ភ្នំពេញ៖ ម៉ោង១៩និង៣០នាទី ថ្ងៃទី១២ ខែមេសា ឆ្នាំ២០១៦ មានករណីរក្សាទុកដឹកជញ្ជូន ឬជួញដូរដោយខុសច្បាប់នូវសារធាតុញៀន កើតឡើងនៅចំណុចភូមិពេជោ ឃុំក្រឡាញ់ ស្រុកក្រឡាញ់ ខេត្តសៀមរាប។ កម្លាំងអាវុធហត្ថខេត្ត បានឃាត់ខ្លួនជនសង្ស័យចំនួន៣នាក់៖ 1-មឿង សេងហុង ភេទប្រុស អាយុ២១ឆ្នាំ មុខរបរលក់ដូរ ទីលំនៅភូមិកំពង់ថ្កូវ២ ឃុំកំពង់ថ្កូវ ស្រុកក្រឡាញ់ ខេត្តសៀមរាប។ 2- វិន អឿ ភេទប្រុស អាយុ១៧ឆ្នាំ មុខរបរទិញស្រូវ ទីលំនៅ ភូមិអូរក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប។ 3- ខឿត សុវណ្ណាដេត ភេទប្រុស អាយុ២៦ឆ្នាំ មុខរបរសិស្ស ទីលំនៅភូមិកំពង់ថ្កូវ ឃុំកំពង់ថ្កូវ ស្រុកក្រឡាញ់ ខេត្តសៀមរាប។ វត្ថុតាងចាប់យក៖ ម្សៅគ្រីមម៉ាទឹកកក​ចំនួន៤កញ្ចប់ស្មើ៤,៧២ក្រាម, ទូរស័ព្ទ៣គ្រឿង សម្ភារៈសម្រាប់ជក់ និងវេចខ្ចប់មួយចំនួនទៀត។ ជំនាញបានកសាងសំណុំរឿង​បញ្ជូន​ទៅ​អយ្យការ​អមសាលាដំបូងខេត្ត។