កោះកុង៖ រសៀលថ្ងៃទី២៧ ខែធ្នូ ឆ្នាំ២០២២ នៅសាលប្រជុំលេខាធិការដ្ឋានកងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការ កងរាជអាំវុធហត្ថខេត្ត បានដឹកនាំប្រជុំផ្សព្វផ្សាយលទ្ធផលកិច្ចប្រជុំគណៈកម្មការជាតិទប់ស្កាត់និងបង្ក្រាបបទល្មើសធនធានធម្មជាតិនៅកងរាជអាវុធហត្ថលើផ្ទៃប្រទេស, ដាក់ផែនការឲ្យជំនាញកសាងផែនការការពាររក្សាសណ្ដាប់ធ្នាប់ ក្នុងពិធីបុណ្យចូលឆ្នាំសកល ២០២២-២០២៣ ខាងមុខ និងធ្វើផែនការការពារសន្តិសុខ សុវត្ថិភាព ជូនថ្នាក់ដឹកនាំ ។ កិច្ចប្រជុំនេះមានសមាសភាពចូលរួមមេបញ្ជាការរង នាយសេនាធិការ (ស្ដីទី) ប្រធានមន្ទីរទាំង៧ និងការិយាល័យពាក់ព័ន្ធ។

កំពត៖ រសៀលថ្ងៃទី២៧ ខែធ្នូ ឆ្នាំ២០២២ នៅបញ្ជាការដ្ឋាន កងរាជអាវុធហត្ថខេត្តកំពត បានប្រជុំផ្សព្វផ្សាយផែនការការពារសន្តិសុខ រក្សាសុវត្តិភាព ជូនថ្នាក់ដឹកនាំ ក្រោមអធិបតីភាពលោក ឧត្ដមសេនីយ៍ត្រីចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្ត ដោយមានការអញ្ជើញចូលរួមពីសំណាក់លោកមេបញ្ជាការរង នាយសេនាធិការរង ប្រធាន-អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង-ស្រុក។

ភ្នំពេញ៖ រសៀលថ្ងៃទី២៧ ខែធ្នូ ឆ្នាំ២០២២ លោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស ធ្វើបទបង្ហាញអំពីក្រមសីលធម៌សម្រាប់មន្រ្តីប្រតិបត្តិច្បាប់ ដល់សិក្ខាកាមវគ្គវិក្រឹតការបញ្ជាការសេនាធិការកងរាជអាវុធហត្ថ និងវគ្គវិក្រឹតការថ្នាក់កងអនុសេនាធំ វរសេនាតូច មូលដ្ឋានកងរាជអាវុធហត្ថខណ្ឌ-ក្រុង-ស្រុក ដែលមានសិក្ខាកាមចំនួន១០៤នាក់។

តាកែវ៖ រសៀលថ្ងៃទី២៧ ខែធ្នូ ឆ្នាំ២០២២ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការ ដើម្បីត្រួតពិនិត្យការអនុវត្តតួនាទីភារកិច្ច ដោយមានសមាសភាពចូលរួមមានមេបញ្ជាការរង នាយសេនាធិការរង ប្រធានមន្ទីរទាំង៧ និងនាយការិយាល័យ ដែលពាក់ព័ន្ធ។

កែប៖ នៅថ្ងៃទី២៦ ខែធ្នូ ឆ្នាំ២០២២ លោក វរសេនីយ៍ឯក សេស សុផល មេបញ្ជាការរង កងរាជអាវុធហត្ថខេត្តកែប តំណាងលោក ឧត្តមសេនីយ៍ត្រី ហ៊ត សីហា មេបញ្ជាការកងរាជអាវុធហត្ថ ខេត្តកែប បានអញ្ជើញដឹកនាំប្រជុំផ្សព្វផ្សាយផែនការ ការពារសន្តិសុខ សណ្តាប់ធ្នាប់ ដោយមានការចូលរួមពីនាយ នាយរងអាវុធហត្ថខេត្តដែលមានការពាក់ព័ន្ធ។

