បុរស​ម្នាក់​បំផ្លិចបំផ្លាញ​ទ្រព្យសម្បត្តិអ្នកដទៃ​ដោយផឹកស្រា​ស្រវឹង​បោកចាន និង​កែវ ត្រូវបាន​សមត្ថកិច្ចជំនាញ​ឃាត់ខ្លួន​

អហ.កំពង់ស្ពឺ ៖ ករណីបំផ្លាញ​ទ្រព្យសម្បត្តិ​អ្នកដទៃមួយ​បានកើតឡើង​កាលពីវេលាម៉ោង១៩និង៣០នាទី ថ្ងៃទី០២ ខែតុលា ឆ្នាំ២០១៥ នៅចំណុច​ភូមិត្រពាំងស្តុកគ្រួឃុំអូរ ស្រុកភ្នំស្រួច ខេត្តកំពង់ស្ពឺ ដោយបង្កឡើងដោយ​ជនសង្ស័យម្នាក់ឈ្មោះ ឈ្មោះសាត ឡឹម ភេទ ប្រុស អាយុ៣០ឆ្នាំ មុខរបរចាំចំការ មានទីលំនៅភូមិឃុំកើតហេតុខាងលើ ។
បើតាមសេចក្តីរាយការណ៍របស់សមត្ថកិច្ចជំនាញខេត្តកំពង់ស្ពឺបានឲ្យដឹងថា៖​ជនសង្ស័យខាលើនេះ​បានផឹកស្រាស្រវឹង​​បោកចាន បោកឆ្នាំង​របស់ជនរងគ្រោះ​ឈ្មោះ ទន់ សុវ៉ាន់ ភេទប្រុស អាយុ ៧១ឆ្នាំ មុខរបរធ្វើចំការ មានទីលំនៅភូមិឃុំកើតហតុខាងលើ ។​
ក្នុងករណីនេះដែរ​បណ្តាលឲ្យបែកចានហូបបាយ​ចំនួន​០៥ចាន និង​កែវចំនួន០៣ ។​
ដោយយោង​លើបណ្តឹងជនរងគ្រោះខាងលើ ជនសង្ស័យនេះត្រូវបាន​កម្លាំងជំនាញ​ធ្វើការ​ឃាត់ខ្លួន​ ដើម្បីចាត់ការ​ទៅតាមនិតិវិធី​៕​