រតនគិរី៖ នៅថ្ងៃសៅរ៍ ទី២១ ខែកញ្ញា ឆ្នាំ២០១៩ កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ខេត្តរតនគិរី ដឹកនាំដោយលោក វរសេនីយ៍ត្រី សុខ មិន មេបញ្ជាការ មូលដ្ឋានកងរាជអាវុធហត្ថស្រុក បានចុះជួយសង្គ្រោះស្ត្រីឈឺពោះឆ្លងទន្លេមានឈ្មោះ សល់ តូ ភេទស្រី អាយុ ១៧ឆ្នាំ ជនជាតិច្រាយ រស់នៅក្នុងភូមិសោមត្រកថ្មី ឃុំសោមធំ ស្រុកអូរយ៉ាដាវ ខេត្តរតនគិរី និងបានបញ្ជូនទៅកាន់មណ្ឌលសុខភាពបង្អែកស្រុកបរកែវ ខេត្តរតនគិរី។

ថ្ងៃទី២០ ខែកញ្ញា ឆ្នាំ២០១៩ ខ្ញុំបាទឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមជម្រាបជូនសាធារណជនជ្រាបអំពីព័ត៌មានលើករណីជម្លោះរវាងមេបញ្ជាការ និងមេបញ្ជាការរងមូលដ្ឋានកងរាជអាវុធហត្ថស្រុកសំឡូត ខេត្តបាត់ដំបង។ ដំណើររឿងគឺមិនពិតដូចសារព័ត៌មានមួយចំនួនបានផ្សព្វផ្សាយកន្លងទៅនោះទេ។ យោងតាមការរាយការណ៍របស់លោកឧត្តមសេនីយ៍ត្រី មាស សុវណ្ណ មេបញ្ជាការខេត្តបាត់ដំបង គឹរឿងនេះកើតឡើងដោយសារលោកអនុសេនីយ៍ឯក ឈឿង សុផាត បានប្រព្រឹត្តឱ្យមានកំហុស និងល្មើសវិន័យកងទ័ព ហើយលោកវរសេនីយ៍ត្រី ជួប ណូ បានសួរនាំអំពីកំហុសនោះ បែរជាលោកអនុសេនីយ៍ឯក ឈឿង សុផាត ចូលទៅវ៉ៃលោកវរសេនីយ៍ត្រី ជួប ណូ…

ជំរាយ៖ នៅថ្ងៃសុក្រ ទី២០ ខែកញ្ញា​ ឆ្នាំ២០១៩ លោក ឧត្តមសេនីយ៍ត្រី ហែម វុទ្ធី នាយកមជ្ឈមណ្ឌលហ្វឹកហ្វឹនកងរាជអាវុធហត្ថ(ភ្នំជំរាយ) បានផ្សព្វផ្សាយសេចក្តីណែនាំ និងបទបញ្ជារបស់ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ​មេបញ្ជាការ កងរាជអាវុធហត្ថលើផ្ទៃប្រទេស ដែលមានសមាសភាពចូលរួមពីសំណាក់ នាយករង ប្រធានមន្ទីរ នាយការិយាល័យ យោធាចារ្យ នាយទាហាន នាយទាហានរង និងសិក្ខាកាមជាច្រេីនរូបផងដែរល។

កណ្តាល៖ ថ្ងៃទី១៧ ខែកញ្ញា ឆ្នាំ២០១៩ កម្លាំងកងរាជអាវុធហត្ថស្រុកល្វាឯម បន្ទាប់ពីទទួលបានព័ត៌មានពីប្រជាពលរដ្ឋមានករណីប្រើប្រាស់ជួញដូរដោយខុសច្បាប់នូវសារធាតុគ្រឿងញៀន នៅចំណុចក្នុងភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោកឧត្តមសេនីយ៍ សំ តុលា មេបញ្ជាការខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០៣នាក់ៈ ១-ឈ្មោះ ម៉ាក់ សំរិទ្ធ ហៅ ដុលភេទប្រុស អាយុ២៩ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។…

