ភ្នំពេញ៖ ដោយបានការអនុញ្ញាតពីលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ព្រឹកថ្ងៃពុធ ទី០៤ ខែមករា ឆ្នាំ២០២៣ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោក ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យ កងរាជអាវុធហត្ថលើផ្ទៃប្រទេស បានអញ្ជើញបើកកិច្ចប្រជុំក្រុមការងារបូកសរុបរបាយការណ៍ តាមដាន និងប្រមូលទិន្នន័យ។
កំពង់ឆ្នាំង៖ នៅមជ្ឈមណ្ឌហ្វឹកហ្វឺនកងរាជអាវុធហត្ថភ្នំជុំរីករាយ ព្រឹកថ្ងៃទី០៣ ខែមករា ឆ្នាំ២០២៣ លោក ឧត្តមសេនីយ៍ឯក សេង សុង មេបញ្ជាការរង កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យអគារស្នាក់នៅរបស់សិក្ខាកាមដែរចូលហ្វឹកហាត់ថ្មី។
កំពង់ធំ៖ នៅបញ្ជាការដ្ឋាន កងរាជអាវុធហត្ថខេត្តកំពង់ធំ រសៀលថ្ងៃអង្គារ ទី០៣ ខែមករា ឆ្នាំ២០២៣ លោក វរសេនីយ៍ឯក ប៊ិន និមល មេបញ្ជាការរង កងរាជអាវុធហត្ថខេត្តកំពង់ធំ ទទួលជំនាញកសាងកម្លាំងបានដឹកនាំកិច្ចប្រជុំផ្សព្វផ្សាយ ការងារជ្រើសរើសយោធិន នៃកងរាជអាវុធហត្ថ ដោយមានការអញ្ជើញចូលរួម ពីលោកប្រធានមន្ទីរ នាយ-នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង-ស្រុក ទាំង៩។
កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ រសៀលថ្ងៃទី០៣ ខែមករា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំក្រុមការងារជ្រើសរើសយោធិន នៃកងរាជអាវុធហត្ថ ដើម្បីប្រជុំផ្សព្វផ្សាយការងារជ្រើសរើសយោធិន កងរាជអាវុធហត្ថខេត្តកំពង់ស្ពឺ ដែលចាប់ដំណើរចែកពាក្យចាប់ពីថ្ងៃទី០៥ ខែមករា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្ត។
បាត់ដំបង៖ រសៀលថ្ងៃទី០៣ ខែមករា ឆ្នាំ២០២៣ លោក ឧត្ដមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង បានអញ្ជើញជាអធិបតីក្នុងពិធីប្រជុំត្រួតពិនិត្យការអនុវត្ដតួនាទី ភារកិច្ច និងវឌ្ឍនភាពការងារ ដោយមានអញ្ជើញចូលរួមមេបញ្ជាការរង នាយសេនាធិការរង នាយលេខាធិការដ្ឋាន និងមេបញ្ជាការ មូលដ្ឋានកងរាជអាវុធហត្ថក្រុង/ស្រុកទាំង១៤ផងដែរ។
បន្ទាយមានជ័យ: ព្រឹកថ្ងៃអង្គារ ទី០៣ ខែមករា ឆ្នាំ២០២៣ លោក ឧត្តមសេនីយ៍ត្រី ស៊ុន សម្បត្តិ មេបញ្ជាការរងទទួលការងារកសាងកម្លាំង កងរាជអាវុធហត្ថខេត្តបន្ទាយមានជ័យ ដឹកនាំកិច្ចប្រជុំផ្សព្វផ្សាយ ស្តីពីការជ្រើសរើសយោធិន នៃកងរាជអាវុធហត្ថខេត្តបន្ទាយមានជ័យ។ កិច្ចប្រជុំនេះក៏មានការអញ្ជើញចូលរួមពីក្រុមការងារជ្រើសរើសយោធិន នៃកងរាជអាវុធហត្ថខេត្ត លោកមេបញ្ជាការមូលដ្ឋានក្រុង-ស្រុកទាំង៩ ធ្វើឡើងនៅសាលប្រជុំតូច ជាន់ទី៣ អគារសេនាធិការដ្ឋានកងរាជអាវុធហត្ថខេត្តបន្ទាយមានជ័យ។
