ព្រៃវែង៖ នៅព្រឹកថ្ងៃទី០៥  ខែមករា ឆ្នាំ២០២៣ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង អញ្ជើញដឹកនាំអញ្ជើញជូនពរ បុណ្យចូលឆ្នំាប្រពៃណីជាតិវៀតណាម នៅសាលមហោស្រប ខេត្តតៃនិញ នៃសាធារណៈរដ្ឋសង្គមនិយមវៀតណាម នៅក្នុងពេលនោះដែរ លោកឧត្តមសេនីយ៍ មេបញ្ជាការ កងរាជអាវុធហត្ថខេត្ត បានជូនពរ និងជូនកាដូរ ដល់លោកមេបញ្ជាការយោធាខេត្ត មេបញ្ជាការ កងទ័ពការពារព្រំដែនខេត្ត និងលោកស្នងការនគរបាលខេត្តតៃនិញ  ។

កណ្តាល៖ រសៀលថ្ងៃទី០៦ ខែមករា ឆ្នាំ២០២៣ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំប្រជុំពិភាក្សាណែនាំពង្រឹងបន្ថែម ត្រួតពិនិត្យ អនុវត្តទទួលខុសត្រូវ ដល់ក្រុមការងារជ្រើសរើសយោធិន នៃកងរាជអាវុធហត្ថ ខេត្តកណ្តាល បានចែកពាក្យជូនដល់ យុវជន សិស្ស និស្សិត ដែលមានបំណងចង់មកចុះឈ្មោះដាក់ពាក្សក្នុងការជ្រើសរើសយោធិន នៃកងរាជអាវុធហត្ថ ដើម្បីចូលបម្រើក្នុងកងរាជអាវុធហត្ថ បំពេញឲ្យក្របខ័ណ្ឌ កងរាជអាវុធហត្ថលើផ្ទៃប្រទេស នៅសាលប្រជុំទីបញ្ជាការដ្ឋាន កងរាជអាវុធហត្ថ ខេត្តកណ្តាល ។

ភ្នំពេញ៖ នៅរសៀលថ្ងៃព្រហស្បតិ៍ ទី០៥ ខែមករា ឆ្នាំ២០២៣ លោក ឧត្តមសេនីយ៍ទោ តាត ចន្ថា នាយកវិទ្យាស្ថានកង រាជអាវុធហត្ថ(កំបូល) នៃបញ្ជាការដ្ឋានកងរាជអាវុធហត្ថលើផ្ទៃប្រទេសបាន ដឹកនាំសិក្ខាកាមវគ្គវិក្រឹតការបញ្ជាការសេនាធិការកងរាជអាវុធហត្ថ និងវគ្គវិក្រឹតកងអនុសេនាធំ វរសេនាតូច មូលដ្ឋានកងរាជអាវុធហត្ថខណ្ឌ ក្រុង ស្រុក មានការចូលរួមអមដំណើរដោយប្រធានមន្ទីរ នាយក្រុមយោធាចារ្យ គ្រូគ្រប់គ្រងសរុបចំនួន១១៩នាក់ ទៅធ្វើទស្សនកិច្ចសិក្សានៅ អគ្គនាយកដ្ឋានគយ និងរដ្ឋាករកម្ពុជា និងសាលាជាតិគយ ដោយមានការទទួលស្វាគមន៍យ៉ាងកក់ក្ដៅពីសំណាក់ លោក វ៉ូ វណ្ណា ប្រធាននាយកដ្ឋានហិរញ្ញវត្ថុ…

កំពង់ស្ពឺ៖ ព្រឹកថ្ងៃទី០៦ ខែមករា ឆ្នាំ២០២៣ លោក វរសេនីយ៍ឯក ចាន់ ដា មេបញ្ជាការរង នាយសេនាធិការ បានដឹកនាំកិច្ចប្រជុំផ្សព្វផ្សាយផែនការការពារសន្តិសុខ រក្សាសុវត្ថិភាព និងសណ្ដាប់ធ្នាប់ ក្នុងពិធីបុណ្យខួបអនុស្សាវរីយ៍ លើកទី៤៤ នៃទិវាជ័យជំនះ៧មករា នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ ។

