កំពង់ឆ្នាំង៖ នៅព្រឹកថ្ងៃអង្គារ ទី២៨ ខែមករា ឆ្នាំ២០២០ លោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្ត បានអញ្ជើញចូលរួមពិធីផ្សព្វផ្សាយការងារបង្ការ ទប់ស្កាត់ ការរីករាលដាលនៃវីរុសផ្លូវដង្ហើមថ្មីកូរ៉ូណា ដែលមានប្រភពមកពីទីក្រុងហ្វូហាន ប្រទេសចិន ។ ក្រោយពីបានធ្វើការផ្សព្វផ្សាយចប់ កម្លាំងក៏បានធ្វើពលកម្ម និងអនាម័យ បោសសំអាត បរិវេណនៃទីបញ្ជាការខេត្ត ដោយមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ តាមបណ្តាមូលដ្ឋាន ក្រុង-ស្រុក…

សៀមរាប៖ នៅរសៀលថ្ងៃចន្ទ ទី២៧ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តសៀមរាប លោក វរសេនីយ៍ឯក សូ ឆៃលី មេបញ្ជាការរង និងជានាយសេនាធិការស្តី បានអនុវត្តបទបញ្ជាធ្វើការផ្សព្វផ្សាយអំពីការពារការចម្លងមេរោគផ្សេងៗតាមផ្លូវដង្ហើម បន្ទាប់ពីមានការឆ្លងរាលដាលនៃវីរុសកូរ៉ូណាថ្មី ដែលជំងឺផ្លូវដង្ហើមនេះ បានឆ្លងរាលដាលដល់បណ្តាប្រទេសជាង១០ហើយ នៅលើពិភពលោក ហើយបន្ទាប់ពីការផ្សព្វផ្សាយបានចប់មក ក៏បានធ្វើពលកម្ម បោសសំអាត បរិវេណនៃទីបញ្ជាការខេត្ត ផងដែរ។

កំពង់ស្ពឺ៖ នៅរសៀលថ្ងៃទី២៧ ខែមករា ឆ្នាំ២០២០ លោក ឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ បានដឹកនាំកិច្ចប្រជុំផ្សព្វផ្សាយបទបញ្ជា និងផ្សព្វផ្សាយផែនការ ការពារសន្តិសុខ សណ្តាប់ធ្នាប់ ដោយមានការចូលរួមពីមេបញ្ជាការរង នាយរងសេនាធិការ អនុប្រធានមន្ទីរ នាយការិយាល័យ មេបញ្ជាការក្រុង/ស្រុក នាយទាហាន នាយទាហានរង ចំណុះបញ្ជាការដ្ឋានជាច្រើនរូបទៀត។

ភ្នំពេញ៖ នៅរសៀលថ្ងៃចន្ទ ទី២៧ ខែមករា ឆ្នាំ២០២០នេះ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាព ក្នុងពិធីបិទកិច្ចប្រជុំបូកសរុបលទ្ធផលការងារ កងរាជអាវុធហត្ថឆ្នាំ២០១៩ ទិសដៅឆ្នាំ២០២០។ កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងមន្ត្រីស្ថាប័នពាក់ព័ន្ធចំណុះសាលារាជធានីភ្នំពេញ, លោក ឧត្តមសេនីយ៍ឯក មេបញ្ជាការងកងរាជអាវុធហត្ថលើផ្ទៃប្រទេស ស្នងការ ព្រមទាំងនាយអាវុធហត្ថដែលមានការពាក់ព័ន្ធជាច្រើនរូបទៀត។

