ភ្នំពេញ៖ ក្រោមការដឹកនាំរបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមភូមិន្ទ មេបញ្ជាការកងរាជអាវុធហត្ថលើផ្ទៃប្រទេស កងរាជអាវុធហត្ថបានដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនយោធិន និងគ្រួសារយោធិននៃកងរាជអាវុធហត្ថ នៅវិទ្យាស្ថានកងរាជអាវុធហត្ថកំបូល។ ការចាក់វ៉ាក់សាំងនេះគឺដំណើរការរយៈពេល ៤ថ្ងៃគិតចាប់ពីថ្ងៃទី ១២ ដល់ថ្ងៃទី១៥ ខែសីហា ឆ្នាំ២០២១។

កំពត៖ ព្រឹកថ្ងៃទី១៣ ខែសីហា ឆ្នាំ២០២១ នៅបញ្ជាការរដ្ឋាន កងរាជអាវុធហត្ថខេត្តកំពត បានចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនដល់នាយទាហាន នាយទាហានរងនៃកងរាជអាវុធហត្ថកំពត។

តាកែវ៖ យប់ថ្ងៃទី១២ ខែសីហា ឆ្នាំ២០២១ កម្លាំងអាវុធហត្ថខេត្តតាកែវ សហការជាមួយកម្លាំងចម្រុះ អនុវត្តវិធានការបិទខ្ទប់របស់រាជរដ្ឋាភិបាល នៅតាមគោលដៅមួយចំនួន នៅព្រំប្រទល់ពីខេត្តមួយទៅខេត្តមួយ និងច្រកព្រំដែន។

បាត់ដំបង៖ នៅម៉ោង ២៣ និង ៣០នាទី ថ្ងៃទី១២ ខែសីហា ឆ្នាំ២០២១ នៅចំណុចហាងខារ៉ាអូខេយីហោ(ប្រូ)ស្ថិតក្នុងភូមិនំក្រៀប សង្កាត់ព្រែកព្រះស្តេច ក្រុង/និងខេត្តបាត់ដំបង កម្លាំងអាវុធហត្ថខេត្ត បានធ្វើការឃាត់ខ្លួនជនសង្ស័យ ០៦ នាក់ ដែលបានធ្វើសកម្មភាពផឹកស៊ីនិងច្រៀងក្នុងបន្ទប់ខារ៉ាអូខេ និងបានចាប់យកទូរស័ព្ទដៃ០៣ គ្រឿង។ បច្ចុប្បន្នជនសង្ស័យកំពុងឃាត់ខ្លួននៅទីបញ្ជាការអាវុធហត្ថខេត្តដើម្បីកសាងសំណុំរឿងបញ្ជូនទៅតុលាការ។

ព្រៃវែង៖ ថ្ងៃសុក្រ ទី១៣ ខែសីហា ឆ្នាំ២០២១ លោកវរសេនីយ៍ឯក ហ៊ុយ វុទ្ធា មេបញ្ជាការរង និងជានាយសេនាធិការ កងរាជអាវុធហត្ថ ខេត្តព្រៃវែង បានដឹកនាំនាយ នាយរងអាវុធហត្ថខេត្ត ធ្វើអនាម័យដើម្បីរៀបចំបន្ទប់មណ្ឌលធ្វើចត្តាឡីស័ក និងកន្លែងព្យាបាលកម្រឹតស្រាលនៅសាលាសម្តេចតេជោ ហ៊ុន សែន អនុវត្តស្ថិនៅភូមិលេខ៣ សង្កាត់កំពង់លាវ ក្រុងព្រៃវែង ខេត្តព្រៃវែង។

តាកែវ៖ ថ្ងៃសុក្រ ទី១៣ ខែសីហា ឆ្នាំ២០២១ លោកឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំក្រុមការងាររៀបចំចាក់វ៉ាក់សាំង របស់កងរាជអាវុធហត្ថខេត្ត ចុះត្រួតពិនិត្យរៀបចំ និងសម្របសម្រួលក្នុងកិច្ចដំណើរការចាក់វ៉ាក់សាំងបង្ការទប់ស្កាត់ជំងឺកូវីដ-១៩ ដូសទី៣ (ដូសជំរុញ Vaccine Astrazeneca) ជូនដល់យោធិន និងក្រុមគ្រួសារយោធិន នៃកងរាជអាវុធហត្ថ ខេត្តតាកែវ។ ដែលជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅទីបញ្ជាការកងរាជអាវុធហត្ថ ខេត្តតាកែវ។

ស្វាយរៀង៖ អនុវត្តបទបញ្ជារបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅព្រឹកថ្ងៃទី១៣ ខែសីហា ឆ្នាំ២០២១ នៅបញ្ជាការដ្ឋាន កងរាជអាវុធហត្ថខេត្តស្វាយរៀង បានធ្វើតេស្តរហ័ស (Rapid Test) រកមេរោគកូវីដ-១៩ ដល់នាយទាយហាន នាយទាហានរងនៃកងរាជអាវុធហត្ថខេត្ត មុននឹងដំណើរការចាក់វ៉ាក់សាំងបង្ការជំងឺកូវីដ-១៩ ដូសជំរុញ(ដូសទី៣) ពិធិនេះក្រោមអធិបតីភាព លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង។

ភ្នំពេញ៖ ព្រឹកថ្ងៃសុក្រ ទី១៣ ខែសីហា ឆ្នាំ២០២១ នៅវិទ្យាស្ថាន កងរាជអាវុធហត្ថកំបូល លោកឧត្តមសេនីយ៍ ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស តំណាងលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស អមដំណើរពីលោកនាយរងសេនាធិការ ស្នងការ នាយការិយាល័យ បានអញ្ជើញត្រួតពិនិត្យនិងណែនាំដល់លោកគ្រូ អ្នកគ្រូពេទ្យ បុគ្គលិក សន្តិសុខសណ្តាប់ធ្នាប់ កន្លែងយកវត្ថុសំណាក និងដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៣…

កំពង់ឆ្នាំង៖ នៅថ្ងៃព្រហស្បតិ៍ ទី១២ ខែសីហា ឆ្នាំ២០២១ បញ្ជាការដ្ឋានកងរាជអាវុធហត្ថខេត្តកំពង់ឆ្នាំង បានបើកយុទ្ធនាការធ្វើតេស្តរហ័សរកមេរោគកូវីដ-១៩ និងចាក់វ៉ាក់ សាំងបង្ការជំងឺកូវីដ-១៩ ដូសជំរុញ ឬដូសទី៣ (AstraZene ca) ជូនដល់យោធិន និងគ្រួសារយោធិននៃកងរាជអាវុធហត្ថ ក្រោមអធិបតីភាព លោកឧត្ដមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តកំពង់ឆ្នាំង។

ព្រះសីហនុ៖ នៅថ្ងៃទី១១-១២ ខែសីហា ឆ្នាំ២០២១ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានអញ្ជើញចុះត្រួតពិនិត្យ ដឹកនាំកម្លាំងជំនាញ នៃការិយាល័យសុខាភិបាល ធ្វើការត្រួតពិនិត្យសុខភាព និងយកវត្ថុសំណាក តេស្តរហ័ស ( Rapid Test) ដើម្បីរកមេរោគកូវីដ-១៩ ដល់នាយទាហាន នាយទាហានរង នៃកងរាជអាវុធហត្ថខេត្ត និងកម្លាំងកងអនុសេនាធំទី២ ប្រចាំការខេត្តព្រះសីហនុ។