កំពង់ឆ្នាំង៖ រសៀលថ្ងៃព្រហស្បតិ៍ ទី០៥ ខែមករា ឆ្នាំ២០២៣ នៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ឆ្នាំង លោក វរសេនីយ៍ឯក មាស សុន នាយសេនាធិការ កងរាជអាវុធហត្ថខេត្តកំពង់ឆ្នាំង បានអញ្ជើញបើកកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថខេត្តដោយមានការអញ្ជើញចូលរួមពីសំណាក់ លោកប្រធានមន្ទីរ នាយការិយាល័យពាក់ព័ន្ធ មេបញ្ជាការតាមបណ្តាក្រុង-ស្រុក និងប្រធានស្នាក់ការសន្តិសុខ។

ភ្នំពេញ៖ ព្រឹកថ្ងៃទី០៥ ខែមករា ឆ្នាំ២០២៣ ឯកឧត្តម ង៉ឺយ ធឿន នាយករង សាលាភូមិន្ទរដ្ឋបាល បានធ្វើបទបង្ហាញស្តីអំពី រដ្ឋបាលសាធារណៈ សាលាភូមិន្ទរដ្ឋបាល ដល់សិក្ខាកាមវគ្គវិក្រឹតការបញ្ជាការសេនាធិការកងរាជអាវុធហត្ថ និងវគ្គវិក្រឹតការថ្នាក់កងអនុសេនាធំ វរសេនាតូច មូលដ្ឋានកងរាជអាវុធហត្ថខណ្ឌ-ក្រុង-ស្រុក សិក្ខាកាមចូលរួមសរុបចំនួន១១៤នាក់។

កំពង់ឆ្នាំង៖ ព្រឹកថ្ងៃទី០៥ ខែមករា ឆ្នាំ២០២៣ នៅសាលប្រជុំអគារសេនាធិការដ្ឋាន កងរាជអាវុធហត្ថខេត្តកំពង់ឆ្នាំង លោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្ត បានអញ្ជើញដឹកនាំសមាសភាពក្រុមការងារជ្រើសរើសយោធិននៃកងរាជអាវុធហត្ថខេត្តកំពង់ឆ្នាំង ប្រជុំណែនាំការងារជ្រើសរើសយោធិន នៃកងរាជអាវុធហត្ថខេត្តកំពង់ឆ្នាំង។

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ព្រឹកថ្ងៃសុក្រ ទី០៦ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញដឹកនាំប្រជុំជួរបញ្ជាការ ស្តីពីការស្នើសុំតែងតាំងផ្លាស់ប្តូរមុខតំណែង និងតំឡើងឋានន្តរសក្តិ, ការងារសោធននិវត្តន៍ឆ្នាំ២០២៣, ការងារជ្រើសរើសយោធិននៃកងរាជអាវុធហត្ថឆ្នាំ២០២៣  ដោយមានការអញ្ជើញចូលរួមពីលោក លោកស្រី មេបញ្ជាការរង ស្នងការ នាយ-នាយរងការិយាល័យដែលមានការពាក់ព័ន្ធ។

ស្វាយរៀង៖ ព្រឹកថ្ងៃព្រហស្បតិ៍ ទី០៥ ខែមករា ឆ្នាំ២០២២ នៅបញ្ជាការដ្ឋានកងរាជអាវុធហត្ថខេត្តស្វាយរៀង លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តបានអញ្ជើញជាអធិបតីភាព ក្នុងពិធីប្រកាសផ្លាស់ប្តូរមុខតំណែង បំពាក់ឋានន្តរសក្តិនិងប្រគល់ប័ណ្ណសរសើរ លិខិតសរសើរជូនដល់យោធិននៃកងរាជអាវុធហត្ថខេត្តស្វាយរៀង ដោយមានការចូលរួមពីលោក លោកស្រីមេបញ្ជាការរង នាយសេនាធិការ នាយរងសេនាធិការ ប្រធានមន្ទីរ នាយការិយល័យ មេបញ្ជាការមូលដ្ឋាន កងរាជអាវុធហត្ថក្រុងស្រុក ព្រមទាំងនាយ នាយរងអាវុធហត្ថខេត្តដែលមានការពាក់ព័ន្ធ។