កំពង់ចាម៖ នៅវេលាម៉ោង ១១ និង ១៥នាទី ថ្ងៃទី២២ ខែមករា ឆ្នាំ២០២០ នៅចំណុចផ្ទះសំណាក់រតនៈ ស្ថិតនៅភូមិទី១៤ សង្កាត់កំពង់ចាម ក្រុងកំពង់ចាម ខេត្តកំពង់ចាម កម្លាំងអាវុធហត្ថខេត្តកំពង់ចាមសហការជាមួយកម្លាំងមូលដ្ឋាន កងរាជអាវុធហត្ថក្រុងកំពង់ចាម ចុះបង្ក្រាបករណីគ្រឿងញៀន ដោយឃាត់ខ្លួនជនសង្ស័យចំនួន ០៤នាក់ និងដកហូវត្ថុតាងទូរស័ព្ទដៃចំនួន ០៤គ្រឿង និងសម្ភារៈសម្រាប់ប្រើប្រាស់គ្រឿងញៀមួយចំនួន។ បច្ចុប្បន្នជនសង្ស័យ និងវត្ថុតាងជំនាញអាវុធហត្ថខេត្តបានកសាងសំណុំរឿងបញ្ជូនទៅអយ្យការអមសាលាដំបូងខេត្ត។

ព្រះសីហនុ៖ វេលាម៉ោង ១៤:០០នាទី រសៀលថ្ងៃទី២៥ ខែមករា ឆ្នាំ២០២០នេះ កម្លាំងការិយាល័យបទល្មើសគ្រឿងញៀន មន្ទីរយុត្តិធម៌ កងរាជអាវុធហត្ថខេត្តព្រះសីហនុ បានបញ្ជូនជនសង្ស័យប្រុស ស្រី ចំនួន ០៤នាក់ រួមនឹងវត្ថុតាង ទៅអយ្យការអមសាលាដំបូង ខេត្តព្រះសីហនុ ពាក់ព័ន្ធករណីរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន ដែលកម្លាំងបានបង្រ្កាបនៅវេលាម៉ោង ១០:៣០នាទី ថ្ងៃទី២៤ ខែមករា ឆ្នាំ២០២០ ចំណុចក្រុមទី៨ ភូមិ៣ សង្កាត់៤ ក្រុងព្រះសីហនុ។ ជនសង្ស័យមានឈ្មោះ ស្រ៊ុន…

ភ្នំពេញ៖ នៅរសៀលថ្ងៃសុក្រ ទី២៤ ខែមករា ឆ្នាំ២០២០ លោក ឧត្តមសេនីយ៍ទោ តាត ចន្ថា នាយកវិទ្យាស្ថាន កងរាជអាវុធហត្ថ(កំបូល)នៃបញ្ជាការដ្ឋាន កងរាជអាវុធហ្ថលើផ្ទៃប្រទេស បានដឹកនាំសិក្ខាកាមវគ្គមន្ត្រីនគរបាលយុត្តិធម៌ជំនាន់ទី២៤ ធ្វើទស្សនកិច្ចសិក្សានៅវិមានឈ្នះ ឈ្នះ ដើម្បីស្វែងយល់អំពីប្រវត្តិតស៊ូដ៏អង់អាចក្លាហានរបស់ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលមាននាំមកនូវសុខសន្តិភាព ស្ថិរភាពនយោបាយ និងការអភិវឌ្ឍន៍។ ទន្ទឹមនឹងនេះសិក្ខាកាមក៏បានសិក្សា និងយល់ដឹងបន្ថែមអំពីការអនុវត្តនយោបាយ ឈ្នះ ឈ្នះ របស់សម្តេចតេជោផងដែរ។

បាត់ដំបង៖ ប្រជាពលរដ្ឋឈ្មោះ ឌី ស៊ាន ភេទប្រុស អាយុ ២៨ឆ្នាំ រស់នៅភូមិអន្លង់វិល ឃុំអន្លង់វិល ចាប់បានពស់ថ្លាន់ចំនួន ០២ក្បាល (ញីឈ្មោល) ដែលមានទម្ងន់ ២៣គីឡូក្រាម នឹងយកមកប្រគល់ជូនដល់កម្លាំងអាវុធហត្ថស្រុកសង្កែ។ ថ្ងៃសៅរ៍ ទី២៥ ខែមករា ឆ្នាំ២០២០នេះ ក្រោយពីទទួលបានបទបញ្ជា ពីសំណាក់លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង កម្លាំងមូលដ្ឋាន កងរាជអាវុធហត្ថស្រុកសង្កែ បានប្រគល់សត្វពស់ទាំងពីរក្បាលនេះជូននាយសង្កាត់រដ្ឋបាលព្រៃឈើស្រុកសង្កែ។