រសៀលថ្ងៃទី២៦ ខែធ្នូ ឆ្នាំ២០២២ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកងនាំកិច្ចប្រជុំជួរបញ្ជាការ កងរាជឣាវុធហត្ថខេត្តកំពង់ស្ពឺ ធ្វើឡើនៅសាលប្រជុំបញ្ជាការដ្ឋានកងរាជឣាវុធហត្ថខេត្តកំពង់ស្ពឺ ។

ត្បូងឃ្មុំ៖ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ ថ្ងៃទី២៦ ខែធ្នូ ឆ្នាំ២០២២ លោក វរសេនីយ៍ឯក ពៅ គឹមហាន មេបញ្ជាការរង ទទួលការងារភស្តុភារ តំណាងលោក ឧត្ដមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ បានសំណេះសំណាល និងបើកចែកម៉ាស់ ជែល ថ្នាំចិន និងគ្រឿងបរិក្ខារមួយចំនួនទៀតជូនដល់នាយ នាយរងអាវុធហត្ថខេត្ត។

ភ្នំពេញ៖ នៅវិមានឈ្នះ ឈ្នះ ស្ថិតនៅខណ្ឌជ្រោយចង្វា រាជធានីភ្នំពេញ រសៀលថ្ងៃពុធ ទី២៨ ខែធ្នូ ឆ្នាំ២០២២ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យការរៀបចំតាំងពិព័រណ៍របស់កងរាជអាវុធហត្ថ និងការរៀបចំប្រគុំតន្ត្រីដើម្បីអបអរសាទរខួបលើកទី២៤ឆ្នាំ នៃទិវានយោបាយឈ្នះ ឈ្នះ និងខួប ៤ឆ្នាំវិមានឈ្នះ ឈ្នះ និងពិព័រណ៍តំបន់ប្រវត្តិសាស្ត្រយោធាតេជោកោះថ្មអ៊ិច១៦។

ភ្នំពេញ៖ ថ្ងៃពុធ ទី២៨ ខែធ្នូ ឆ្នាំ២០២២ នៅការិយាល័យហិរញ្ញវត្ថុ កងរាជអាវុធហត្ថលើផ្ទៃប្រទេស លោក​ ឧត្តមសេនីយ៍ទោ វ៉ា ស៊ិនភីរម្យ នាយការិយាល័យហិរញ្ញវត្ថុកងរាជអាវុធហត្ថលើផ្ទៃប្រទេស បានធ្វើការប្រជុំត្រួតពិនិត្យការអនុវត្តតួនាទីភារកិច្ច ការងារជំនាញហិរញ្ញវត្ថុទូទាំងរាជធានី-ខេត្ត ប្រចាំឆ្នាំ២០២២ ទិសដៅបន្តឆ្នាំ២០២៣ និងបំពាក់ឋានន្តរសក្តិជូនយោធិននៃកងរាជអាវុធហត្ថចំណុះការិយាល័យ និងបើកប្រាក់បៀវត្សរ៍ និង ចំណាយផ្សេងៗប្រចាំខែធ្នូ ឆ្នាំ២០២២ ដល់ជំនាញហិរញ្ញវត្ថុ តាមបណ្តាអង្គភាពរាជធានី-ខេត្ត, វិទ្យាស្ថានកងរាជអាវុធហត្ថកំបូល ,មជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំរីករាយ និង បណ្តាកងអន្តរាគមន៍ ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេសទាំងអស់ ។…

បន្ទាយមានជ័យ: នៅព្រឹកថ្ងៃចន្ទ ទី២៦ ខែធ្នូ  ឆ្នាំ ២០២២ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ តំណាងលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាល និងប្រកាសចូលកាន់មុខតំណែងមេបញ្ជាការ មេបញ្ជាការរងមូលដ្ឋានកងរាជអាវុធហត្ថស្រុកមង្គលបូរី ។ ពិធីនេះក៏មានការអញ្ជើញចូលរួម ពីសំណាក់ប្រធានក្រុមប្រឹក្សាស្រុកមង្គលបូរី និងលោក  រ័ត្ន ដាស៊ីណង់ អភិបាលនៃគណៈអភិបាលស្រុកមង្គលបូរី លោក មេបញ្ជាការរងកងរាជអាវុធខេត្ត…