តាកែវ៖ នៅព្រឹកថ្ងៃទី០១ ខែមេសា ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានអញ្ជើញជួបសំណេះសំណាលជាមួយយោធិន នៃកងរាជអាវុធហត្ថ ដែលទើបជ្រើសរើសថ្មី(ជាប់ជាស្ថាពរ) ដែលត្រូវចូលហ្វឹកហ្វឺននៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ។

កែប៖ រសៀលថ្ងៃទី០១ ខែមេសា ឆ្នាំ២០២៣ លោកវរសេនីយ៍ឯក សេស សុផល មេបញ្ជាការរង តំណាងលោកឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្តកែប បានដឹកនាំប្រជុំផ្សព្វផ្សាយផែនការការពារសន្តិសុខ រក្សាសុវត្ថិភាពរក្សាសណ្តាប់ធ្នាប់ ជូនថ្នាក់ដឹកនាំ។

តាកែវ៖ រសៀលថ្ងៃទី៣០ ខែមីនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តតាកែវ ក្រុមការងារអធិការកិច្ចអគ្គបញ្ជាការដ្ឋាន និងក្រុមការងារកងរាជអាវុធហត្ថខេត្ត បានប្រជុំត្រួតពិនិត្យការងារជំនាញអធិការកិច្ចប្រចាំឆ្នាំ២០២២ ដឹកនាំដោយ លោក ឧត្តមសេនីយ៍ទោ ហួត សម្បត្តិ នាយករងអធិការដ្ឋាន អធិការកិច្ច អគ្គបញ្ជាការដ្ឋាន។

កំពត៖ នៅវេលាម៉ោង១២:៣០នាទី ថ្ងៃទី៣១ ខែមីនា ឆ្នាំ២០២៣ លោក វរសេនីយ៍ទោ ញ៉ែត ញ៉ែម ប្រធានមន្ទីរទំនាក់ទំនងកិច្ចការសាធារណៈតំណាងលោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្តកំពត បានដឹកនាំមន្ត្រីក្រោមឱវាទ អញ្ជើញចុះទៅសួរសុខទុក្ខ និងនាំយកថវិកា របស់លោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត ចំនួន៣០០,០០០ រៀល ប្រគល់ជូនលោក ម៉ៅ ផេង សមាជិកក្រុមប្រឹក្សាក្រុងកំពត ដែលមានជំងឺកំពុងសម្រាកព្យាបាលនៅគេហដ្ឋាន ស្ថិតនៅភូមិកំពុងបាយខាងជើង សង្កាត់កំពង់បាយ ក្រុងកំពត ខេត្តកំពត។ ក្នុងពិធីនោះដែរ…

ព្រៃវែង៖ ព្រឹកថ្ងៃសុក្រ ទី៣១ ខែមីនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តព្រៃវែង លោក ឧត្តមសេនីយ៍ត្រី ចេង ម៉ាច មេបញ្ជាការរង តំណាងលោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានអញ្ជើញទទួលស្វាគមន៍ប្រតិភូបញ្ជាការដ្ឋានយោធាខេត្តឡុងអាន នៃសាធារណៈរដ្ឋសង្គមនិយមវៀតណាម អញ្ជើញចូលជួបសម្តែងការគួរសមសំណេះសំណាល និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខ។

ត្បូងឃ្មុំ៖ ល្ងាចថ្ងៃទី៣១ ខែមីនា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិន្យការងាររៀបចំសម្ពោធមហាចេតិយដាក់អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩រូប  មកតម្កល់នៅក្នុងមហាចេតិយ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ ផែនការការពារ។

ឧត្តរមានជ័យ៖ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ ថ្ងៃទី៣១ ខែមីនា ឆ្នាំ២០២៣ លោក ឧត្តមសេនីយ៍ត្រី លី ឡាដា មេបញ្ជាការរងកងរាជអាវុធហត្ថខេត្ត បានអញ្ជើញជាអធិបតីភាព ក្នុងពិធីបិទវគ្គហ្វឹកហ្វឺនបំប៉នជំនាញកងរាជអាវុធហត្ថ ប្រចាំឆមាសទី១ ឆ្នាំ២០២៣ ដោយមានការអញ្ជើញចូលរួមពីសំណាក់ លោកមេបញ្ជាការរង នាយសេនាធិការ នាយសេនាធិការរង ប្រធាន អនុប្រធានមន្ទីរ និងនាយការិយាល័យពាក់ផងដែរ។

ភ្នំពេញ៖ ព្រឹកថ្ងៃទី៣១ ខែមីនា ឆ្នាំ២០២៣ នៅសាលប្រជុំទីចាត់ការវិទ្យាស្ថានកងរាជអាវុធហត្ថ(កំបូល) បានធ្វើពិធីបិទវគ្គ និងប្រគល់វិញ្ញាប័ណ្ណបត្រ ជូនដល់សិក្ខាកាមវគ្គបំប៉នជំនាញស៊ើបអង្កេតឆ្នាំ២០២៣ ក្រោមអធិបតីភាពលោក ឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ដោយមានការអញ្ជើញចូលរួមពីសំណាក់លោក ឧត្តមសេនីយ៍ត្រី វរសេនីយ៍ នាយករង លោក វរសេនីយ៍ទោ វ៉ាងសង់ មេរ៉េស្កូ ប្រធានគម្រោងសហប្រតិបត្តិការបារាំង លោកប្រធានក្រុមវិទ្យាសាស្រ្តហ្វឹកហ្វឺន លោកប្រធានក្រុមយោធាចារ្យ លោកប្រធានមន្ទីរ ព្រមទាំងសិក្ខាកាមចំនួន១០៥នាក់ ផងដែរ។

កែប៖ នៅបញ្ជាការដ្ឋាន កងរាជអាវុធហត្ថខេត្តកែប ព្រឹកថ្ងៃទី៣១ ខែមីនា ឆ្នាំ២០២៣ លោក ឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្តកែប បានដឹកនាំប្រជុំផ្សព្វផ្សាយផែនការការពារសន្តិសុខ សុវត្ថិភាព ជូនថ្នាក់ដឹកនាំ និងផែនការការពារសន្តិសុខ រក្សាសុវត្ថិភាពក្នុងពិធីបុណ្យចូលឆ្នាំខ្មែរ និងផែនការការពាររក្សាសុវត្តិភាព និងសង្រ្គាះបន្ទាន់ ពិធីប្រកួតកីឡាអាស៊ីអាគ្នេយ៍លើកទី៣២ នាពេលខាងមុខ។

សៀមរាប៖ ថ្ងៃទី២៩ ខែមីនា ឆ្នាំ២០២៣ នៅសាលប្រជុំសេនាធិការ ក្រុមការងារជ្រើសរើសយោធិន នៃកងរាជអាវុធហត្ថខេត្តសៀមរាប ដឹកនាំដោយលោក វរសេនីយ៍ឯក ស៊ូ កណ្ឋារដ្ឋ មេបញ្ជាការរង ទទួលការងារកសាងកម្លាំង បានជួបសំណេះសំណាល ជាមួយយោធិននៃកងរាជអាវុធហត្ថ ទើបជ្រើសរើសថ្មី (ជាប់ជាស្ដាពរ) ចូលហ្វឹកហ្វឺននៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជំរាយ)។