កំពង់ធំ៖ នៅបញ្ជាការដ្ឋាន កងរាជអាវុធហត្ថខេត្តកំពង់ធំ ព្រឹកថ្ងៃសុក្រ ទី១៩ ខែឧសភា ឆ្នាំ២០២៣ បានធ្វើពិធីផ្សព្វផ្សាយការងារអប់រំនយោបាយចិត្តសាស្ត្រដល់យោធិន នៃកងរាជអាវុធហត្ថ ប្រចាំឆមាសទី១ ឆ្នាំ២០២៣ ក្រោមអធិបតីភាព លោក ឧត្តមសេនីយ៍ត្រី ឈៀង សុខុម មេបញ្ជាការរង តំណាង លោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ និងគ្រូឧទ្ទេសនាមដោយ លោក វរសេនីយ៍ឯក មាន មុំ មេបញ្ជាការរងទទួលការងារទំនាក់ទំនងកិច្ចការសាធារណៈ ដោយមានការអញ្ជើញចូលរួមពីលោកនាយសេនាធិការរង ប្រធានមន្ទីរ…

កណ្តាល៖ រសៀលថ្ងៃទី១៩ ខែឧសភា ឆ្នាំ២០២៣ នៅវត្តឬស្សីស្រុក ឃុំឈើទាល ស្រុកកៀនស្វាយ ខេត្តកណ្តាល លោក វរសេនីយ៍ទោ ប៊ូ ចន្ធី នាយសេនាធិការរង កងរាជអាវុធហត្ថខេត្តកណ្តាល បានដឹកនាំកម្លាំងដែលពាក់ព័ន្ធប្រជុំជួរត្រួតពិនិត្យកម្លាំង និងផ្សព្វផ្សាយផែនការការពារ សន្តិសុខ រក្សាសណ្តាប់ធ្នាប់ ជូនថ្នាក់ដឹកនាំជាន់ខ្ពស់។

រតនគិរី៖ រសៀលថ្ងៃទី១៩ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី លោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញផ្សព្វផ្សាយបទបញ្ជាស្ដីពីការត្រៀមកម្លាំងធានាសន្តិសុខ សុវត្ថិភាពជូនដល់នាយ នាយរងអាវុធហត្ថ ចំណុះបញ្ជាការដ្ឋានកងរាជអាវុធហត្ថខេត្តរតនគិរី ឲ្យបានជ្រួតជ្រាបគ្រប់ៗគ្នា ។ ពិធីនេះដែរក៏មានការអញ្ជើញចូលរួមពីលោកមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង ស្រុក និងស្នាក់ការសន្តិសុខផងដែរ។

តាកែវ៖ ព្រឹកទី១៩ ខែឧសភា ឆ្នាំ២០២៣ អនុវត្តបទបញ្ជា លោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ កម្លាំងអាវុធហត្ថខេត្ត និងមូលដ្ឋានកងរាជអាវុធហត្ថក្រុង/ស្រុក ស្នាក់ការគោលដៅ បានធ្វើការប្រជុំជួរដើម្បីត្រួតពិនិត្យកម្លាំងត្រៀមអន្តរាគមន៍ ការពារសន្តិសុខសណ្ដាប់ធ្នាប់ ជួយសង្គ្រោះនូវរាល់ហេតុការណ៍ដែលកើតមានឡើងជាយថាហេតុ និងធ្វើការចេញល្បាតដើម្បីរក្សាសុខសុវត្ថិភាពជូនប្រជាពលរដ្ឋ នៅក្នុងភូមិសាស្ត្រ។

ក្រចេះ៖ ព្រឹកថ្ងៃទី១៩ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តក្រចេះ បានធ្វើពិធីប្រជុំផ្សព្វផ្សាយការងារអប់រំចិត្តសាស្ត្រប្រចាំឆមាសទី១ ឆ្នាំ២០២៣  ក្រោមអធិបតីភាព លោក វរសេនីយ៍ឯក ស៊្រុន សោភ័ណ មេបញ្ជាការរងទទួលជំនាញទំនាក់ទំនងកិច្ចការសាធារណៈ ដោយមានការអញ្ជើញចូលរួមពីនាយសេនាធិការរង ប្រធានមន្ទីរ/អនុប្រធានមន្ទីរ នាយ/នាយរងការិយាល័យ មេបញ្ជាការមូលដ្ឋាន ក្រុង/ស្រុក ប្រធានស្នាក់ការ នាយទាហាន នាយទាហានរង និងពលអាវុធហត្ថទាំងអស់។

សៀមរាប៖ រសៀលថ្ងៃទី១៨ ខែឧសភា ឆ្នាំ២០២៣ នៅសាលប្រជុំធំ ទីបញ្ជាការដ្ឋានកងរាជអាវុធហត្ថខេត្តសៀមរាប បានធ្វើពិធីប្រជុំផ្សព្វផ្សាយការងារអប់រំចិត្តសាស្ត្រ ប្រចាំឆមាសទី១ ឆ្នាំ២០២៣ ក្រោមអធិបតីភាព លោក វរសេនីយ៍ឯក ស៊ូ កណ្ឋារដ្ឋ មេបញ្ជាការរងទទួលការងារកសាងកម្លាំងកងរាជអាវុធហត្ថខេត្តសៀមរាប ដោយមានការអញ្ជើញចូលរួមពី លោកមេបញ្ជាការរង លោកនាយសេនាធិការ លោកនាយសេនាធិការរង ប្រធាន/អនុប្រធានមន្ទីរ លោក លោកស្រី នាយ នាយរងការិយាល័យ ជំនួយការ ទាំងអស់ និងបានចែកឯកសារជូន ប្រធានមន្ទីរ ដើម្បីយកផ្សព្វផ្សាយបន្តជូននាយ នាយរងអាវុធហត្ថផងដែរ។

សៀមរាប៖ វេលាម៉ោង១៤:០០នាទីថ្ងៃទី១៨ ខែឧសភា ឆ្នាំ២០២៣ នៅសាលប្រជុំទីបញ្ជាការដ្ឋានកងរាជអាវុធហត្ថខេត្តសៀមរាប បានធ្វើពិធីបំពាក់ឋានន្តរសក្តិជូននាយទាហាននៃកងរាជអាវុធហត្ថ និងបើកវគ្គហ្វឹកហ្វឺនកងរាជអាវុធហត្ថប្រចាំឆមាសទី១ ឆ្នាំ២០២៣ ក្រោមអធិតីភាព លោក ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប ដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធាន/អនុប្រធានមន្ទីរ នាយ/នាយរងការិយាល័យ  និងជំនួយការ។

កំពត៖ នៅបញ្ជាការដ្ឋាន កងរាជអាវុធហត្ថខេត្តកំពត ព្រឹកថ្ងៃទី១៨ ខែឧសភា ឆ្នាំ២០២៣ បើកកិច្ចប្រជុំការងារស្រាវជ្រាវព័ត៌មានសន្តិសុខ ក្រោមអធិបតីភាពលោក វរសេនីយ៍ឯក សេង វិច្ឆិកា មេបញ្ជាការរង កងរាជអាវុធហត្ថខេត្តកំពត ដោយមានការអញ្ជើញចូលរួមពីប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង/ស្រុក លោកមេបញ្ជាការរងទទួលការងារស្រាវជ្រាវព័ត៌មានសន្តិសុខក្រុង/ស្រុក លោកប្រធានស្នាក់ការសន្តិសុខ។