ឧត្តរមានជ័យ៖ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ ព្រឹកថ្ងៃទី២៣ ខែឧសភា ឆ្នាំ២០២៣ លោក ឧត្តមសេនីយ៍ត្រី ចាន់ យូសាន់ មេបញ្ជាការរង កងរាជអាវុធហត្ថខេត្តឧត្តរមានជ័យ បានដឹកនាំប្រជុំផ្សព្វផ្សាយអំពីច្បាប់ស្តីពីការបោះឆ្នោត បទបញ្ជា និងនីតិវិធីសម្រាប់ការបោះឆ្នោត និងក្រមសីលធម៌សម្រាប់ភ្នាក់ងារសន្តិសុខបោះឆ្នោត ដល់យោធិន នៃកងរាជអាវុធហត្ថខេត្ត ដោយមានការអញ្ជើញចូលរួមពីសំណាក់ លោក នាយសេនាធិការ នាយសេនាធិការរង ប្រធាន អនុប្រធានមន្ទីរ នាយការិយាល័យ និងមេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក និងស្នាក់ការផងដែរ។

រតនគិរី៖ នៅវិទ្យាល័យហ៊ុនសែនលំផាត់ ស្ថិតនៅភូមិលំផាត់ ឃុំជ័យឧត្តម ស្រុកលំផាត់ ខេត្តរតនគិរី ថ្ងៃទី២២ ខែឧសភា ឆ្នាំ២០២៣ លោក វរសេនីយ៍ឯក កង សារ៉េត មេបញ្ជាការរងទទួលការងារស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តរតនគិរី បានដឹកនាំនាយនាយរងការិយាល័យប្រឆាំងគ្រឿងញៀន សហការជាមួយមូលដ្ឋានកងរាជអាវុធហត្ថស្រុកលំផាត់ ចុះផ្សព្វផ្សាយផែនការប្រយុទ្ធប្រឆាំងគ្រឿងញៀនខុសច្បាប់ និងច្បាប់ស្តីពីការត្រួតពិនិត្យគ្រឿងញៀន ដោយមានការអញ្ជើញចូលរួម ពីលោក មូល រដ្ឋធានី អភិបាលរងនៃគណៈអភិបាលស្រុកលំផាត់ កងកម្លាំងប្រដាប់អាវុធទាំងបីប្រភេទ លោកប្រធានការិយាល័យអប់រំស្រុកលំផាត់ លោក នាយកវិទ្យាល័យលំផាត់ និងលោកគ្រូ…

ភ្នំពេញ៖ នៅបញ្ជាការដ្ឋាន កងរាជអាវុធហត្ថលផ្ទៃប្រទេស ព្រឹកថ្ងៃទី២២ ខែឧសភា ឆ្នាំ២០២៣ លោក វរសេនីយ៍ឯក ឡាក់ គួន នាយការិយាល័យជំនួយមនុស្សធម៌ និងសង្រ្គោះគ្រោះមហន្តរាយ ស្នងការដ្ឋានផែនការប្រតិបត្តិការ និងហ្វឹកហ្វឺនកងរាជអាវុធហត្ថលើផ្ទៃប្រទេស បានដឹកនាំប្រជុំពង្រឹងការអនុវត្តតួនាទីភារកិច្ច ការងារជំនួយមនុស្សធម៌ និងសង្រ្គោះគ្រោះមហន្តរាយ ជាពិសេសត្រួតពិនិត្យថែរទាំឧបករណ៍សម្ភារគ្រឿងបំពាក់ក្នុងឃ្លាំងដើម្បីត្រៀមលក្ខណៈប្រើប្រាស់ក្នុងពេលហ្វឹកហាត់ និងក្នុងពេលមានយថាហេតុកើតឡើង។ កិច្ចប្រជុំនេះមានសមាសភាពចូលរួមនាយរងការិយាល័យ នាយផ្នែកចំណុះការិយាល័យជំនួយមនុស្សធម៌ និងសង្រ្គោះគ្រោះមហន្តរាយ។

ត្បូងឃ្មុំ៖ នៅឃុំទន្លូង ស្រុកមេមត់ ខេត្តត្បូងឃ្មុំ ព្រឹកថ្ងៃចន្ទ ទី២២ ខែឧសភា ឆ្នាំ២០២៣ លោក ឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្ដត្បូងឃ្មុំ និងមន្ត្រីក្រោមឱវាទបានអញ្ជើញចុះត្រួតពិនិត្យហេដ្ឋារចនាសម្ព័ន្ធនានាស្ថិតនៅតំបន់ប្រវត្តិសាស្ត្រយោធាតេជោកោះថ្មអ៊ិច១៦។

