ភ្នំពេញ៖ ថ្ងៃពុធ ទី២២ ខែមីនា ឆ្នាំ២០២៣ នៅសាលប្រជុំទីចាត់ការ វិទ្យាស្ថានកងរាជអាវុធហត្ថកំបូល បានប្រជុំបូកសរុបលទ្ធផលការងារអធិការកិច្ចប្រចាំឆ្នាំ២០២២ វិទ្យាស្ថានកងរាជអាវុធហត្ថ(កំបូល) ដឹកនាំដោយក្រុមការងារអធិការកិច្ចក្រុមទី៣ លោក វរសេនីយ៍ឯក សួន ភក្ដី នាយការិយាល័យវិវាទប្រព័ន្ធច្បាប់ អធិការដ្ឋាន អគ្គបញ្ជាការដ្ឋាននិងលោក ឧត្តមសេនីយ៍ទោ តាត ចន្ថា នាយកវិទ្យាស្ថាន ព្រមទាំងមន្ត្រីក្រោមឱវាទដែលមានការពាក់ព័ន្ធ។
សៀមរាប៖ ដោយទទួលបានបទបញ្ជាពីលោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅថ្ងៃទី២៨ ខែមីនា ឆ្នាំ២០២៣ លោកឧត្តមសេនីយ៍ទោ ស សំបូរធន នាយសេនាធិការកងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យសិក្សាភូមិសាស្ត្រ ដើម្បីរៀបចំកសាងផែនការការពារសន្តិសុខ រក្សាសណ្ដាប់ធ្នាប់ និងសង្គ្រោះបន្ទាន់ ព្រឹត្តិការណ៍អង្គរសង្ក្រាន្ត ឆ្នាំ២០២៣ នៅខេត្តសៀមរាប ដែលនឹងត្រូវប្រារព្ធធ្វើពីថ្ងៃទី១៣-១៦ ខែមេសា ឆ្នាំ២០២៣ខាងមុខនេះ។
បាត់ដំបង៖ នៅបញ្ជាការដ្ឋាន កងរាជអាវុធហត្ថខេត្តបាត់ដំបង ព្រឹកថ្ងៃទី២៨ ខែមីនា ឆ្នាំ២០២៣ លោក ឧត្ដមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង បានអញ្ជើញជាអធិបតីក្នុងពិធីប្រជុំត្រួតពិនិត្យការអនុវត្ដតួនាទីភារកិច្ច និងវឌ្ឍនភាពការងារ ដោយមានអញ្ជើញចូលរួមពីលោកមេបញ្ជាការរង នាយសេធិការ នាយសេនាធិការរងរង នាយរងលេខាធិការដ្ឋាន ប្រធានមន្ទីរទាំង៧ និងមេបញ្ជាការមូលដ្ឋានកងរាជអាវុធហត្ថក្រុង/ស្រុក។
កំពង់ស្ពឺ៖ រសៀលថ្ងៃទី២៧ ខែមីនា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំកិច្ចប្រជុំផ្សព្វផ្សាយផែនការ ការពារសន្តិសុខ រក្សាសណ្តាប់ធ្នាប់ សម្រាប់ការឃោសនាបោះឆ្នោតលើកទី១ និងបោះឆ្នោតដើម្បីជ្រើសរើសក្រុមប្រឹក្សាក្រុងឧដុង្គម៉ែជ័យ និងស្រុកសាមគ្គីមន្នីជ័យ ខេត្តកំពង់ស្ពឺ។
បាត់ដំបង៖ រសៀលថ្ងៃទី២៥ ខែមីនា ឆ្នាំ២០២៣ លោក វរសេនីយ៍ឯក អ៊ឹម ដារ៉ា មេបញ្ជាការស្ដីទី តំណាងលោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញដឹកនាំក្រុមការងារចំពោះកិច្ចខេត្ត ចូលរួមប្រជុំជាមួយក្រុមការងារអធិការកិច្ច អគ្គបញ្ជាការដ្ឋាន និងបញ្ជាការដ្ឋានកងរាជអាវុធហត្ថលើផ្ទៃប្រទេស ចុះមកអធិការកិច្ចលើមុខជំនាញ ចំនួនទ័ព-កូន មធ្យោបាយដឹកជញ្ជូន ភស្តុភារ វិស្វកម្ម អចលនទ្រព្យ បណ្តឹងផ្សេងៗ និងការងារប្រឆាំងគ្រឿងញៀន ដឹកនាំដោយលោក ឧត្តមសេនីយ៍ទោ ឈិន…
