ព្រៃវែង៖ បន្ទាប់ពីទទួលបានបទបញ្ជាពីលោក ឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង និងដោយមានការសម្របសម្រួលពីលោក ប៊ូ ប៊ុននហាង ព្រះរាជអាជ្ញាអមសាលាដំបូងខេត្ត នៅវេលាម៉ោង១៨ និង ១០ នាទី ថ្ងៃទី២៦ ខែមករា ឆ្នាំ២០១៩ កម្លាំងកងរាជអាវុធហត្ថខេត្តព្រៃវែង សហការជាមួយកម្លាំងមូលដ្ឋានកងរាជអាវុធហត្ថស្រុកព្រះស្តេច ដឹកនាំដោយលោក វរសេនីយ៍ត្រី ផាត់ សុជោត ប្រធានមន្ទីយុត្តិធម៌កងរាជអាវុធហត្ថខេត្ត បាននចុះបង្ក្រាបករណីគ្រឿងញៀននៅចំណុចភូមិសំរោង ឃុំល្វា ស្រុកព្រះស្តេច ខេត្តព្រៃវែង ដោយឃាត់ខ្លួនជនសង្ស័យជាបន្តបន្ទាប់បានចំនួន ០៦…

កំពត៖ ដោយទទួលបានពាក្យបណ្តឹងពីជនរងគ្រោះឈ្មោះ ម៉ន សេន ភេទប្រុស អាយុ ២៦ឆ្នាំ ជនជាតិខ្មែរ រស់នៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ប្តឹងឈ្មោះ ឈុន វណ្ណា ភេទប្រុសបានខ្ចីម៉ូតូម៉ាកសេ១២៥ សេរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ 1HC7367 ពីឈ្មោះ ប៉ាក វ៉ាន់ ភេទប្រុស ជាបុគ្គលិកក្រុមហ៊ុនគូបូតា ខេត្តកំពត ត្រូវជាប្អូនថ្លៃរបស់ខ្លួន ដែលត្រូវបានជនសង្ស័យឈ្មោះ ឈុន…

សៀមរាប៖ ព្រឹកថ្ងៃចន្ទ ទី២៨ ខែមករា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តសៀមរាប បានបើកកិច្ចប្រជុំបូកសរុបការងារ កងរាជអាវុធហត្ថឆ្នាំ២០១៨ និងផ្សព្វផ្សាយ ទិសដៅផែនការ ការងារឆ្នាំ២០១៩ ក្រោមអធិបតីភាពលោក ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប និងមានការអញ្ជើញចូលរួមពីសំណាក់លោក មេបញ្ជាការរង នាយរងសេនាធិការ ប្រធាន/អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានក្រុង-ស្រុក ប្រធានស្នាក់ការសន្តិសុខ និងនាយ នាយរងអាវុធហត្ថ ចំណុះបញ្ជាការដ្ឋានកងរាជអាវុធហត្ថខេត្តជាច្រើនរូបទៀត។

ភ្នំពេញ៖ ព្រឹកថ្ងៃចន្ទ ទី២៨ ខែមករា ឆ្នាំ២០១៩ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ ជា អេងយ៉ុង ស្នងការ ស្នងការដ្ឋានស្រាវជ្រាវព័ត៌មាននិងសន្តិសុខ បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយការងារជំនាញព័ត៌មាននិងសន្តិសុខ។ វត្តមានក្នុងកិច្ចប្រជុំផ្សព្វផ្សាយនេះ មានឧត្តមសេនីយ៍ វរសេនីយ៍ មេបញ្ជាការរង កងរាជអាវុធហត្ថរាជធានី-ខេត្ត នាយការិយាល័យជំនាញពាក់ព័ន្ធជាច្រើនរូបផងដែរ។ កិច្ចប្រជុំនេះគឺដើម្បីក្តាប់ជាប់លើជំនាញ ក្នុងការប្រមូលស្រាវជ្រាវ គ្រប់គ្រងព័ត៌មានដែលទាក់ទងនឹងបទល្មើសធនធានធម្មជាតិ បទល្មើសបង្ករអសន្តិសុខជាតិ ព្រមទាំងជំរុញពង្រឹងជំនាញដល់មន្រ្តីជំនាញក្រោមឱវាទរបស់ខ្លួន មានឆន្ទៈអនុវត្តតួនាទី ភារកិច្ចដែលបានប្រគល់។