កោះកុង៖ ព្រឹកថ្ងៃទី២២ ខែឧសភា ឆ្នាំ២០២៣ នៅសាលប្រជុំនាយសេនាធិការដ្ឋាននៃបញ្ជាការដ្ឋានកងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការកងរាជអាវុធហត្ថខេត្ត បានដឹកនាំប្រជុំត្រួតពិនិត្យការអនុវត្តតួនាទីភារកិច្ចកងរាជអាវុធហត្ថ ដោយមានសមាសភាពចូលរួមនាយរងសេនាធិការ ប្រធានមន្ទីរទាំង៧ នាយការិយាយល័យជំនាញទាំង៣ និងប្រធានក្រុមអន្តរាគមន៍។

ក្រចេះ៖ រសៀលថ្ងៃអាទិត្យ ទី២១ ខែឧសភា ឆ្នាំ២០២៣ នៅទីបញ្ជាការដ្ឋានកងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំកម្លាំងប្រជុំជួរទ័ពដើម្បីត្រួតពិនិត្យកម្លាំងមធ្យោបាយសម្ភារត្រៀមអន្តរាគមន៍ ការពារសន្តិសុខ សណ្ដាប់ធ្នាប់ រក្សាសុវត្ថិភាពជូនប្រជាពលរដ្ឋក្នុងភូមិសាស្ត្រខេត្ត។

តាកែវ៖ នៅបញ្ជាការដ្ឋាន កងរាជអាវុហត្ថខេត្តតាកែវ ព្រឹកថ្ងៃចន្ទ ថ្ងៃទី២២ ខែឧសភា ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការ ដើម្បីត្រួតពិនិត្យការអនុវត្ត តួនាទីភារកិច្ចក្នុងអង្គភាព និងពង្រឹទៅលើការងារសន្តិសុខ សុវត្ថិភាព ជូនប្រជាពលរដ្ឋ ពង្រឹងលើការងារល្បាតចល័តនៅក្នុងភូមិសាស្ត្រទូទាំងខេត្ត ដើម្បីបង្ការ បង្រ្កាប រាល់បទល្មើសឱ្យបានទាន់ពេលវេលា ជាពិសេសលោកឧត្ដមសេនីយ៍មេបញ្ជាការ បានដាក់បទបញ្ជាយ៉ាងម៉ឺងម៉ាត់ត្រូវបង្រ្កាបក្មេងទំនើងដែលបង្ករការអុកឡុកធ្វើឱ្យខូចសណ្តាប់ក្នុងសង្គមឱ្យខានតែបាន កិច្ចប្រជុំ សមាសភាពចូលរួមមេបញ្ជាការរង នាយសេនាធិការរង ប្រធានមន្ទីរទាំង៧ និងនាយការិយាល័យដែលពាក់ព័ន្ធ។

កំពង់ឆ្នាំង៖ ដោយទទួលបានបទបញ្ជាពីលោក ឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តកំពង់ឆ្នាំង ព្រឹកថ្ងៃទី២២ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្ត លោក វរសេនីយ៍ឯក មាស សុន នាយសេនាធិការកងរាជអាវុធហត្ថខេត្ត បានអញ្ជើញដឹកនាំប្រជុំជួរទ័ពដើម្បីផ្សព្វផ្សាយផែនការ ការពារសន្តិសុខ សុវត្ថិភាព រក្សាសណ្តាប់ធ្នាប់ ជូនថ្នាក់ដឹកនាំ ដោយមានការចូលរួមពីនាយ នាយរង និងពលអាវុធហត្ថដែលមានការពាក់ព័ន្ធ។

ភ្នំពេញ៖ ព្រឹកថ្ងៃចន្ទ ទី២២ ខែឧសភា ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) បានប្រជុំត្រួតពិនិត្យការអនុវត្តតួនាទីភារកិច្ច ក្រោមអធិបតីភាព លោកឧត្តមសេនីយ៍ត្រី លីវ ណារ៉ា នាយករង តំណាងលោក ឧត្ដមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ដោយមានសមាសភាពចូលរួម នាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិទ្យាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យបុគ្គលិក និងបុគ្គលិកដែលមានការពាក់ព័ន្ធ។

សៀមរាប៖ នៅថ្ងៃទី២០-២១​ ខែឧសភា ឆ្នាំ២០២៣ លោក វរសេនីយ៍ឯក ស៊ូ  កណ្ឋារដ្ឋ  មេបញ្ជាការរង ទទួលការងារកសាងកម្លាំងកងរាជអាវុធហត្ថខេត្តសៀមរាប បានអញ្ជើញចុះផ្សព្វផ្សាយការងារអប់រំចិត្តសាស្ត្រ ប្រចាំឆមាសទី១ ឆ្នាំ២០២៣ និងផ្សព្វផ្សាយក្រមសីលធម៌សម្រាប់យោធិននៃកងយោធពលខេមរភូមិន្ទ ក្នុងដំណើរបោះឆ្នោត ដល់នាយ នាយរងអាវុធហត្ថនៅតាមបណ្តាមូលដ្ឋាន កងរាជអាវុធហត្ថក្រុងស្រុកទាំងអស់ក្នុងខេត្តសៀមរាប។