ព្រះវិហារ៖ នៅបញ្ជាការដ្ឋាន កងរាជអាវុធហត្ថខេត្តព្រះវិហារ រសៀលថ្ងៃអង្គារ ទី២៣ ខែសីហា ឆ្នាំ២០២២ លោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្ពព្រះវិហារ បានទទួលជួបសម្តែងការគួរសមនិង ពិភាក្សាការងារ ជាមួយប្រធានការិយាល័យកុងស៊ុលជប៉ុន លោក កាវ៉ាងុជិ ម៉ាសាកិ ប្រចាំខេត្តសៀមរាប នៅសាលប្រជុំ កងរាជអាវុធហត្ថខេត្តដោយមានការចូលរួមពីលោកមេបញ្ជារង និង ប្រធានមន្ទីរ។

ព្រះវិហារ៖ ថ្ងៃទី២២ ខែសីហា ឆ្នាំ២០២២ កម្លាំងអាវុធហត្ថខេត្តព្រះវិហារ ដឹកនាំដោយលោក ឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ សហការជាមួយ កម្លាំងកងពលធំអន្តរាគមន៍លេខ៣ កម្លាំងកងពលតូចអន្តរាគមន៍លេខ៨ កម្លាំងអធិការនគបាលស្រុកជាំក្សាន្ត និងអាជ្ញាធរ ឃុំស្រអែម និងឃុំកន្ទួត ដោយដឹកនាំបញ្ជារួម ឯកឧត្ដម គីម រឹទ្ធី អភិបាលនៃគណៈអភិបាលខេត្តព្រះវិហារ ចុះជួយសង្គ្រោះប្រជាពលរដ្ឋចំនួន១១គ្រួសារ រងគ្រោះដោយសារគ្រោះធម្មជាតិ(ជំនន់ទឹកភ្លៀង)។

ព្រះវិហារ៖ ថ្ងៃពុធ ទី១៧ ខែសីហា ឆ្នាំ២០២២ កម្លាំងអាវុធហត្ថស្រុកត្បែងមានជ័យ បានសហការបង្ក្រាបរោងសិប្បកម្មកែច្នៃ ផលអនុផលព្រៃឈើពុំមានលិខិតអនុញ្ញាត នៅចំណុចភូមិបុះធំ ឃុំប្រមេរុ ស្រុកត្បែងមានជ័យ ម្ចាស់គេចខ្លួនបាត់។ កម្លាំងបានចាប់យកវត្ថុតាងរួមមាន តាបឈួសឈើចំនួន ០១ គ្រឿង និងឈើចំនួន ២២ សន្លឹក វត្ថុតាងយកទៅរក្សាទុកនៅផ្នែករដ្ឋបាលព្រៃឈើត្បែងមានជ័យ។

ព្រះវិហារ៖ ថ្ងៃពុធ ទី១៧ ខែសីហា ឆ្នាំ២០២២ កម្លាំងមូលដ្ឋានកងរាជអាវុធហត្ស្រុកកូលែន ដឹកនាំដោយលោក អនុសេនីយ៍ឯក ចាន់ ស៊ី មេបញ្ជាការរង មូលដ្ឋានកងរាជអាវុធហត្ថស្រុកគូលែន បានឃាត់រថយន្តចំនួន ០១គ្រឿង ម៉ាកសាំយ៉ុងពណ៌សពាក់ស្លាកលេខ ភ្នំពេញ 2A:8349 ដឹកឈើអារប្រភេទលេខ២ចម្រុះគ្មានលិខិតអនុញ្ញាត ចំណែកអ្នកបើករថយន្តរត់បាត់ នៅចំណុចផ្លូវលំអូរចាក់ស្រាស្ថិតក្នុងភូមិសាស្ត្រ ភូមិស្រយង់ត្បូង ឃុំស្រយង់ ស្រុកគូលែន (លទ្ធផលឈើពុំទាន់វាស់វែង) វត្ថុតាងប្រគល់ជូនជំនាញរដ្ឋបាលព្រៃឈើចាត់ការបន្ត។

ព្រះវិហារ៖ នារសៀលថ្ងៃទី១០ ខែសីហា ឆ្នាំ២០២២ នៅបញ្ជាការដ្ឋាន កងរាជអាវុធហត្ថខេត្តព្រះវិហារ ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ និង ជាប្រធានគណៈបញ្ជាការឯកភាពរដ្ឋបាលខេត្ត អញ្ជើញជាអធិបតី ក្នុងពិធីសំណេះសំណាល និង សួរសុខទុក្ខនាយ នាយរងអាវុធហត្ថខេត្តព្រះវិហារ និងឧបត្ថម្ភថវិកា ចំនួន ១០លានរៀល និង ស្រាបៀចំនួន ១០០កេស ដល់បញ្ជាការដ្ឋានកងរាជអាវុធហត្ថខេត្ត និងឧបត្ថម្ភដល់នាយ នាយរងកងរាជអាវុធហត្ថក្នុងមួយនាក់ចំនួន ៤ម៉ឺនរៀល។

