ស្ទឹងត្រែង៖ នៅវេលាម៉ោង ៩:៣០នាទី ថ្ងៃទី២៣ ខែតុលា ឆ្នាំ២០២០ ចំណុចខ្សែបន្ទាត់ព្រំដែនចន្លោះបង្គោល ០៣៤-០៣៥ និយាមកា XA19973. 41190 យោធាផ្នែកសឹករងស្រុកបុរីឣូរស្វាយសែនជ័យ បានប្រគល់វត្ថុតាងគ្រឿងញៀនប្រភេទមេតំហ្វេតាមីន (ice) ចំនួន ៤២កញ្ចប់ មានទម្ងន់ស្មើនឹង ៤១៨៦២,៣ក្រាម និងម៉ូតូ១គ្រឿងឲ្យកម្លាំងអាវុធហត្ថខេត្តស្ទឹងត្រែង (ជនសង្ស័យរត់គេចខ្លួនរួច)។ បច្ចុប្បន្នវត្ថុតាងមន្ត្រីជំនាញ កំពុងកសាងសំណុំរឿងតាមនីតិវិធី៕

ភ្នំពេញ៖ លោក ឧត្តមសេនីយ៍ទោ វ៉ា ស៊ិនភីរម្យ នាយរងសេនាធិការ និងជា នាយការិយាល័យហិរញ្ញវត្ថុ កងរាជអាវុធហត្ថលើផ្ទៃប្រទេស បានអញ្ជើញដឹកនាំកិច្ចប្រជុំ ពង្រឹងការងារជំនាញហិរញ្ញវត្ថុ និងបើកប្រាក់បៀវត្សរ៍-ចំណាយផ្សេងៗ ប្រចាំខែតុលា ឆ្នាំ២០២០ ។ កិច្ចប្រជុំនេះប្រព្រឹត្តទៅនៅការិយាល័យហិរញ្ញវត្ថុ អគារសេនាធិការដ្ឋានជាន់ទី២ នៃបញ្ជាការដ្ឋានកងរាជអាវុធហត្ថលើផ្ទៃប្រទេស ព្រឹកថ្ងៃសុក្រ ទី២៣ ខែតុលា ឆ្នាំ២០២០ ដោយមានការចូលរួមពីសំណាក់នាយរងការិយាល័យ, នាយផ្នែក, ជំនួយការចំណុះការិយាល័យ, ខុទ្ទការល័យ, នាយការិយាល័យហិរញ្ញវត្ថុរាជធានី-ខេត្ត, វិទ្យាស្ថានកំបូល មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយ កងអន្តរាគមន៍…

ស្ទឹងត្រែង៖ នៅថ្ងៃទី២១ ខែតុលា ឆ្នាំ២០២០ លោក ឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង អញ្ជើញជាផ្សព្វផ្សាយការងារកំណែទម្រង់ កងរាជអាវុធហត្ថ និងពិធីប្រកាសតែងតាំងផ្លាស់ប្ដូរមុខងារជូនដល់នាយទាហានរង កងរាជអាវុធហត្ថខេត្តស្ទឹងត្រែង។

ស្ទឹងត្រែង៖ ថ្ងៃទី២១ ខែតុលា ឆ្នាំ២០២០ កម្លាំងកងរាជអាវុធហត្ថខេត្តស្ទឹងត្រែង ដឹកនាំដោយលោក ឧត្តមសេនយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង បានត្រៀមកម្លាំង និងមធ្យោបាយសម្ភារៈ គ្រឿងបំពាក់ដើម្បីជួយសង្គ្រោះប្រជាពលរដ្ឋដែលរងគ្រោះដោយសារទឹកជំនន់។

