ភ្នំពេញ៖ ដោយបានការអនុញ្ញាតពីលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ព្រឹកថ្ងៃពុធ ទី១១ ខែមករា ឆ្នាំ២០២៣ នៅវិទ្យាស្ថានកងរាជអាវុធហត្ថកំបូល លោកឧត្តមសេនីយ៍ឯក ភួង ស៊ីភិន មេបញ្ជាការរងកងរាជអាវុធហត្ថលើផ្ទៃប្រទេស ទទួលផែនប្រតិបត្តិការនិងហ្វឹកហ្វឺន អញ្ជើញជាអធិបតី ក្នុងពិធីបិទវគ្គវិក្រឹតការបញ្ជាការសេនាធិការកងរាជអាវុធហត្ថ និងវគ្គវិក្រឹតការថ្នាក់កងអនុសេនាធំ វរសេនាតូចមូលដ្ឋានកងរាជអាវុធហត្ថខណ្ឌ ក្រុង ស្រុក ដោយមានការចូលរួមពីលោកឧត្តមសេនីយ៍ សេនាធិការរង ស្នងការ លោក វរសេនីយ៍ទោ វ៉ាំង…

កណ្តាល៖ រសៀលថ្ងៃ ទី០៩ ខែមករា ឆ្នាំ២០២៣ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំជួរបញ្ជាការ នាយសេនាធិការ ប្រធានមន្ទីរ និងនាយ ការិយាល័យបុគ្គលិក ដើម្បីចូលរួមប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ប្រចាំឆ្នាំ២០២២ និងលើកទិសដៅផែនការសកម្មភាពការងារ កងរាជអាវុធហត្ថ ឆ្នាំ២០២៣ និងផ្សព្វផ្សាយផែនការការងារផ្សេងៗមួយចំនួនទៀតរបស់អង្គភាព នៅសាលប្រជុំទីបញ្ជាការ កងរាជអាវុធហត្ថ ខេត្តកណ្តាល៕

រតនគិរី៖ នៅព្រឹកថ្ងៃទី៩ ខែមករា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី បានប្រជុំត្រួតពិនិត្យការអនុវត្តតួនាទីភារកិច្ច និងវឌ្ឍនភាពការងារប្រចាំខែមករា និងលើកទិសដៅការងារខែកុម្ភៈ ឆ្នាំ២០២៣  ក្រោមអធិបតីភាព លោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគីរី ពិធីនេះដែរក៏មានការអញ្ជើញចូលរួមពីលោកមេបញ្ជាការរង ប្រធាន-អនុប្រធានមន្ទីរទាំង៧ នាយ-នាយរងការិយាល័យ និងមេបញ្ជាការមូលដ្ឋានកងរាជអាវុធហត្ថក្រុង ស្រុកទាំង៩ ផងដែរ ។

ភ្នំពេញ៖ ព្រឹកថ្ងៃទី០៩ ខែមករា ឆ្នាំ២០២៣ លោក ឧត្តមសេនីយ៍ត្រី ខៀវ រដ្ឋា ស្នងការរង ស្នងការដ្ឋាន ទំនាក់ទំនងកិច្ចការសាធារណៈកងរាជអាវុធហត្ថលើផ្ទៃប្រទេស បានអញ្ជើញធ្វើបទបង្ហាញស្តីអំពីស្តីពីនយោបាយឈ្នះឈ្នះ ដល់សិក្ខាកាមវគ្គវិក្រឹតការបញ្ជាការសេនាធិការកងរាជអាវុធហត្ថ និងវគ្គវិក្រឹតការថ្នាក់កងអនុសេនាធំ វរសេនាតូច មូលដ្ឋានកងរាជអាវុធហត្ថខណ្ឌ-ក្រុង-ស្រុក។

ព្រៃវែង: ដោយទទួលបានបទបញ្ជារបស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេសព្រឹកថ្ងៃចន្ទ ទី០៩ ខែមករា ឆ្នាំ២០២៣ លោកឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យទីតាំងដីថ្មីរបស់បញ្ជាការដ្ឋានកងរាជអាវុធហត្ថខេត្តព្រៃវែង ដើម្បីត្រៀមរៀបចំពិធីបញ្ចុះបឋមសិលាបើកការដ្ឋានសាងសង់បញ្ជាការដ្ឋានកងរាជអាវុធហត្ថខេត្តព្រៃវែង នាថ្ងៃទី២៥ ខែមករា ឆ្នាំ២០២៣ខាងមុខនេះ។

តាកែវ៖ ព្រឹកថ្ងៃទី០៩ ខែមករា ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការ ដើម្បីត្រួតពិនិត្យការអនុវត្តតួនាទីភារកិច្ចកងរាជអាវុធហត្ថខេត្ត ដោយមានសមាសភាពចូលរួមលោកមេបញ្ជាការរង, នាយសេនាធិការរង, ប្រធានមន្ទីរទាំង៧ និងនាយការិយាល័យ ដែលពាក់ព័ន្ធ។

កំពង់ចាម៖ រសៀលថ្ងៃទី០៧ ខែមករា ឆ្នាំ២០២៣ នៅទីបញ្ជាការដ្ឋានកងរាជអាវុធហត្ថខេត្តកំពង់ចាម បានប្រជុំផ្សព្វផ្សាយផែនការការពារសន្តិសុខ រក្សាសុវត្តិភាព ក្នុងពិធីបើកការរដ្ឋានពង្រីកនិងលើកកម្ពស់ផ្លូវជាតិលេខ៧ ទៅជាផ្លូវ៤គន្លង ចាប់ពីទីប្រជុំជនស្គន់ ស្រុកជើងព្រៃដល់គល់ស្ពានគីហ្សូណា ទីរួមខេត្តកំពង់ចាម មានប្រវែង៤៥,៥៩គីឡូម៉ែត្រ។ កិច្ចប្រជុំនេះក្រោមអធិបតីភាពលោក ឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម និងមានការអញ្ជើញចូលរួមពីសំណាក់ មេបញ្ជាការរង នាយសេនាធិការ នាយសេនាធិការរង ប្រធាន -អនុប្រធានមន្ទីរ នាយការិយាល័យ និងមេបញ្ជាការមូលដ្ឋានកងរាជអាវុធហត្ថក្រុង-ស្រុក ស្នាក់ការសន្តិសុខផងដែរ។

ព្រឹកថ្ងៃទី០៨ ខែមករា ឆ្នាំ២០២៣ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន និង ឯកឧត្តម នាយឧត្តមសេនីយ៍ សៅ សុខា បានអញ្ជើញដឹកនាំប្រតិភូអញ្ជើញទៅប្រទេសវៀតណាម ដើម្បីចូលរួមជាអធិបតីក្នុងការប្រកួតបាល់ទះមិត្តភាពរវាងអគ្គស្នងការនគរបាលជាតិ ជាមួយក្រសួងនគរបាលវៀតណាម និងការប្រកួតបាល់ទាត់មិត្តភាពរវាងកងរាជអាវុធហត្ថលើផ្ទៃប្រទេស ជាមួយក្រសួងនគរបាលវៀតណាម។