កោះកុង៖ រសៀលថ្ងៃទី២៣ ខែកុម្ភៈ ឆ្នាំ២០២៣ នៅសាលប្រជុំលេខាធិការដ្ឋាន កងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង បានដឹកនាំប្រជុំស្ដីត្រៀមផែនការ ការពារសន្តិសុខសុវត្ថិភាព និងរក្សាសណ្ដាប់ធ្នាប់, ត្រៀមធ្វើផែនការ ការពារតំបន់អភិវឌ្ឍន៍របស់ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងតំបន់វិសមកាល របស់ក្រសួងការពារជាតិ ស្ថិតនៅក្នុងភូមិជ្រោយប្រស់ ឃុំជ្រោយប្រស់ ស្រុកកោះកុង និងលទ្ធផលការងារ ស្ដីពីការចុះត្រួតពិនិត្យវាស់វែងដី ស្នាក់ការសន្តិសុខ៤៨២ ដើម្បីចុះបញ្ជីរបស់ដីរដ្ឋ៕

តាកែវ៖ នៅវេលាម៉ោង ១៥:៣០នាទី ថ្ងៃទី២១ ខែកុម្ភៈ ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តតាកែវ ដោយសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ បានចុះបង្រ្កាបករណីគ្រឿងញៀន ជាក់ស្តែង នៅចំណុចរោងច្រកស័ង្កសី ភូមិព្រៃរុន ឃុំស្រង៉ែ ស្រុកទ្រាំង ខេត្តតាកែវ ដោយឃាត់ខ្លួនជនសង្ស័យបានចំនួន០២នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ រួមនឹងវត្ថុតាងត្រូវបានមន្ត្រីអាវុធហត្ថខេត្តកសាងសំណុំរឿងតាមនីតិវិធី។

ត្បូងឃ្មុំ៖ នៅតំបន់ប្រវត្តិសាស្រ្តយោធាតេជោកោះថ្មអ៊ិច១៦ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ ព្រឹកថ្ងៃចន្ទ ទី២៤ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យ កងរាជអាវុហត្ថលើផ្ទៃប្រទេស បានអញ្ជើញបានអញ្ជើញធ្វើបទឧទ្ទេសនាមដល់ប្រតិភូកងរាជអាវុធហត្ថចំណុះស្នងការដ្ឋានទាំង៧, ការិយាល័យឯករាជ្យទាំង ៣, បណ្ណសារដ្ឋាន, គិលានដ្ឋាន និងសាលាទាំង២ ដែលដឹកនាំដោយ លោក ឧត្តមសេនីយ៍ទោ អ៊ុង សារ៉ាន់ នាយសេនាធិការរង កងរាជអាវុធហត្ថលើផ្ទៃប្រទេស…

កំបូល៖ នៅវេលាម៉ោង ០៨:៣០នាទីព្រឹក ថ្ងៃទី២៣ ខែកុម្ភៈ ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) លោក ឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) បានដឹកនាំប្រជុំរបាយការណ៍ត្រួតពិត្យការអនុវត្តតួនាទី ភារកិច្ច ការងារកងរាជអាវុធហត្ថប្រចាំខែកុម្ភៈ និងទិសដៅការងារកងរាជអាវុធហត្ថខែមីនា ឆ្នាំ២០២៣ ដោយមានការចូលរួមពីលោកនាយករង លោកប្រធានក្រុមស្រាវជ្រាវវិទ្យាសាស្រ្តហ្វឹកហ្វឺន លោកប្រធានក្រុមយោធាចារ្យ លោកប្រធានមន្ទីរ និងនាយការិយាល័យពាក់ព័ន្ធ។

កណ្តាល៖ ព្រឹកថ្ងៃទី២២ ខែកុម្ភៈ ឆ្នាំ២០២៣ លោក វរសេនីយ៍ឯក ជា វុទ្ធី និងលោក វរសេនីយ៍ឯក ពក សាង មេបញ្ជាការរង កងរាជអាវុធហត្ថខេត្ត បានដឹកនាំសមាជិកក្រុមការងារ និងក្រុមកីឡាបាល់ទាត់ កងរាជអាវុធហត្ថខេត្តកណ្តាល ប្រជុំពិភាក្សារៀបចំក្រុមកីឡាករបាល់ទាត់ កងរាជអាវុធហត្ថខេត្ត ដើម្បីចូលរួមប្រគួតពានរង្វាន់ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល លើកទី២ ឆ្នាំ២០២៣ នាពេលខាងមុខ៕