កោះកុង៖ ថ្ងៃទី២៧ ខែមីនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការ កងរាជអាវុធហត្ថខេត្តកោះកុង បានដឹកនាំក្រុមការងារអធិការកិច្ចកងរាជអាវុធហត្ថខេត្តកោះកុង ចូលរួមប្រជុំត្រួតពិនិត្យ ការងារអធិការកិច្ចប្រចាំឆ្នាំ២០២២ ជាមួយក្រុមការងារអគ្គបញ្ជាការដ្ឋាន និងកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ទោ ហួត សម្បត្តិ នាយករងអធិការកិច្ច អគ្គបញ្ជាការដ្ឋាន នៃកងយោធពលខេមរភូមិន្ទ។
កោះកុង៖ ព្រឹកថ្ងៃទី២៧ ខែមីនា ឆ្នាំ២០២៣ នៅសាលប្រជុំសេនាធិការដ្ឋាននៃបញ្ជាការដ្ឋាន កងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការកងរាជអាវុធហត្ថខេត្តកោះកុង បានដឹកនាំប្រជុំត្រួតពិនិត្យការអនុវត្តតួនាទីភារកិច្ច និងដាក់ទិសដៅបន្ត ដោយមានសមាសភាពចូលរួមមាន នាយរងសេនាធិការ ប្រធានមន្ទីរទាំង៧ នាយការិយាល័យ។
កែប៖ ព្រឹកថ្ងៃទី២៧ ខែមីនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកែប លោក វរសេនីយ៍ឯក ជា វណ្ណា មេបញ្ជាការរងទទួលការងារកសាងកម្លាំង បានដឹកនាំ ប្រជុំការងារពាក់ព័ន្ធជំនាញបុគ្គលិក ដោយមានសមាសភាពចូលរួមនាយសេនាធិការរង ប្រធានមន្ទីរទាំង៧ នាយការិយាល័យអធិការកិច្ច នាយការិយាល័យហរញ្ញវត្ថុ នាយរងលេខាធិការដ្ឋាន មេបញ្ជាការ ក្រុង-ស្រុក។
កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ព្រឹកថ្ងៃទី២៧ ខែមីនា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញជាអធិបតីក្នុងក្នុងពិធីបើកវគ្គបំប៉នជំនាញប្រចាំឆមាសទី១ ឆ្នាំ២០២៣ ។ ដោយមានការចូលរួមពីលោកមេបញ្ជាការរង នាយសេនាធិការរង ប្រធានមន្ទី នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង ស្រុក។ សិក្ខាកាមត្រូវបំប៉នជំនាញមានចំនួន៣០នាក់ មានរយៈពេល៣០ថ្ងៃ ស្មើ១២៦ម៉ោង។
ព្រះវិហារ៖ ព្រឹកថ្ងៃចន្ទ ទី២៧ ខែមីនា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រះវិហារ បានរៀបចំពិធីប្រជុំត្រួតពិនិត្យការអនុវត្ត តួនាទីភារកិច្ច និងវឌ្ឈនភាពការងារកងរាជអាវុធហត្ថខែមីនា និងទិសដៅការងារខែមេសា ឆ្នាំ២០២៣ ក្រោមអធិបតីភាពលោក ឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុកផងដែរ។