កំពង់ធំ៖ នៅរសៀលថ្ងៃអង្គារ ទី៣១ ខែមីនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ធំបានធ្វើពិធីផ្សព្វផ្សាយអនុសាសន៍ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងសន្និសីទសារព័ត៌មានថ្ងៃទី៣០ ខែមីនា ឆ្នាំ២០២០ ក្រោមអធិបតីភាពលោក ឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្តកំពង់ធំ ដោយមានការចូលរួមពីសំណាក់លោក លោកស្រី មេបញ្ជាការរង កងរាជអាវុធហត្ថខេត្ត និងនាយទាហាន នាយទាហានរងនៃកងរាជអាវុធហត្តខេត្តកំពង់ធំជាច្រើនរូបទៀត។

បន្ទាយមានជ័យ៖ ក្រោយពីទទួលបានព័ត៌មានពីប្រជាពលរដ្ឋថា មានក្មេងស្ទាវចំនួនពីរក្រុមធ្វើសកម្មភាពដេញវាយគ្នាដោយប្រើកាំបិត ដែលបង្ករភាពអសន្តិសុខនៅចំណុចម្ដុំស្រះ១០០ នៅវេលាម៉ោង១ និង៣០នាទីរំលងអាធ្រាត្រ ថ្ងៃទី៣០ ខែមីនា ឆ្នាំ២០២០ ស្ថិតក្នុងភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ ភ្លាមៗនោះកម្លាំងមូលដ្ឋាន កងរាជអាវុធហត្ថក្រុងប៉ោយប៉ែត ដឹកនាំដោយលោក វរសេនីយ៍ត្រី នួន នីណារ៉ូ មេបញ្ជាការមូលដ្ឋាន កងរាជអាវុធហត្ថក្រុងបានចុះប្រតិបត្តិការបង្រ្កាប និងឃាត់ខ្លួនបានជនសង្ស័យចំនួន០៤នាក់ ដកហូតដាវស៊ាំម៉ូរ៉ៃបានចំនួន ០៣ដើម ម៉ូតូចំនួន ០១គ្រឿង, គ្រឿងញៀនមេតំហ្វេតាមីនទឹកកកចំនួន ០២កូនថង់តូច។ បច្ចុប្បន្នជនសង្ស័យត្រូវបាន មន្ត្រីជំនាញកងរាជអាវុធហត្ថខេត្ត កសាងសំណុំរឿងតាមនីតិវិធី។

ពោធិ៍សាត់៖ នៅវេលាម៉ោង ១២​ និង ១៤នាទី ថ្ងៃទី៣១ ខែមីនា ឆ្នាំ២០២០ កម្លាំងអាវុធហត្ថខេត្តពោសាត់ដឹកនាំដោយលោក វរសេនីយ៍ត្រី ចាន់ សុខា មេបញ្ជាការមូលដ្ឋាន កងរាជអាវុធហត្ថស្រុកភ្នំក្រវាញ សហការជាមួយក្រុមចម្រុះ ដោយមានការសម្របសម្រួលពីលោក កូយ កាន់យ៉ា ព្រះរាជអាជ្ញាសាលាដំបូងខេត្ត ចុះបង្ក្រាបបទល្មើសព្រៃឈើនៅចំណុចលេខ (៤១៧៧៣-៦១៨៩៣) ភូមិរវៀង ឃុំសំរោង ស្រុកភ្នំក្រវាញ​ ដោយបានរឹបអូសរថយន្ត(បាកុង)១គ្រឿង ជាមធ្យោបាយដឹកជញ្ជូនផលអនុផលព្រៃឈើ(ម្ចាស់គេចខ្លួន)។ បច្ចុប្បន្នវត្ថុតាងខាងលើដុតកម្ទេចចោលនៅសង្កាត់រដ្ឋបាលព្រៃឈើលាច។

ព្រះវិហារ៖ នៅព្រឹកថ្ងៃអង្គារ ទី៣១ ខែមីនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តព្រះវិហារ បានប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថខែមីនា និងទិសដៅការងារខែមេសា ឆ្នាំ២០២០ និងផ្សព្វផ្សាយប្រសាសន៍ទាំងស្រុងរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រោមអធិបតីភាពលោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ និងមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធានមន្ទីរស្ដីទី នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង-ស្រុក ស្នាក់ការសន្តិសុខ នាយ…

សៀមរាប៖ នៅព្រឹកថ្ងៃអង្គារ ថ្ងៃទី៣១ ខែមីនា ឆ្នាំ២០២០ លោក វរសេនីយ៍ឯក ស៊ិន លី មេបញ្ជាការរង និងជានាយសេនាធិការ បានដឹកនាំមន្ត្រីមន្ទីរ ការិយាល័យពាក់ព័ន្ធ ទទួលក្រុមការងារអធិការកិច្ចក្រសួងការពារជាតិ ដឹកនាំដោយ លោក ឧត្តមសេនីយ៍ទោ ស៊ិន ថារ័ត្ន នាយករង នាយកដ្ឋានអធិការកិច្ចក្រសួងការពារជាតិ ធ្វើការបូកសរុបការងារអធិការកិច្ចប្រចាំឆ្នាំ២០១៩ របស់បញ្ជាការដ្ឋាន កងរាជអាវុធហត្ថខេត្តសៀមរាប។

ស្វាយរៀង៖ ព្រឹកថ្ងៃអង្គារ ទី៣១ ខែមីនា ឆ្នាំ២០២០ នៅសាលប្រជុំ បញ្ជាការដ្ឋាន កងរាជអាវុធហត្ថខេត្តស្វាយរៀង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថក្រោមអធិបតីភាពលោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង។ ដោយមានការអញ្ជើញចូលរួមពីសំណាក់ លោកនាយរងសេនាធិការដ្ឋាន លោក អនុប្រធានមន្ទីរ លោក លោកស្រីនាយការិយាល័យ លោកមេបញ្ជាការរងមូលដ្ឋាន កងរាជអាវុធហត្ថក្រុង-ស្រុកទាំង៨…