កណ្តាល៖ ព្រឹកថ្ងៃទី០៣ ខែមករា ឆ្នាំ២០២៣ នៅសាលប្រជុំទីបញ្ជាការដ្ឋាន កងរាជអាវុធហត្ថខេត្តកណ្តាល លោក វរសេនីយ៍ឯក ច័ន្ទ សារ៉ាដែន រួមជាមួយ លោកស្រី មេបញ្ជាការរង កងរាជអាវុធហត្ថខេត្ត បានដឹកនាំប្រជុំស្តីពីការជ្រើសរើសយោធិន នៃកងរាជអាវុធហត្ថ ដោយមានការចូលរួមពីនាយសេនាធិការ ប្រធានមន្ទីរ នាយការិយាល័យពាក់ព័ន្ធ និងមេបញ្ជាការ មេបញ្ជាការរង ក្រុង-ស្រុកទាំង១១។
ព្រៃវែង៖ នៅបញ្ជាការដ្ឋាន កងរាជអាវុធហត្ថខេត្តព្រៃវែង នៅរសៀលថ្ងៃចន្ទ ទី០២ ខែមករា ឆ្នាំ២០២៣ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកនាំប្រជុំការងារជ្រើសរើសយោធិន កងរាជអាវុធហត្ថ ដោយមានការចូលរួម ពីលោក ឧត្តមសេនីយ៍ មេបញ្ជាការរង ទទួលកសាងកម្លាំងលោកប្រធានមន្ទីរកសាងកម្លាំង និងនាយការិយាល័យចំណុះមន្ទីរកសាងកម្លាំងទាំងអស់ នាយលេខាធិការដ្ឋាន នាយការិយាល័យហិរញ្ញវត្ថុ នាយការិយាល័យសុខាភិបាលនាយការិយាល័យផែនការហ្វឹកហ្វឺន នាយការិយាល័យផែនការ និងស្រាវជ្រាវបង្ក្រាបបទល្មើស និងមេបញ្ជាការមូលដ្ឋានក្រុង-ស្រុកទាំង១៣ ផងដែរ។
ភ្នំពេញ៖ នៅសាលប្រជុំ Video Conference នៃបញ្ជាការដ្ឋាន កងរាជអាវុធហត្ថលើផ្ទៃប្រទេស ព្រឹកថ្ងៃអង្គារ ទី០៣ ខែមករា ឆ្នាំ២០២៣ លោក ឧត្តមសេនីយ៍ទោ នាង សុជីវី ស្នងការ ស្នងការដ្ឋាន កសាងកម្លាំងកងរាជអាវុធហត្ថលើផ្ទៃប្រទេស បានអញ្ជើញដឹកនាំកិច្ចប្រជុំបែងចែកកតួនាទីភារកិច្ចជាមួយក្រុមការងារជ្រើសរើស និងក្រុមបូកសរុប ដោយមានការចូលរួមពីស្នងការរង នាយ-នាយរងការិយាល័យ នាយផ្នែក ព្រមទាំងនាយ នាយរងអាវុធហត្ថដែលមានការពាក់ព័ន្ធ។
សៀមរាប៖ នៅបញ្ជាការដ្ឋាន កងរាជអាវុធហត្ថខេត្តសៀមរាប ព្រឹកថ្ងៃចន្ទ ទី០២ ខែមករា ឆ្នាំ២០២៣ លោក វរសេនីយ៍ឯក ស៊ូ កណ្ឋារដ្ឋ មេបញ្ជាការរង ទទួលការងារកសាងកម្លាំង កងរាជអាវុធហត្ថខេត្តសៀមរាប បានដឹកនាំប្រជុំការងារជ្រើសរើសយោធិន កងរាជអាវុធហត្ថ ដោយមានការចូលរួម ពីលោក ប្រធានមន្ទីរកសាងកម្លាំង និងនាយការិយាល័យចំណុះមន្ទីរកសាងកម្លាំងទាំងអស់ នាយលេខាធិការដ្ឋាន នាយការិយាល័យហិរញ្ញវត្ថុ នាយការិយាល័យសុខាភិបាលនាយការិយាល័យផែនការហ្វឹកហ្វឺន នាយការិយាល័យផែនការ និងស្រាវជ្រាវបង្ក្រាបបទល្មើស និងមេបញ្ជាការមូលដ្ឋានក្រុង-ស្រុកទាំង១២ ផងដែរ។