កំពង់ចាម៖ នៅវេលាម៉ោង ១៣ និង ១៥នាទី ថ្ងៃទី០៥ ខែ តុលាឆ្នាំ២០២២ កម្លាំងមន្ទីរស្រាវជ្រាវ និង បង្ក្រាបបទល្មើស កងរាជអាវុធហត្ថខេត្តកំពង់ចាម សហការជាមួយ កំលាំងមូលដ្ឋានកងរាជអាវុធហត្ថស្រុកកងមាស ដឹកនាំដោយលោក វរសេនីយ៍ទោ សែម ឃាង ប្រធានមន្ទីរស្រាវជ្រាវ និង បង្ក្រាបបទល្មើសកងរាជអាវុធហត្ថខេត្តកំពង់ចាមចុះបង្ក្រាប ករណីជួញដូរដោយខុសច្បាប់នូវសារធាតុញៀននៅចំណុចភូមិថ្មីក ឃុំរកាគយ ស្រុកកងមាស ខេត្តកំពង់ចាម ដោយមានការសម្របសម្រួលនិតិវិធីពី លោក តូច ឧត្តម ព្រះរាជអាជ្ញារងអមសាលាដំបូងខេត្តកំពង់ចាម…

កោះកុង៖ នៅវេលាម៉ោង១០:៥២នាទី ថ្ងៃទី០៥ ខែតុលា ឆ្នាំ២០២២ កម្លាំងអាវុធហត្ថខេត្តខេត្តកោះកុង សហការជាមួយសាខាគយ និងរដ្ឋាករខេត្តកោះកុង បានស្ទាក់ឃាត់ចាប់រថយន្ត០១គ្រឿង ម៉ាក CAMRY HYBRID ចង្កូតឆ្វេងពណ៌ទឹកប្រាក់ ឆ្នាំផលិត២០០៧ គ្មានស្លាកលេខ(គ្មានពន្ធនាំចូល) នៅពេលម្ចាស់កំពុងបើកបរ នៅតាមដងផ្លូវ ស្ថិតនៅត្រង់ចំនុចខាងលិចរង្វង់មូលស្តូបខេត្តកោះកុង ក្នុងភូមិសាស្រ្តភូមិ១ សង្កាត់ស្មាច់មានជ័យ ក្រុងខេមរភូមិន្ទ។ បច្ចុប្បន្នរថយន្តខាងលើត្រូវបានរក្សាទុកនៅក្នុងសាខាគយ និងរដ្ឋាករខេត្តកោះកុង ដើម្បីអនុវត្តតាមនីតិវិធី៕

កំពង់ឆ្នាំង៖ វេលាម៉ោង ០៨:៣០នាទីព្រឹកថ្ងៃ ទី០៣ ខែតុលា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកជលគិរី ខេត្តកំពង់ឆ្នាំង ដឹកនាំដោយលោក អនុសេនីយ៍ឯក គង់ សុភិន មេបញ្ជាការមូលដ្ឋាន កងរាជអាវុធហត្ថស្រុក សហការចុះបង្ក្រាបបទល្មើសនេសាទនៅចំណុចមុខវត្តឫស្សីដង្គួច និង បឹងក្រាយស្ថិតក្នុងភូមិសាស្រ្តឃុំព្រៃគ្រី ស្រុកជលគិរី ខេត្តកំពង់ឆ្នាំង ដោយបានរុះរើរបាំងសាច់អួនចំនួន០២កន្លែងប្រវែង១២០០ម៉ែត្រ, លូសាច់អួនចំនួន១០មាត់, បង្គោលសរុប៨០០ដើម, ចាក់លែងត្រីចូលទន្លេធម្មជាតិវិញចំនួន ៥០ គីឡូក្រាម ចំណែកសម្ភារត្រូវបានបំផ្លាញចោលនៅនឹងកន្លែង។

ពោធិ៍សាត់៖ ព្រឹកថ្ងៃទី៣ ខែតុលា ឆ្នាំ២០២២ កម្លាំងអាវុធហត្ថខេត្តពោធិ៍សាត់ សហការចុះបង្ក្រាបបទល្មើសនេសាទ នៅឃុំកំពង់លួង រហូតដល់ ភូមិកំពង់ថ្គោល ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយបង្ក្រាបបានរបាំងស្បៃមុង ០៦ខ្សែ ប្រវែង ១៣០០ម៉ែត្រ, លូកងស្បៃមុងចំនួន ១០មាត់, បង្គោលចំនួន ១២០ដើម, លែងកូនត្រីចំនួន៣០គីឡូក្រាមចូលបឹងទន្លេសាបវិញ វត្ថុតាងខាងលើកាប់បំផ្លាញចោលនៅនឹងកន្លែង។

រតនគិរី៖ ព្រឹកថ្ងៃទី០២ ខែតុលា ឆ្នាំ២០២២ កម្លាំងកងរាជអាវុធហត្ថខេត្តរតនគិរី ដឹកនាំដោយលោក វរសេនីយ៍ត្រី ប៊ុន សុខេង សហការជាមួយគយនិងរដ្ឋាករសាខាខេត្តរតនគិរី ចុះឃាត់រថយន្ដចំនួន០១គ្រឿង សង្ស័យថាគ្មានបង្កាន់ដៃពន្ធនាំចូល រថយន្ដម៉ាក Highlender ចង្កូតឆ្វេងពណ៌ទឹកមាសឆ្នាំផលិត២០០៦ លេខតួ JTEEW21A060031129  (គ្មានស្លាកលេខ) បច្ចុប្បន្នរថយន្តរក្សាទុកនៅសាខាគយនិងរដ្ឋាករខេត្តរតនគិរី។

