រំដែនខេត្តតៃនិញនៃសាធារណៈរដ្ឋសង្គមនិយមវៀតណាម នៅច្រកទ្វារព្រំដែនអន្តរជាតិតិនណាមប្រទេសវៀតណាម និងប៉ុស្តិ៍នគរបាលច្រកទ្វារព្រំដែនអន្តរជាតិម៉ឺនជ័យប្រទេសកម្ពុជា ។