សៀមរាប៖ នៅវេលាម៉ោង ១០ និង ០០នាទី ថ្ងៃទី២៧ ខែតុលា ឆ្នាំ២០២០ កម្លាំងអាវុធហត្ថខេត្តសៀមរាប បានបង្ក្រាបករណីគ្រឿងញៀននៅចំណុចភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ដោយបានឃាត់ខ្លួនបានជនសង្ស័យចំនួន ១៣ នាក់ និងដកហូតវត្ថុតាងពាក់ព័ន្ធមួយចំនួន។បច្ចុប្បន្ន ជនសង្ស័យ និងវត្ថុតាង មន្ត្រីជំនាញបានកសាងសំណុំរឿងតាមនីតិវិធី។

ពោធិ៍សាត់៖ នៅវេលាម៉ោង ១៣ និង ៣៧នាទី ថ្ងៃទី២៨ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកវាលវែង សហការជាមួយកម្លាំងចម្រុះចុះបង្ក្រាបបទល្មើសធនធានធម្មជាតិ (ព្រែឈើ) នៅភូមិសំឡាញ ឃុំក្រពើពីរ ស្រុកវាលវែង ខេត្តពោធិ៍សាត់ ដោយបានឃាត់ខ្លួនជនសង្ស័យម្នាក់ រថយន្ដ ១គ្រឿង និងឈើប្រភេទលេខ១ ចំនួន ៣៥ដុំ។ បច្ចុប្បន្នជនសង្ស័យត្រូវបានឃាត់ខ្លួន និងវត្ថុតាងរក្សាទុកនៅស្នាក់ការដែកជុំរកសត្វព្រៃភ្នំសំកុស៕

នៅបញ្ជាការដ្ឋានកងរាជអាវុធហត្ថខេត្តឧត្តរមានជ័យ ថ្ងៃទី០១ ខែវិច្ឆិកា ឆ្នាំ២០២០ បានប្រារព្ធពិធីសំណេះសំណាល សួរសុខទុក្ខអតីតនាយទាហាន នាយទាហានរងនៃកងរាជអាវុធហត្ថ ដែលបានចូលនិវត្តន៍ ពិការ បាត់បង់សមត្ថភាព និងគ្រួសារអាវុធហត្ថពលី មរណៈ សរុបចំនួន ៤៦នាក់ ក្នុង១នាក់ឧបត្ថម្ភថវិកា ៥០ម៉ឺនរៀល។ នាយ នាយរង និងពលអាវុធហត្ថខេត្តចំនួន ១៦៦នាក់ ក្នុង១នាក់ ឧបត្ថម្ភថវិកា ១០ម៉ឺនរៀល។ ក្រៅពីនោះបានឧបត្ថម្ភថវិកាសម្រាប់សាងសង់ផ្ទះដល់អតីតយុទ្ធជនចំនួន២៨គ្រួសារក្នុងខេត្តឧត្តរមានជ័យសរុបថវិកាចំនួន២៨០លានរៀល។ ជូនដល់បញ្ជាការដ្ឋានយោធភូមិភាគទី៣ ទី៤ ទី៥ កងពលធំលេខ២ លេខ៣ កងពលតូចអន្តរាគមន៍លេខ៤១…

កំពង់ចាម៖ នៅវេលាម៉ោង ៧ និង ០០ នាទីថ្ងៃទី ២៥ ខែតុលា ឆ្នាំ២០២០ កម្លាំងអាវុធហត្ថខេត្តកំពង់ចាម និងកម្លាំងមូលដ្ឋាន កងរាជអាវុធហត្ថស្រុកកំពង់សៀម ដឹកនាំដោយលោក វរសេនីយ៍ត្រី សែម ឃាង ប្រធានមន្ទីរយុត្តិធម៌ ចុះបង្ក្រាបករណីគ្រឿងញៀននៅចំណុចផ្ទះសំណាក់សំបូរមាស បន្ទប់លេខ១១ ស្ថិតក្នុងភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម ដោយបានឃាត់ខ្លួនជនសង្ស័យជាបន្តបន្ទាប់បានចំនួន ១០នាក់ និងដកហូតវត្ថុតាងពាក់ព័ន្ធមួយចំនួន។ បច្ចុប្បន្ន មន្ត្រីជំនាញបានកសាងសំណុំរឿងតាមនីតិវិធី។

មណ្ឌលគិរី៖ ស្ថិតនៅក្នុងចំការកៅស៊ូក្រុមហ៊ុនប៊ិញភឿក០១ ក្នុងភូមិចកចារ ឃុំស្រែឈូក ស្រុកកែវសីមា ខេត្តមណ្ឌលគិរី កម្លាំងអាវុធហត្ថស្រុកសហការជាមួយគណៈបញ្ជាការឯកភាពស្រុកកែវសីមា, ជំនាញបរិស្ថាន បានរកឃើញទីតាំងលាក់ឈើចំនួន ០២កន្លែង ឃើញឈើសរុបចំនួន៣០ដុំ ប្រវែង៥ម៉ែត្រ បច្ចុប្បន្នវត្ថុតាងប្រគល់ឲ្យជំនាញបរិស្ថាន (ស្នាក់ការរហ៊ូត) ដើម្បីចាត់ការតាមនីតិវិធី។