បន្ទាយមានជ័យ៖ ព្រឹកថ្ងៃសុក្រ ទី៣០ ខែតុលា កម្លាំងការិយាល័យប្រឆាំងគ្រឿងញៀន កងរាជអាវុធហត្ថ ខេត្តបន្ទាយមានជ័យ បញ្ជូនខ្លួនជនសង្ស័យម្នាក់ ដែលម្លាំងបង្ក្រាបបានពាក់ព័ន្ធនឹងករណីជួញដូរ និងប្រើប្រាស់ដោយខុសច្បាប់នូវសារធាតុញៀន ទៅសាលាដំបូងខេត្តដើម្បីបន្តនីតិវិធី។

កំពង់ឆ្នាំង៖ នៅវេលាម៉ោង០៨:៣០នាទីព្រឹកថ្ងៃទី៣០ ខែកញ្ញា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកកំពង់លែង ខេត្តកំពង់ឆ្នាំង ដឹកនាំដោយលោក វរសេនីយ៍ត្រី ឡុង សាវ៉ាត មេបញ្ជាការ មូលដ្ឋានកងរាជអាវុធហត្ថស្រុក បានសហការជាមួយកម្លាំងចម្រុះចុះបង្រ្កាបបទល្មើសនេសាទតាមដងទន្លេក្នុងភូមិសាស្រ្តព្រែកក្រម៉ាល់ ស្ថិតក្នុងភូមិសាស្រ្តភូមិក្រម៉ាល់ ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ដោយបានរុះរើរបាំងសាច់អួនចំនួន០៥កន្លែង ប្រវែង៣៥០ ម៉ែត្រ, លូសាច់អួនចំនួន០៥មាត់, បង្គោលសរុបចំនួន២៧០ដើម, លែងកូនត្រីចម្រុះចូលទន្លេធម្មជាតិវិញ ១៥ គីឡូក្រាម សម្ភារៈ និងវត្ថុតាងត្រូវបានកាប់បំផ្លាញចោលនៅនឹងកន្លែង។

បាត់ដំបង៖ អនុវត្តន៍តាមបទបញ្ជាយ៉ាងម៉ឺងម៉ាត់របស់លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្ដបាត់ដំបង នៅថ្ងៃទី២៩ ខែកញ្ញា ឆ្នាំ២០២២ កម្លាំងតាមបណ្ដាមូលដ្ឋានកងរាជអាវុធហត្ថក្រុង/ស្រុកទាំង១៤ បានប្រុងប្រៀបត្រៀមអន្តរាគមន៍ ២៤ម៉ោង/២៤ម៉ោង និង ចុះជួយប្រជាពលរដ្ឋ រងគ្រោះដោយទឹកជំនន់ និងគ្រោះមហន្តរាយផ្សេងៗដែលកើតមានឡើងដោយយថាហេតុ ។   ជាក់ស្ដែងថ្ងៃនេះកម្លាំងមូលដ្ឋានកងរាជអាវុធហត្ថស្រុកភ្នំព្រឹក, ស្រុកបវេល, ស្រុកសំពៅលូន និង ស្រុកបាណន់ ជំលៀសប្រជាពលរដ្ឋរកទីទួលសុវត្ថិភាព។

រតនគិរី៖ នៅថ្ងៃទី២៩ ខែកញ្ញា ឆ្នាំ២០២២ កម្លាំងកងរាជអាវុធហត្ថខេត្តរតនគិរី ដឹកនាំដោយ លោក វរសេនីយ៍ត្រី ប៊ុន សុខេង សហការជាមួយគយនិងរដ្ឋាករ សាខាខេត្តរតនគិរី ចុះឃាត់រថយន្ដចំនួន០១គ្រឿងរថយន្ដម៉ាក Toyota Camry ពណ៌ខ្មៅ ចង្កូតឆ្វេង ឆ្នាំផលិត២០០៧ ស្លាកលេខភ្នំពេញ 2S-0386 សង្ស័យថាគ្មានបង្កាន់ដៃបង់ពន្ធនាំចូល នៅចំណុចភូមិឡាអិន ឃុំតឺន ស្រុកកូនមុំ ខេត្តរតនគិរី ។ បច្ចុប្បន្នរថយន្តរក្សាទុកនៅ សាខាគយនិងរដ្ឋាករសាខាខេត្តរតនគិរី។

ពោធិ៍សាត់៖ នៅថ្ងៃទី២០ ខែកញ្ញា ឆ្នាំ២០២២ កម្លាំងអាវុធហត្ថខេត្តពោធិ៍សាត់ សហការចុះបង្ក្រាបបទល្មើសនេសាទ នៅឃុំកំពង់លួង រហូតដល់ ភូមិកំពង់ថ្គោល ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយបង្ក្រាបបានរបាំងស្បៃមុងចំនួន០៨ខ្សែ ប្រវែង ១,៧០០ម៉ែត្រ, លូកងស្បៃមុងចំនួន១១មាត់, ក្បាលបរចំនួន៤គ្រឿង, បង្គោលចំនួន១៥០ដើម, លែងកូនត្រីចំនួន១៥០គីឡូក្រាម ចូលទន្លេវិញ, វត្ថុតាងខាងលើកាប់បំផ្លាញចោលនៅនឹងកន្លែង។