កោះកុង៖ ព្រឹកថ្ងៃសៅរ៍ ទី១៨ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី តាំង ឈុនស្រេង មេបញ្ជាការ កងរាជអាវុធហត្ថខេត្តកោះកុង និងលោកជំទាវ ព្រមទាំងនាយទាហាន នាយទាហានរងនៃកងរាជអាវុធហត្ថខេត្ត បានអញ្ជើញចុះសួរសុខទុក្ខ ឯកឧត្តម ចេង ប៊ុនលី ទីប្រឹក្សាក្រសួងមហាផ្ទៃ ដែលកំពុងសម្រាកព្យាបាលជំងឺនៅគេហដ្ឋាន ស្ថិតនៅភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង៕

នៅថ្ងៃសុក្រ ទី១៧ ខែកុម្ភៈ ឆ្នាំ២០២៣ វេលាម៉ោង ០៩:០០នាទី នៅសាលប្រជុំលេខាធិការដ្ឋាន កងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង បានអញ្ជើញដឹកនាំកិច្ចប្រជុំផ្សព្វផ្សាយសេចក្ដីរាយការណ៍អំពីលទ្ធផលនៃកិច្ចផ្សព្វផ្សាយអប់រំចិត្តសាស្រ្ត ឆ្នាំ២០២៣ របស់ប្រធានមន្ទីរទំនាក់ទំនងកិច្ចការសាធារណៈដែលបានអញ្ជើញចូលរួមនៅទីស្តីការក្រសួងការពារជាតិនាថ្ងៃទី១៦ ខែកុម្ភៈ ឆ្នាំ២០២៣, អំពីការចុះបញ្ជីដីរដ្ឋ, ការងារត្រៀមបើកវគ្គហ្វឹកហ្វឺនឆ្នាំ២០២៣, ការងាររបាយការណ៍, បញ្ហាផ្សេងៗ ដោយមានការអញ្ជើញចូលរួមពីលោកមេបញ្ជាការរង នាយសេនាធិការរង ប្រធានមន្ទីរទាំង៧ នាយការិយាល័យ។

កំពង់ស្ពឺ៖ ព្រឹកថ្ងៃទី១៧ ខែកុម្ភៈ ឆ្នាំ២០២៣ លោក វរសេនីយ៍ឯក ចាន់ ដា មេបញ្ជាការរង បានអញ្ជើញដឹកនាំកិច្ចប្រជុំត្រួតពិនត្យរបាយការណ៍អនុវត្តតួនាទី ភារកិច្ច ការងារកងរាជអាវុធហត្ថ ខែមករា ទិសដៅការងារខែកុម្ភៈ ឆ្នាំ២០២៣។

កំពង់ចាម៖ នៅរសៀលថ្ងៃទី១៦ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម លោក ប្រធានក្រុមប្រឹក្សាក្រុងកំពង់ចាម លោកអភិបាល នៃគណៈអភិបាលក្រុង បានអញ្ជើញជាអធិបតីក្នុងពិធីប្រកាសតែងតាំង ផ្លាស់ប្តូរមុខតំណែង មេបញ្ជាការ មូលដ្ឋានកងរាជអាវុធហត្ថក្រុងកំពង់ចាម។ ដោយមានការអញ្ជើញចូលរួមពីលោក មេបញ្ជាការរង នាយសេនាធិការ នាយសេនាធិការរង ប្រធានមន្ទីរ មេបញ្ជាការ មូលដ្ឋានស្រុក ស្នាក់ការសន្តិសុខ អភិបាលរងក្រុង នាយករដ្ឋបាលក្រុង អធិការនគរបាលក្រុង មេបញ្ជាការផ្នែកសឹករងក្រុង…

ស្ទឹងត្រែង៖ នៅបញ្ជាការដ្ឋាន កងរាជអាវុធហត្ថខេត្តស្ទឹងត្រែង ថ្ងៃទី១៥-១៦ ខែកុម្ភៈ ឆ្នាំ២០២៣ ក្រុមការងារជ្រើសរើសយោធិន នៃកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រតេស និងជាប្រធានក្រុមទី១ និងក្រុមការងារកងរាជអាវុធហត្ថខេត្តស្ទឹងត្រែង ដឹកនាំដោយលោក ឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្ត បានជួបប្រជុំនិងសំណេះសំណាល ត្រួតពិនិត្យជ្រើសរើសតាមលក្ខខណ្ឌកំណត់ ធ្វើតេស្តវាស់ស្ទង់សមត្ថភាពការសរសេរ នឹងកីឡា បេក្ខជនដែលស្ម័គ្រចិត្តចូលបម្រើការងារជាយោធិនក្នុងក្របខ័ណ្ឌ នៃកងរាជអាវុធហត្ថ ។

