កំពង់ស្ពឺ៖ ព្រឹកថ្ងៃទី២៤ ខែមិថុនា ឆ្នាំ២០២២ លោក វរសេនីយ៍ឯក ទេព សុផាន់ណា មេបញ្ជាការរង ទទួលការងារសម្ភារៈបច្ចេកទេស និងលោក វរសេនីយ៍ឯក ភូ ឌីសាឌីន មេបញ្ជាការរង ទទួលការងារបុគ្គលឹក បានដឹកនាំនាយទាហាន នាយទាហានរង កងរាជអាវុធហត្ថខេត្ត និងក្រុមគ្រួសារ ចាក់វ៉ាក់សាំងបង្ការជំងឺកូវីដ-១៩ ដូសទី៥ នៅតំបន់ប្រតិបត្តការសិករងខេត្តកំពង់ស្ពឺ ។
កណ្តាល៖ ថ្ងៃទី២១ ខែមិថុនា ឆ្នាំ២០២២ កម្លាំងកងរាជអាវុធហត្ថស្រុកកណ្តាលស្ទឹង បន្ទាប់ពីទទួលបានព័ត៌មានពីប្រជាពលរដ្ឋមានករណី ជួញដូរដោយខុសច្បាប់នូវសារធាតុញៀន ស្ថិតក្នុងឃុំជើងកើប ស្រុកកណ្តាលស្ទឹង ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោកឧត្តមសេនីយ៍មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០១នាក់ ភេទប្រុស និងចាប់យកវត្ថុតាងថ្នាំញៀន (ម៉ាទឹកកក) ចំនួន០១កញ្ចប់, ទូរស័ព្ទ០១គ្រឿង, ម៉ូតូ ០១គ្រឿង។ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅអយ្យការអមសាលាដំបូងខេត្តតាមនីតិវិធី។
ឧត្តរមានជ័យ៖ នៅថ្ងៃទី២៣ ខែមិថុនា ឆ្នាំ២០២២ លោក ឧត្តមសេនីយ៍ត្រី ពុទ្ធ សារ៉ាន មេបញ្ជាការ កងរាជអាវុធហត្ថខេត្តឧត្តរមានជ័យ បានដឹកនាំនាយ នាយរងកងរាជអាវុធហត្ថខេត្ត និងគ្រួសារចូលរួមចាក់វ៉ាក់សាំងបង្ការជំងឺកូវីដ-១៩ ដូសជំរុញ ឬដូសទី៥ នៅកងពលតូចថ្មើរជើងលេខ៤២ និងតំបន់ប្រតិបត្តិការសឹករងខេត្តឧត្តរមានជ័យ ស្ថិតក្នុងភូមិអូរកន្សែង និងភូមិសំរោង សង្កាត់/ក្រុងសំរោង ខេត្តឧត្តរមានជ័យ ។
បាត់ដំបង៖ នៅវេលាម៉ោង ១០ និង ៣០នាទី ថ្ងៃទី២២ ខែមិថុនា ឆ្នាំ២០២២ នៅចំណុចភូមិស្លរខ្លាញ់ ឃុំបួវិល ស្រុកបវេល ខេត្តបាត់ដំបង កម្លាំងអាវុធហត្ថខេត្តបានឃាត់ខ្លួនជនសង្ស័យចំនួន ០២នាក់នៅភូមិស្លរខ្លាញ់ ឃុំបួវិល ស្រុកបវេល ខេត្តបាត់ដំបង ពាក់ព័ន្ធករណីគ្រឿងញៀន និងចាប់យកវត្ថុតាងទូរសព្ទ័ ០១ គ្រឿង, ថ្នាំម្សៅពណ៌សថ្លា ចំនួន ០៤ ថង់តូច, ថ្នាំគ្រាប់ពណ៌ផ្កាឈូកប្រភេទ WY ចំនួន ១២២ គ្រាប់,…
