កណ្តាលៈ ព្រឹកថ្ងៃទី១៥ ខែកុម្ភៈ ឆ្នាំ២០២៣ នៅសាលប្រជុំទីបញ្ជាការដ្ឋាន កងរាជអាវុធហត្ថខេត្តកណ្តាល លោក វរសេនីយ៍ទោ កែវ សំណាង នាយសេនាធិការ កងរាជអាវុធហត្ថខេត្ត បានដឹកនាំប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថប្រចាំខែមករា និងលើកទិសដៅខែកុម្ភៈ ឆ្នាំ២០២៣ និងផ្សព្វផ្សាយ ណែនាំ ពង្រឹងការងារផ្សេងៗមួយចំនួនទៀត។
អគារសេនាធិការដ្ឋាន បញ្ជាការដ្ឋាន កងរាជអាវុធហត្ថខេត្តកំពង់ចាម ដែលកំពុងដំណើរការសាងសង់មកទាល់នឹងពេលនេះបានសម្រេចប្រមាណ ជាង ៣០% ហើយ!
កណ្តាល៖ ព្រឹកថ្ងៃទី១៤ ខែកុម្ភៈ ឆ្នាំ២០២៣ លោក វរសេនីយ៍ឯក ជុន វណ្ណី មេបញ្ជាការរង កងរាជអាវុធហត្ថខេត្តកណ្តាល បានដឹកមន្ត្រីជំនាញចុះសិក្សា ត្រួតពិនិត្យទីតាំង កន្លែងឈរជើងសម្រាប់មូលដ្ឋានកងរាជអាវុធហត្ថក្រុង-ស្រុក ដែលបង្កើតថ្មី ចំនួន២ទីតាំងៈ ១-ស្ថិតនៅភូមិព្រែកស៊ឹង ឃុំសំពៅពូន ស្រុកកោះធំ ខេត្តកណ្តាល ២-ស្ថិតនៅភូមិទឹកឃ្លាំង ឃុំទឹកឃ្លាំង ស្រុកល្វាឯម ខេត្តកណ្តាល។
រតនគិរី៖ នៅបញ្ជាការដ្ឋាន កងរាជអាវុធហត្ថខេត្តរតនគិរី ថ្ងៃទី១៣-១៤ ខែកុម្ភៈ ឆ្នាំ២០២៣ ក្រុមការងារជ្រើសរើសយោធិន នៃកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រតេស និងជាប្រធានក្រុមទី១ និងក្រុមការងារកងរាជអាវុធហត្ថខេត្តរតនគិរី ដឹកនាំដោយលោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត បានជួបប្រជុំនិងសំណេះសំណាល ត្រួតពិនិត្យជ្រើសរើសតាមលក្ខខណ្ឌកំណត់ ធ្វើតេស្តវាស់ស្ទង់សមត្ថភាពការសរសេរ នឹងកីឡា បេក្ខជនដែលស្ម័គ្រចិត្តចូលបម្រើការងារជាយោធិនក្នុងក្របខ័ណ្ឌ នៃកងរាជអាវុធហត្ថ ។
កំពត៖ នៅព្រឹកថ្ងៃទី១៤ ខែកុម្ភៈ ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកំពត បានប្រជុំត្រួតពិនិត្យការអនុវត្តតួនាទី ភារកិច្ចការងារ និងតែងតាំងផ្លាស់ប្ដូរមុខតំណែង បំពាក់ឋានន្តរសក្តិ ជូនប័ណ្ណសរសើរ ដល់នាយទាហាន នាយទាហានរង នៃកងរាជអាវុធហត្ថខេត្តកំពត ក្រោមអធិបតីភាព លោក ឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត ដោយមានការអញ្ជើញចូលរួមពីលោកមេបញ្ជាការរង នាយសេនាធិការរង ប្រធាន អនុប្រធានមន្ទីរទាំង៧ នាយការិយាល័យ ជំនួយការចំណុះ និងមេបញ្ជាការមូលដ្ឋានក្រុង-ស្រុក។
កំពង់ស្ពឺ៖ នៅព្រឹកថ្ងៃអង្គារ ទី១២-១៤ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស ប្រធានក្រុមការងារទី២ ជ្រើសរើសយោធិន កងរាជអាវុធហត្ថ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញត្រួតពិនិត្យលក្ខណៈសម្បត្តិ និងធ្វើតេស្តប្រឡងសមត្ថភាពបេក្ខជន នៅបញ្ជាការដ្ឋានកងរាជអាវុធហត្ថខេត្ត ដើម្បីជ្រើសរើសចូលបម្រើការងារក្នុងក្របខ័ណ្ឌកងរាជអាវុធហត្ថលើផ្ទៃប្រទេស៕