កំពង់ឆ្នាំង៖ ដោយទទួលបានការអនុញ្ញាតពីលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថ្ងៃសុក្រ ទី១៧ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានកសាងកម្លាំង និងជាអ្នកនាំពាក្យកងរាជអាវុធហត្ថលើផ្ទៃប្រទេស បានអញ្ជើញផ្សព្វផ្សាយការងារអប់រំនយោបាយចិត្តសាស្ត្រ និងផ្សព្វផ្សាយសភាពការណ៍ជាតិ អន្តរជាតិ ដល់នាយ នាយរងអាវុធហត្ថចំណុះកងអន្តរាគមន៍ កងរាជអាវុធហត្ថលើផ្ទៃប្រទេស។

ភ្នំពេញ៖ ព្រឹកថ្ងៃអង្គារ ទី១៦ ខែកុម្ភៈ ឆ្នាំ២០២៣ នៅសាលប្រជុំបាយ័ន នៃទីស្តីការក្រសួងការពារជាតិ លោក ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យកងរាជអាវុធហត្ថលើផ្ទៃប្រទេស បានអញ្ជើញដឹកនាំ ប្រធានមន្ទីទំនាក់ទំនងកិច្ចការសាធារណៈ កងរាជអាវុធហត្ថរាជធានីខេត្ត និងសាលាទាំងពី ចូលរួមក្នុងពិធីផ្សព្វផ្សាយការងារអប់រំចិត្តសាស្ត្រ និងសភាពការណ៍ថ្មី ឆ្នាំ២០២៣ ក្រោមអធិបតីភាព ឯកឧត្តម នាយឧត្តមសេនីយ៍ ជៀង អំ រដ្ឋលេខាធិការក្រសួងការពារជាតិ ដែលមានសមាជិកចូលរួមចំនួន ៩៥៧នាក់។

ត្បូងឃ្មុំ៖ ព្រឹកថ្ងៃពុធ ទី១៥ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ បានដឹកមន្ត្រីអាវុធហត្ថក្រោមឱវាទចុះត្រួតពិនិត្យ និងវឌ្ឍនភាពការសាងសង់មហាចេតិយ សម្រាប់តម្កល់អដ្ឋិធាតុអតីតយុទ្ធជនកម្លាំងប្រដាប់អាវុធសាមគ្គីសង្រ្គោះជាតិកម្ពុជា និងមើលហេដ្ឋារចនាសម្ព័ន្ធនានា និងការចាក់ដីបំពេញសម្រាប់សាងសង់អគារស្នាក់នៅ និងអគារកងអនុសេនាធំ ។

កំពង់ឆ្នាំង៖ នៅបញ្ជាការដ្ឋានកងរាជអាវុធហត្ថខេត្តកំពង់ឆ្នាំង ថ្ងៃទី១៤-១៥ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស និងជាប្រធានក្រុមការងារទី២ ជ្រើសរើសយោធិន នៃកងរាជអាវុធហត្ថលើផ្ទៃប្រទេស និងលោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តកំពង់ឆ្នាំង បានអញ្ជើញត្រួតពិនិត្យលក្ខណៈសម្បត្តិ និងធ្វើតេស្តប្រឡងសមត្ថភាពបេក្ខជន នៅបញ្ជាការដ្ឋានកងរាជអាវុធហត្ថខេត្ត ដើម្បីជ្រើសរើសចូលបម្រើការងារក្នុងក្របខ័ណ្ឌកងរាជអាវុធហត្ថលើផ្ទៃប្រទេស៕

ក្រចេះ៖ ព្រឹកថ្ងែទី១៥ ខែកុម្ភៈ ឆ្នាំ២០២៣ នៅសាលប្រជុំបញ្ជាការដ្ឋាន កងរាជអាវុធហត្ថខេត្តក្រចេះ លោក វរសេនីយ៍ឯក ម៉ៅ រ៉ាន្នី មេបញ្ជាការរង ជានាយសេនាធិការ កងរាជអាវុធហត្ថខេត្ត បានដឹកនាំប្រជុំត្រួតពិនិត្យការអនុវត្ត តួនាទីភារកិច្ច និងការងារ កងរាជអាវុធហត្ថ ខែកុម្ភៈ និងលើកទិសដៅការងារ ខែមីនា ឆ្នាំ២០២៣ និងផ្សព្វផ្សាយ ណែនាំពង្រឹងការងារប្រចាំបញ្ជា ប្រចាំការនៅតាមបណ្តាលមូលដ្ឋានក្រុង-ស្រុកផងដែរ។