រតនគិរី៖ នៅវេលាម៉ោង១១ និង២៥នាទី ថ្ងៃទី ២២ ខែមិថុនា ឆ្នាំ២០២២ កម្លាំងកងរាជអាវុធហត្ថខេត្តរតនគីរី និងកម្លាំងមូលដ្ឋានអាវុធហត្ថស្រុកវើនសៃ ដឹកនាំដោយលោក វរសេនីយ៍ទោ ឃី សុខា ប្រធានមន្ទីរស្រាវជ្រាវព័ត៌មានសន្តិសុខ បានសហការចុះល្បាតក្នុងភូមិសាស្រ្តស្រុកវើនសៃ លុះទៅដល់ចំណុចនិយាមកា ( ៦៨០៥៩៤,៥២៩៩៤៣ ) ស្ថិតនៅភូមិវើនហយ ឃុំហាត់ប៉ក់ ស្រុកវើនសៃ ខេត្តរតនគិរី បានប្រទះឃើញឈើអារជ្រុង (ផ្ចិក)ចំនួន ៣៨ ដុំ ធ្វើសន្និធិដោយគ្មានលិខិតអនុញ្ញាត បន្ទាប់មកលោកព្រះរាជអាជ្ញារង បានបញ្ជាឲ្យទុកកម្លាំងចំនួន…
កំពត៖ នៅវេលាម៉ោង៩ និង៣០នាទី ថ្ងៃទី២១ ខែមិថុនា ឆ្នាំ២០២២ កម្លាំងកងរាជអាវុធហត្ថខេត្តកំពត សហការជាមួយស្ថាប័នពាក់ព័ន្ធចុះឃាត់ចាប់គ្រឿងចក្រអេស្កាវ៉ាទ័រចំនួន០៤គ្រឿង និងមនុស្សចំនួន ០៦ នាក់ ដែលបានធ្វើសកម្មភាពឈូសឆាយដីភ្នំ ដែលជាដីរក្សាការពារ នៅក្នុងសម្បទានដីសេដ្ឋកិច្ច របស់ក្រុមហ៊ុន វើលទ្រីស្តា នៅចំណុចភ្នំបាត់ដឹង ភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។ បច្ចុប្បន្នជនសង្ស័យ និងវត្ថុតាងខណ្ឌរដ្ឋបាលព្រៃឈើកំពតផ្ញើ និងរក្សាទុកនៅបញ្ជាការដ្ឋានកងរាជអាវុធហត្ថខេត្តកំពតដើម្បីចាត់ការតាមនីតិវិធី។
ពោធិ៍សាត់៖ នៅថ្ងៃទី២១ ខែមិថុនា ឆ្នាំង២០២២ កម្លាំងអាវុធហត្ថសហការជាមួយកម្លាំងចម្រុះថ្នាក់ជាតិ ដឹកនាំដោយលោក ឈិន តួ នាយរងអធិការដ្ឋានខាងត្បូងបឹងទន្លេសាប និងលោក ឧត្តមសេនីយ៍ទោ ជា សំណាង នាយសេនាធិការរង កងរាជអាវុធហត្ថលើផ្ទៃប្រទេស បានចុះបង្ក្រាបបទល្មើសនេសាទនៅភូមិកំពង់ថ្គោល ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយបានបង្ក្រាបរបាំងស្បៃមុង ៣៨ ខ្សែ ប្រវែង ៤,៥០០ម៉ែត្រ, លូកងស្បៃមុង ៣០មាត់,បង្គោល ៩៧០ដើម, លែងកូនត្រីចម្រុះចំនួន១៩គីឡូចូលក្នុងបឹងទន្លេសាបវិញ វត្ថុតាងទាំងអស់ត្រូវបានកាប់បំផ្លាញចោលនៅនឹងកន្លែង។