បន្ទាយមានជ័យ៖ ថ្ងៃទី២២-២៣ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង ជាប្រធានក្រុមទី២ កងរាជអាវុធហត្ថលើផ្ទៃប្រទេស និង លោកឧត្តមសេនីយ៍ត្រី ស៊ុន សម្បត្តិ មេបញ្ជាការរង កងរាជអាវុធហត្ថខេត្តបន្ទាយមានជ័យ ព្រមទាំងក្រុមការងារ បានអញ្ជើញត្រួតពិនិត្យលក្ខណៈសម្បត្តិ ធ្វើតេស្តប្រឡងសមត្ថភាពបេក្ខជន នៅបញ្ជាការដ្ឋានកងរាជអាវុធហត្ថខេត្ត ដើម្បីជ្រើសរើសចូលបម្រើការងារក្នុងក្របខ័ណ្ឌកងរាជអាវុធហត្ថលើផ្ទៃប្រទេស។

សៀមមរាប៖ នៅបញ្ជាការដ្ឋាន កងរាជអាវុធហត្ថខេត្តសៀមរាប ថ្ងៃទី២២-២៣ ខែកុម្ភៈ ឆ្នាំ២០២៣ លោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង និងជាប្រធានក្រុមទី១ ជ្រើសរើសយោធិន នៃកងរាជអាវុធហត្ថលើផ្ទៃប្រទេស និងលោក ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានអញ្ជើញត្រួតពិនិត្យលក្ខណៈសម្បត្តិ និងប្រឡងធ្វើតេស្តសមត្ថភាពបេក្ខជន ដើម្បីជ្រើសរើសចូលបម្រើការងារក្នុងក្របខ័ណ្ឌកងរាជអាវុធហត្ថលើផ្ទៃប្រទេស។

ប៉ៃលិន៖ ថ្ងៃទី២០-២១ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង ជាប្រធានក្រុមទី២ កងរាជអាវុធហត្ថលើផ្ទៃប្រទេស និង លោកឧត្តមសេនីយ៍ត្រី កែវ សុផល មេបញ្ជាការ កងរាជអាវុធហត្ថខេត្តប៉ៃលិន ព្រមទាំងក្រុមការងារ បានប្រជុំសំណេះត្រួតពិនិត្យលក្ខណៈសម្បត្តិ ធ្វើតេស្តប្រឡងសមត្ថភាពបេក្ខជន នៅបញ្ជាការដ្ឋានកងរាជអាវុធហត្ថខេត្ត ដើម្បីជ្រើសរើសចូលបម្រើការងារក្នុងក្របខ័ណ្ឌកងរាជអាវុធហត្ថលើផ្ទៃប្រទេស។

ឧត្តរមានជ័យ៖ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ ថ្ងៃទី២០-២១ ខែកុម្ភៈ ឆ្នាំ២០២៣ ក្រុមការងារជ្រើសរើសយោធិន នៃកងរាជអាវុធហត្ថលើផ្ទៃប្រទេស ដឹកនាំដោយ លោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស ជាប្រធានក្រុមទី១ និងក្រុមការងារកងរាជអាវុធហត្ថខេត្តឧត្តរមានជ័យ ដឹកនាំដោយលោក ឧត្តមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្ត បានជួបប្រជុំត្រួតពិនិត្យជ្រើសរើសវាយតម្លៃ ធ្វើតេស្តវាស់ស្ទង់សមត្ថភាពការសរសេរ និងកីឡា បេក្ខជនដែលស្ម័គ្រចិត្តចូលបម្រើការងារជាយោធិនក្នុងក្របខ័ណ្ឌ នៃកងរាជអាវុធហត្ថ។

តាកែវ៖ នៅបញ្ជាការដ្ឋាន កងរាជអាវុធហត្ថខេត្តតាកែវ រសៀលថ្ងៃទី២០ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរ ស្ដីពីការអនុវត្ត តួនាទីភារកិច្ចក្នុងអង្គភាព និងលើកទិសដៅបន្ត។