កំពត៖ ព្រឹកថ្ងៃព្រហស្បតិ៍ ទី១៩ ខែកញ្ញា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តកំពតបានប្រជុំត្រួតពិនិត្យចំនួនទ័ពកូន មធ្យោបាយគ្រឿងបំពាក់ យោធបរិក្ខារ ត្រៀមអន្តរាគមន៍អនុវត្តដីការតុលាការ ក្រោមអធិបតីភាពលោក ឧត្ដមសេនីយ៍ទោ ជួន ជឿន ស្នងការ ស្នងការដ្ឋានសម្ភារៈបច្ចេកទេស កងរាជអាវុធហត្ថលើផ្ទៃប្រទេស សមាសភាពចូលរួមពីលោកឧត្តមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តកំពត មេបញ្ជាការរង នាយរងសេនាធិការ ប្រធាន-អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង-ស្រុក ស្នាក់ការសន្តិសុខ នាយទាហាន,នាយទាហានរងចំណុះបញ្ជាការដ្ឋានកងរាជអាវុធហត្ថខេត្តជាច្រើនរូបទៀត។

រតនគិរី៖ ព្រឹកថ្ងៃព្រហស្បតិ៍ ទី១៩ ខែកញ្ញា ឆ្នាំ២០១៩ លោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញជាអធិបតីក្នុងកិច្ចប្រជុំត្រួតពិនិត្យការងារអនុវត្តតួនាទី ភារកិច្ចនិងការងារកងរាជអាវុធហត្ថរយៈពេល ៩ខែ ឆ្នាំ២០១៩ និងទិសដៅបន្ត។ កិច្ចប្រជុំនេះដោយមានការ អញ្ជើញចូលរួមពីលោក មេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយសល័យ មេបញ្ជាការ មេបញ្ជាការរងក្រុង-ស្រុក និងប្រធានស្នាក់ការសន្តិសុខជាច្រើនរូបទៀត។

ឧត្តរមានជ័យ៖ ថ្ងៃពុធ ទី១៨ ខែកញ្ញា ឆ្នាំ២០១៩ កម្លាំងមូលដ្ឋាន កងរាអាវុធហត្ថស្រុកអន្លង់វែង ដឹកនាំដោយ លោក អនុសេនីយ៍ទោ ហេង ធី មេបញ្ជាការរងស្រុក សហការជាមួយ រដ្ឋបាលព្រៃឈើ ស្រុកអន្លង់វែង ចុះចាប់ឈើនៅចំណុចភូមិទួលទ្រាស ឃុំលំទង ស្រុកអន្លង់វែង ខេត្តឧត្តរមានជ័យ ដែលឈ្មួញដឹកមកទំលាក់ចោល នៅរបងវត្តទួលទ្រាសមានជ័យ លទ្ធផលរឹបអូសឈើអារប្រភេទលេខ២ ( ឈើទាល) ចំនួន៨ដុំ ស្មើ ១,២២៦១ ម៉ែត្រត្រីគុណ បច្ចុប្បន្នត្រូវបានរក្សាទុកនៅសង្កាត់រដ្ឋបាលព្រៃឈើស្រុកអន្លង់វែង។

កំពង់ស្ពឺ៖ ព្រឹកថ្ងៃទី១៦ ខែកញ្ញា ឆ្នាំ២០១៩ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំកិច្ចប្រជុំផ្សព្វផ្សាយផែនការ ដោយមានការអញ្ជើញចូលរួមពីលោក មេបញ្ជារង នាយរងសេនាធិការ ប្រធាន-អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង-ស្រុក ប្រធានស្នាក់សន្តិសុខ នាយទាហាន នាយទាហានរង ចំណុះបញ្ជាការដ្ឋានកងរាជអាវុធហត្ថខេត្តជាច្រើនរូបទៀត។ ក្នុងកិច្ចប្រជុំគឺផ្សព្វផ្សាយបទបញ្ជាស្តីពីការគ្រប់គ្រងអាវុធជាតិផ្ទុះគ្រប់ប្រភេទក្នុងកងរាជអាវុធហត្ថ, ផ្សព្វផ្សាយបទបញ្ជាស្តីពីការគ្រប់គ្រងកម្លាំង មធ្យោបាយ គ្រឿងបំពាក់ និងយោធបរិក្ខារ របស់កងរាជអាវុធហត្ថ, ផ្សព្វផ្សាយសេចក្តីណែនាំស្តីពីការប្រើប្រាស់ឯកសណ្ឋាន ស្លាកសញ្ញា…