ពោធិ៍សាត់៖ នៅវេលាម៉ោង ១៤ និង ០០ នាទី ថ្ងៃទី២៦ ខែមករា ឆ្នាំ២០១៩ កម្លាំងកងរាជអាវុធហត្ថខេត្តពោធិ៍សាត់ សហការជាមួយកម្លាំងមូលដ្ឋានកងរាជអាវុធហត្ថស្រុកភ្នំក្រវាញ ដឹកនាំដោយ លោកវរសេនីយ៍ឯក សូ សុវណ្ណឌី មេបញ្ជាការរង និងជានាយសេនាធិការ កងរាជអាវុធហត្ថខេត្តបានដឹកនាំកម្លាំងចុះបង្ក្រាបបទល្មើសប្រមូល និងដឹកជញ្ជូនសន្និធិផលអនុផលព្រៃឈើនៅចំណុចលេខ(៤០០៣៤-៥៩៩៦៤) ភូមិរវៀង ឃុំសំរោង ស្រុកភ្នំក្រវាញ ខេត្តពោធិ៍សាត់ ដោយបានដកហូតឈើប្រភេទ រាជកុលចំនួន ១៥០ កំណាត់។

ក្រចេះ៖ នៅព្រឹកថ្ងៃសៅរ៍ ទី២៦ ខែមករា ឆ្នាំ២០១៩ គណៈប្រតិភូបញ្ជាការដ្ឋាន កងរាជអាវុធហត្ថខេត្តក្រចេះ ដឹកនាំដោយលោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានចូលរួមប្រជុំផ្លាស់ប្ដូយោបល់ការងារ និងកិច្ចសហប្រតិបត្តិការ ជាមួយបញ្ជាការដ្ឋាន យោធាខេត្តប៊ិញភឿក និងកងទ័ពការពារព្រំដែនកម្ពុជា-វៀតណាម នៅបញ្ជាការយោធាខេត្តប៊ិញភឿក ប្រទេសវៀតណាម។ក្នុងឱកាសនោះដែរលោក ឧត្តមសេនីយ៍ ក៏បានជូនពរយោធាខេត្តប៊ិញភឿក និងកងទ័ពការពារព្រំដែនកម្ពុជា-វៀតណាម ក្នុងឱកាសបុណ្យចូលឆ្នាំថ្មីប្រពៃណីវៀតណាម ផងដែរ។

ស្វាយរៀង៖ ព្រឹកថ្ងៃសៅរ៍ ថ្ងៃទី២៦ ខែមករា ឆ្នាំ២០១៩ លោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានដឹកនាំប្រតិភូរ កងរាជអាវុធហត្ថខេត្តស្វាយរៀង ជូនពរយោធាវៀតណាមក្នុងឱកាសបុណ្យចូលឆ្នាំប្រពៃណីជនជាតិវៀតណាមខាងមុន ក្នុងកិច្ចសហប្រតិបត្តិការរវាងប្រទេសទាំងពីរ កម្ពុជា-វៀតណាម។ ដែលមានប៉ុស្តិ៍ព្រំដែនខេត្តឡុងអានចំនួន ០៥ មានដូចជា ប៉ុស្តិ៍បេនផូ ប៉ុស្តិ៍ឡុងខូត ប៉ុស្តិ៍ទ្វៀនប៊ិន ប៉ុស្តិ៍ថាន់ទ្រី និងច្រកអន្តរជាតិប៊ិនហៀប ប៉ុស្តិ៍នីមួយៗ…

កណ្តាល៖ នៅថ្ងៃទី២៣ ខែមករា ឆ្នាំ២០១៩ កម្លាំងមូលដ្ឋានកងរាជអាវុធហត្ថស្រុកស្អាង ដឹកនាំដោយលោកមេបញ្ជាការស្រុក ចុះបង្ក្រាបករណីរក្សាទុកដោយខុសច្បាប់នូវសារធាតុញៀន (ម៉ាទឹកកក) នៅចំណុចស្ថិតក្នុងភូមិលេខ៣ ឃុំស្វាយរលំ ស្រុកស្អាង ខេត្តកណ្តាល ដោយឃាត់ខ្លួនជនសង្ស័យ ០១នាក់ ឈ្មោះ ហ៊ួន ស៊ាងហៃ អាយុ ៣៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិលេខ៣ ឃុំស្វាយរលំ ស្រុកស្អាង ខេត្តកណ្តាល។ វត្ថុតាងចាប់យករួមមាន៖ -ថ្នាំញៀន(ម៉ាទឹកកក) ០២កញ្ចប់ -ទូរសព្ទ័ដៃ ០១គ្រឿង…