ក្រចេះ៖ នៅវេម៉ោង ២១:០០នាទី ថ្ងៃទី២០ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកស្នួល ដឹកនាក់ដោយលោក វរសេនីយ៍ត្រី លន់ ប៊ុនថុល មេបញ្ជាការស្រុក បានចុះបង្ក្រាបបទល្មើសធនធានធម្មជាតិ នៅចំណុចភ្នំព្រិចស្ថិតនៅភូមិ ស្រែរនាម ឃុំឃ្សឹម ស្រុកស្នួល ខេត្តក្រចេះ ដោយបានឃាត់ខ្លួនជនសង្ស័យបានចំនួន១០ នាក់ ស្រី ០១នាក់ រថយន្តចំនួន ០៥គ្រឿង ផ្ទុកឈើអារចំរុះមិនទាន់វាស់វែង។ បច្ចុប្បន្នជនសង្ស័យ និងវត្ថុតាងរក្សាទុកបណ្តោះអាសន្ន នៅមូលដ្ឋាន កងរាជអាវុធហត្ថស្រុកស្នួលរង់ចាំចាត់ការតាមនីតិវិធី។

ឧត្តរមានជ័យ៖ នៅព្រឹកថ្ងៃទី២២ ខែតុលា ឆ្នាំ២០២០ បញ្ជាការដ្ឋាន កងរាជអាវុធហត្ថខេត្តឧត្តរមានជ័យ បានប្រារព្ធពិធីប្រជុំផ្សព្វផ្សាយការងារសោធននិវត្តន៍ និងការងារកំណែទម្រង់កងរាជអាវុធហត្ថ ក្រោមអធិបតីភាពលោក ឧត្តមសេនីយ៍ឯក ស៊ិន សូផាន្នី មេបញ្ជាការរង កងរាជអាវុធហត្ថលើផ្ទៃប្រទេស និងជាប្រធានក្រុមការងារទី១។ សមាសភាពអញ្ជើញចូលរួមមាន លោកមេបញ្ជាការ មេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការ តាមបណ្តាមូលដ្ឋានកងរាជអាវុធហត្ថក្រុង ស្រុក ស្នាក់ការសន្តិសុខ និងយោធិននៃកងរាជអាវុធហត្ថដែលត្រូវចូលសោធននិវត្តន៍ឆ្នាំ២០២១ ចំនួន ៧រូបផងដែរ។

បន្ទាយមានជ័យ៖ នៅព្រឹកថ្ងៃព្រហស្បតិ៍ ទី ២២ ខែតុលា ឆ្នាំ២០២០ លោក នាយឧត្ដមសេនីយ៍ សៅ សុខា អគ្គមេបញ្ជាការរងនៃកយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញអមដំណើរសម្តេចតេជោក្នុងការចុះសាកសួរសុខទុក្ខ និងចែកអំណោយជូនប្រជាពលរដ្ឋចំនួន១ម៉ឺនគ្រួសារបន្ថែមទៀត ដែលរងគ្រោះដោយជំនន់ទឹកភ្លៀងនៅខេត្តបន្ទាយមានជ័យ។ ក្នុងនោះប្រជាពលរដ្ឋក្នុងស្រុកថ្មពួកចំនួន៥០០០គ្រួសារ និងក្រុងប៉ោយប៉ែតចំនួន ៥០០០គ្រួសារ។ ពិធីនេះប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់បំផុត សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

ព្រះសីហនុ៖ វេលាម៉ោង០៧ និង ៥០នាទី ព្រឹកថ្ងៃទី២២ ខែតុលា ឆ្នាំ២០២០ កម្លាំងប្រតិបត្តិការរុករក និងសង្គ្រោះគ្រោះមហន្តរាយ ប្រចាំការខេត្ត ដឹកនាំដោយ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ សហការជាមួយកម្លាំងគណៈបញ្ជាការឯកភាពរដ្ឋបាលខេត្ត បានរកឃើញសាកសពក្មេងស្រីរងគ្រោះ ដែលបានរអិលជើងធ្លាក់ទឹកជ្រោះ នៅតំបន់រមណីយដ្ឋានទឹកធ្លាក់ក្បាលឆាយ ក្រុងព្រះសីហនុ និងបានប្រគល់ជូនគ្រួសារយកទៅធ្វើបុណ្យតាមប្រពៃណី។