បាត់ដំបង៖ នៅវេលាម៉ោង ១៩ និង ៣០នាទីថ្ងៃទី២៨ ខែមករា ឆ្នាំ២០២០ កម្លាំងអាវុធហត្ថចេញល្បាត បានប្រទះឃើញមុខសញ្ញាចែកចាយគ្រឿងញៀនម្នាក់ និងបានធ្វើការឆែកឆេខ្លួនឃើញមានថ្នាំពណ៌សថ្លាចំនួន ០៩ កញ្ចប់ ដែកកេះ និងបំពង់ជក់ផងដែរ ជនសង្ស័សរស់នៅភូមិ០៤ សង្កាត់សាយសិន ក្រុងសេរីសោភ័ណ្ឌ ខេត្តបន្ទាយមានជ័យ។ បច្ចុប្បន្នកម្លាំងជំនាញកំពុងបន្តនីតិវិធី។

រតនគិរី៖ នៅវេលាម៉ោង ១៣ និង ៣០នាទី ថ្ងៃអង្គារ ទី២៨ ខែមករា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ដឹកនាំដោយលោក វរសេនីយ៍ត្រី សុខ មីន មេបញ្ចាការ មូលដ្ឋាន កងរាជអាវុធហត្ថស្រុក បានចុះបង្រ្កាបបទល្មើសព្រៃឈើនៅខាងក្រោយកាស៊ីណូលោកឧកញ៉ា ទ្រីភាព ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ និងដោយមានការសម្របសម្រួលនីតិវិធីពីលោកព្រះរាជអាជ្ញារង រ៉ាបូ រ៉ាន់ឌី កម្លាំងបានប្រទះឃើញម៉ូតូដឹកឈើចំនួន ៥គ្រឿង តែបានទំលាក់ឈើចោលចំនួន ៤គ្រឿងហើយបើករត់គេចខ្លួនបាត់…

ព្រះសីហនុ៖ នៅវេលាម៉ោង ១៤:០០នាទី ថ្ងៃទី២៨ ខែមករា ឆ្នាំ២០២០ កម្លាំងការិយាល័យបទល្មើសព្រហ្មទណ្ឌ មន្ទីរយុត្តិធម៌ កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យ ចំនួន ០២នាក់ ទៅអយ្យការអមសាលាដំបូងខេត្តព្រះសីហនុ ពាក់ព័ន្ធករណីលួច ប្រព្រឹត្តិនៅចំណុចភ្នំ៩៦ ស្ថិតក្នុងភូមិ៥ សង្កាត់លេខ១ ក្រុងព្រះសីហនុ។ សមត្ថកិច្ចបានឃាត់ខ្លួនជនសង្ស័យទាំង០២នាក់ យោងតាមបណ្តឹងរបស់ឈ្មោះ ខឹម ចន្ថា ភេទប្រុស អាយុ ៤១ឆ្នាំ ជនជាតិខ្មែរ មុខរបរ មេការ បច្ចុប្បន្នស្នាក់នៅកន្លែងកើតហេតុ។ កម្លាំងបានដកហូតវត្ថុតាងមានម៉ូតូចំនួន…

ប៉ៃលិន៖ នៅព្រឹកថ្ងៃអង្គារ ទី២៩ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តប៉ៃលិន លោក វរសេនីយ៍ត្រី យឹម យ៉េន តំណាងលោក ឧត្ដមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន បានប្រជុំជួរផ្សព្វផ្សាយអំពីជំងឺឆ្លងថ្មី (មេរោគកូរ៉ូណា) ដល់សិក្ខាកាម នៃកងរាជអាវុធហត្ថខេត្តប៉ៃលិន និងណែនាំបានជ្រួលជ្រាបដល់ក្រុមគ្រួសារឱ្យយល់អំពីគ្រោះថ្នាក់ ភាពកាចសាហាវ និងការចម្លងមេរោគនេះ ក្រោយពីបានធ្វើការផ្សព្វផ្សាយចប់ កម្លាំងក៏បានធ្វើពលកម្ម និងអនាម័យបោសសំអាត បរិវេណទីបញ្ជាការផងដែរ។

ស្ទឹងត្រែង៖ នៅព្រឹកថ្ងៃអង្គារ ទី២៨ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តស្ទឹងត្រែង លោក ឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង បានធ្វើការផ្សព្វផ្សាយការងារបង្ការ ទប់ស្កាត់ ការរីករាលដាលនៃវីរុសផ្លូវដង្ហើមថ្មី (កូរ៉ូណា) ដែលមានប្រភពមកពីទីក្រុងហ្វូហាន ប្រទេសចិន ដើម្បីឱ្យនាយ នាយរងអាវុធហត្ថទាំងអស់យល់ជ្រួតជ្រាប និងវិធីបង្ការការឆ្លងជំងឺផ្សេងៗតាមផ្លូវដង្ហើម ក្រោយពីបានធ្វើការផ្សព្វផ្សាយចប់ កម្លាំងក៏បានធ្វើពលកម្ម និងអនាម័យបោសសំអាត បរិវេណទីបញ្ជាការផងដែរ។

ភ្នំពេញ៖ នៅព្រឹកថ្ងៃអង្គារ ទី២៨ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ អ៊ុង សារ៉ាន់ នាយរងសេនាធិការ កងរាជអាវុធហត្ថលើផ្ទៃប្រទេស បានធ្វើការផ្សព្វផ្សាយការងារបង្ការ ទប់ស្កាត់ ការរីករាលដាលនៃវីរុសផ្លូវដង្ហើមថ្មី (កូរ៉ូណា) ដែលមានប្រភពមកពីទីក្រុងហ្វូហាន ប្រទេសចិន ដើម្បីឱ្យនាយ នាយរងអាវុធហត្ថទាំងអស់យល់ជ្រួតជ្រាប និងវិធីបង្ការការឆ្លងជំងឺផ្សេងៗតាមផ្លូវដង្ហើមផងដែរ។

ភ្នំពេញ៖ ព្រឹកថ្ងៃពុធ ទី២៩ ខែមករា ឆ្នាំ២០២០ នៅសាលប្រតិបត្តិការ អគារសេនាធិការដ្ឋាន បញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ ស សំបូរធន នាយសេនាធិការកងរាជហត្ថលើផ្ទៃប្រទេស បានអញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថប្រចាំសប្ដាហ៍ទី៤ ខែមករា ឆ្នាំ២០២០ ដោយមានការអញ្ជើញចូលរួមពីសំណាក់ លោក នាយរងសេនាធិការ ស្នងការ ស្នងការរង នាយករងមជ្ឈមណ្ឌល នាយរងសាលា នាយការិយាល័យ វរអន្តរាគមន៍ មេបញ្ជាការរង កងរាជអាវុធហត្ថរាជធានីខេត្ត ព្រមទាំងនាយ…