រតនគិរី៖ កម្លាំងមូលដ្ឋានកងរាជអាវុធហត្ថស្រុកអណ្ដូងមាស ខេត្តរតនគិរី ដឹកនាំដោយលោក អនុសេនីយ៍ត្រី អ៊ន ម៉ាន ប្រធានស្នាក់ការ៧៨៧ សហការបង្ក្រាបរឹបអូសឈើ (សុក្រម)ចំនួន ៤៨ដុំ ស្មើនឹង ៣,៤៦៧ ម៉ែត្រគូប ដែលឈ្មួញបានដឹកយកមកលាក់ទុកនៅចន្លោះបង្គោលព្រំដែនលេខ ១៨/១ និង ១៨/២ ស្ថិតនៅចំណុចភូមិចង ឃុំញ៉ាង ស្រុកអណ្ដូងមាសខេត្តរតនគិរី កាលពីថ្ងៃទី២០ ខែមិថុនា ឆ្នាំ២០២២ ។ បច្ចុប្បន្នវត្ថុតាងខាងលើបានប្រគល់ជូនជំនាញរដ្ឋបាលព្រៃឈើដើម្បីចាត់ការតាមនីតិវិធី។
ថ្ងៃ១៦ ខែមិថុនា ឆ្នាំ២០២២ កម្លាំងអាវុធហត្ថដឹកនាំដោយ លោក ឧត្តមសេនីយ៍ទោ ជា សំណាង នាយសេនាធិការរង កងរាជអាវុធហត្ថលើផ្ទៃប្រទេស បានសហការចុះប្រតិបត្តិការបង្ក្រាបបទល្មើសនេសាទនៅចាប់ពីស្នាក់ការកំពង់លួងទៅកោះតាបរ ភូមិផាត់សណ្តាយ ឃុំផាត់សណ្តាយខេត្តកំពង់ធំ និងបន្តមកថ្គោល ខេត្តពោធិ៍សាត់ ដោយបានរឹបអូសរបាំងសាច់អួនចំនួន ៦របាំងប្រវែង ៥១០០ម៉ែត្រ, លូ ២១បាត់លូ, បចំនួន០១, បង្គោល-ចម្រឹងចំនួន ៣៥០ដើម, លែងត្រីចម្រុះចំនួន ៣៥គីឡូក្រាម និងបានអប់រំណែនាំប្រជានេសាទដោយប្រើឧបករណ៍នេសាទមងបណ្តែត ចំនួន ០៣នាក់ អប់រំណែនាំបញ្ឈប់ប្រជានេសាទអោយប្រើប្រាស់ឧបករណ៍នេសាទរបាំងសាច់អួនខុសក្រឡានិងប្រវែងឱ្យអនុវត្តតាមច្បាប់ស្តីពីជលផល និងមេឃុំផាត់សណ្តាយ…
កំពត៖ នៅវេលាម៉ោង ១១ និង២០នាទីថ្ងៃទី១៥ ខែមិថុនា ឆ្នាំ២០២២ កម្លាំងអាវុធហត្ថខេត្តកំពត និងកម្លាំងមូលដ្ឋានកងរាជអាវុធហត្ថស្រុកទឹកឈូ ដឹកនាំដោយ លោក វរសេនីយ៍ឯក សេង វិច្ឆិកា មេបញ្ជាការរងកងរាជអាវុធហត្ថខេត្ត ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពត កម្លាំងបានចុះបង្រ្កាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចភូមិម៉ាក់ប្រាំង ឃុំកំពង់គ្រែងស្រុកទឹកឈូ ខេត្តកំពត ដោយបានឃាត់ខ្លួនជនសង្ស័យចំនួន០១នាក់ឈ្មោះ អ៊ូ អាន ភេទប្រុសអាយុ២១ឆ្នាំ មុខរបរមិនពិតប្រាកដ រស់នៅភូមិម៉ាក់ប្រាំង ឃុំកំពង់គ្រែង ស្រុកទឹកឈូ ខេត្តកំពត និងចាប់យកវត្ថុតាងគ្រឿងញៀនចំនួន០១កញ្ចប់ធំ…