កំពង់ឆ្នាំង៖ រសៀលថ្ងៃទី១៣ ខែកុម្ភៈ ឆ្នាំ២០២៣ នៅសាលប្រជុំអគារសេនាធិការដ្ឋាន កងរាជអាវុធហត្ថខេត្តកំពង់ឆ្នាំង លោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្ត បានអញ្ជើញដឹកនាំក្រុមការងារជ្រើសរើសយោធិនកងរាជអាវុធហត្ថខេត្ត ដែលស្ម័គ្រចិត្តចូលបម្រើការងារកងរាជអាវុធហត្ថ ដើម្បីត្រៀមលក្ខណៈជូនក្រុមការងារជ្រើសរើសយោធិនកងរាជអាវុធហត្ថលើផ្ទៃប្រទេស អញ្ជើញចុះមកពិនិត្យ និងធ្វើតេស្តប្រឡងវាស់ស្ទង់សមត្ថភាពជាផ្លូវការ នាថ្ងៃខាងមុខ។
កំពង់ឆ្នាំង៖ រសៀកលថ្ងៃទី១៣ ខែកុម្ភៈ ឆ្នាំ២០២៣ នៅសាលប្រជុំអគារសេនាធិការដ្ឋាន កងរាជអាវុធហត្ថខេត្តកំពង់ឆ្នាំង បានបើកកិច្ចប្រជុំស្ដីពីការចុះអធិការកិច្ចមន្ត្រីនគរបាលយុត្តិធម៌ ក្នុងដែនសមត្ថកិច្ចរបស់មហាអយ្យការអមសាលាឧទ្ធរណ៍ភ្នំពេញលើកទី១ ប្រចាំឆ្នាំ២០២៣ ព្រមទាំងត្រួតពិនិត្យការងារជំនាញ និងពង្រឹងការអនុវត្តច្បាប់ ក្រោមអធិបតីភាព ឯកឧត្តម លឹម សុគន្ថា អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ និង ឯកឧត្តម អ៊ិត សុធា ព្រះរាជអាជ្ញាអមសាលាដំបូងខេត្ត ដោយមានការអញ្ជើញចូលរួមពីសំណាក់ ប្រតិភូក្រុមការងារមកពីសាលាឧទ្ធរណ៍ភ្នំពេញ លោកឧត្តមសេនីយ៍មេបញ្ជាការកងរាជអាវុធហត្ថខេត្ត មេបញ្ជាការរង និងប្រធានមន្ទីរ អនុប្រធានមន្ទីរ នាយការិយាល័យចំណុះមន្ទីរស្រាវជ្រាវ និងបង្រ្កាបបទល្មើស…
កែប៖ នៅបញ្ជាការដ្ឋាន កងរាជអាវុធហត្ថខេត្តកែប រសៀលថ្ងៃទី១៣ ខែ កុម្ភៈ ឆ្នាំ២០២៣ លោក វរសេនីយ៍ត្រី មៀច ប៊ុនថា នាយសេនាធិការ កងរាជអាវុធហត្ថខេត្តខែប បានអញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ចការងារកងរាជឣាវុធហត្ថ ដោយមានការអញ្ជើញចូលរួមពីលោក នាយសេនាធិការរង ប្រធាន-អនុប្រធានមន្ទីរ នាយការិយាល័យ នាយរងការិយាល័យ មេបញ្ជាការមូលដ្ឋានក្រុង-ស្រុក ព្រមទាំងនាយ នាយរង ចំណុះបញ្ជាការដ្ឋានកងរាជអាវុធហត្ថខេត្ត។
កោះកុង៖ ព្រឹកថ្ងៃទី១៣ ខែកុម្ភៈ ឆ្នាំ២០២៣ នៅសាលប្រជុំបញ្ជាការដ្ឋានកងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដេវីត នាយសេនាធិការ បានដឹកនាំការប្រជុំត្រួតពិនិត្យការងាររបាយការណ៍ប្រចាំខែកុម្ភៈ ទិសដៅការងារខែមីនា ឆ្នាំ២០២៣ សមាសភាពចូលរួមមាន នាយសេនាធិការរង ប្រធានមន្ទីរទាំង៧ និងនាយការិយាល័យពាក់ព័ន្ធ។