ព្រះវិហារ៖ ថ្ងៃទី០៤ ខែសីហា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកគូលែន ខេត្តព្រះវិហារ ដឹកនាំដោយលោក អនុសេនីយ៍ឯក នួន ភារៈ មេបញ្ជាការ មូលដ្ឋានកងរាជអាវុធហត្ថស្រុកកូលែន សហការឃាត់គោយន្តកន្ត្រៃចំនួន ០៤គ្រឿង នៅចំណុចភូមិសាស្ត្រភូមិសម្បូរ ឃុំស្រយង់ ស្រុកគូលែន ដឹកជញ្ជូនផល អនុផលព្រៃឈើគ្មានលិខិតអនុញ្ញាត ដោយបានចាប់យកឈើផ្ចឹកចំនួន ១៦២ដុំ ស្មើ ៦,១៤២ ម៉ែត្រត្រីគុណ បច្ចុបន្នប្រគល់ជូនជំនាញបរិស្ថានអនុវត្តនីតិវិធីបន្ត។

ព្រះវិហារ៖ នៅវេលាម៉ោង ១៤ និង ៣០នាទីថ្ងៃទី៣០ ខែកក្កដា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកជាំក្សាន្ត ដឹកនាំដោយ លោក អនុសេនីយ៍ឯក ជុន បូរ៉ា មេបញ្ជាការមូលដ្ឋានកងរាជអាវុធហត្ថស្រុកជាំក្សាន្ត បានសហការបង្រ្កាបករណីរក្សាទុក ជួញដូរ ប្រើប្រាស់ដោយខុសច្បាប់នូវសារធាតុញៀន នៅភូមិចំបក់សែនជ័យ ឃុំស្រអែម ស្រុកជាំក្សាន្ត ខេត្ត ព្រះវិហារ ដោយបានឃាត់ខ្លួនជនសង្ស័យ០១ នាក់ ឈ្មោះ អិត ខេមរ៉ា ភេទ ប្រុស…

ព្រះវិហារ៖ លោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ព្រមទាំងនាយទាហាន នាយទាហានរង និងពលទាហានក្រោមឱវាទទាំងអស់ នាថ្ងៃទី៣១ ខែកក្កដា ឆ្នាំ២០២២នេះ បានចេញញត្តិសម្ដែងនូវការគាំទ្រយ៉ាងពេញទំហឹង ចំពោះការធ្វើវិសោធនកម្មរដ្ឋធម្មនុញ្ញលើកទី១០ របស់កម្ពុជា។

ព្រះវិហារ៖ នៅបញ្ជាការដ្ឋាន កងរាជអាវុធហត្ថខេត្តព្រះវិហារព្រឹកថ្ងៃសុក្រ ទី២៩ ខែកក្កដា ឆ្នាំ២០២២ លោក ឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ បានដឹកនាំប្រជុំត្រួតពិនិត្យការអនុវត្តតួនាទី-ភារកិច្ច និងវឌ្ឈនភាពការងារ កងរាជអាវុធហត្ថប្រចាំខែកក្កដា និង ទិសដៅការងារខែសីហា ឆ្នាំ២០២២ និងប្រគល់ប័ណ្ណសរសើរ លិខិតសរសើរ ដល់នាយទាហាន នាយទាហានរង ដោយមានការចូលរួមលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក។

ព្រះវិហារ៖ នៅវេលាម៉ោង ១៣ និង ២០នាទីថ្ងៃទី២៦ ខែកក្កដា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកឆែម សហការបង្រ្កាបរឹបអូសឈើសន្និធិមួយកន្លែង ដោយគ្មានលិខិត អនុញ្ញាតពីរដ្ឋបាលព្រៃឈើ ត្រង់ចំណុចUTM(525402-1528380)ស្ថិតនៅភូមិពោធិ៍ទាប ឃុំម្លូព្រៃមួយ ស្រុកឆែប ខេត្តព្រះវិហារ ក្រុមការងារបានដកហូតឈើអារប្រភេទលេខ១ និងលេខ២ (កកោះ,ពពេល) ចំនួន៩៣សន្លឹកស្មើនឹង២.៦២២មម៉ែត្រត្រីគុណ ដោយនៅកន្លែងកើតហេតុពុំឃើញមានជនណាម្នាក់ចេញមុខមកអះអាងថាជាម្ចាស់ឈើអារជារបស់ខ្លួនឡើយ ក្រុមការងារក៏បានសុំយោបល់ និងមានការឯកភាពពីលោក ថុល គឹមហ៊ឹង ព្រះរាជអាជ្ញារងដើម្បីជួលគោយន្ដចំនួន០១គ្រឿង កម្មករ០៥ នាក់ ធ្វើការប្រមូលដឹកជញ្ជូនវត្ថុតាងល្មើសខាងលើយកមករក្សាទុកនៅស្នាក់ការថ្នាលបណ្ដុះកូនឈើផ្នែករដ្ឋបាលព្រៃឈើឆែប ដើម្បីបន្តតាមនីតិវិធី។